Jeremi 4 - BIBLE MBAÏ 1980

Tuj a ðe dø Judat kï Jerusalem

¹ Ah Israel, îla i tel, îla i tel kï romt. Titbe la i takel Bïraþe ye. Îla i ør nyag kïyerr loi kø nomt a ne, a în ngekaw kï nyasï dõ al ta.

² Îla i nda yo an: Bïraþe ndï kï døa dõ kam rotat kï nyaða kïgoðobat kï kïdene sew, kamla girrdeg a ngahn majkurr kamat na a ngahn toko kamat.

³ Kïtø titbe la Bïraþe elïn deg kï Juda kï deg kï Jerusalem an: I ndøøn ndøø losï kïkij, ot duwïn nya dan kon'gt.

⁴ I jan rosï þat kïta Bïraþe, i jan gaj ngarkamsï, în deg kï Juda kï ngéndï Jerusalem na þeta wong lom ndu õsï tit horr be in de asï tøla al kïta kïlaðasï kï majal.

⁵ Ørrïn hoia kam Judat, i lan mbera Jerusalemt anan: I kunïn tow kam døningt, unïn ndisï kïdõ anan: I kawïn'na kïnat, ad j'awïn kam þebogt kïngang.

⁶ Unïn drapo kïdõ sumba lo kï Siõ ãin na, ot duban kïta m'a m'ad nya kï majal kï nujkø kïbobe ðen kojigel.

⁷ Tubo ndï tee kam bulot lon, nge nuj girrdeg kïdangdang, þai londïnt, so ðobo kïta nuj døning losï. A tel þebog loi gootþe, ngéndït a goton.

⁸ Kïtø 'nten i lan kub høndo rosït i nõn, i udïn wi, kïta wong kïtïngabil lo Bïraþe a nyàj al.

⁹ Ndøt'n non ngar kï mbaiþeg, Titbe la i takel Bïraþe ye. Rod a oi siw; ngejanyamosï, rod a ndad; ngekelta kïta Luwaht, þool a ðad.

¹⁰ Kamla m'el m'an: Ah Bïraþe Luwah, i gool deg'n ðan kï Jerusalem tø an: A i ngahn lapia. Na kiyaðøø aw mbã tøld.

¹¹ Ndøt'n non a elïn deg'n ðan kï Jerusalem anan: Nel kïtïngabil ðe ko doorlogt kï dø dïlalot, dø þebo lo deg lom. I kïta to tisa ke kïta kar nyako al.

¹² I nel kï la kï tøg ngãi in ndï ðe kokïromt. Tajigla m'a m'tee kï takïgang lom kïdødt.

¹³ Oon, ngenuj deg ndï ðe tit kilndii be pusïðøøg loa tit'n kï nélbarwãi, sïndag loa ãin ngød tøin kurog. Beto loj kïta jî kïnuj.

¹⁴ Ah Jerusalem, i ar ngarkami dø majalt kïtakad i aj. Mbã ndø bãi a i ngomïn tagahi kï majal kamit a?

¹⁵ Kïtø ndita tee ko døning Dan, elta ko dø mbalbot kï Epraim, ndï ørr hoi nujkø.

¹⁶ Ørrïn hoia girrdeg kïdangdang, adïn ngéndï Jerusalem gerïn madngeta ndï ðen ko døningt kï sãi unïn ndid kon ne ndoorïn þebogkï Juda.

¹⁷ Gugïn dø Jerusalem gej tit'n kï deg ngengomd ndøø be kïta tam ðøø. Titbe la i takel Bïraþe ye.

¹⁸ Robg loi kï kïlaðaig la ten kï nyag 'nten døit kand nyari kïgootal. Rota, i kïkatbang, mbut lo mbã tee ngarkamit.

¹⁹ Kamkøl, kamkøl lom, mî kï kamkøl ngarkammt kamm ndï gam pipi, m'asï ndï tam mbo al, kïta rom oo dø ndi tow ðøø'n ndï ko

²⁰ Ørrïn hoi nujkø kïdø nujkøt kïta tujïn døning tube. Nujïn kujkubg lom kï kub ganglo lom tentenbe.

²¹ Mbã ndø ði m'a m'oo drapo na m'oo dø ndi tow a?

²² Rota, deg lom în þood germin al în ngan'g kï hankald goto, goosï lod goto, nyager lod i majalkïða, gerïn nya ða kïmaj goto.

²³ M'oo døning na i gotlo kï to kari, nya gotot, m'oo dørãg na kunjd goto,

²⁴ m'oo mbalbog na oo în kïye, doorlog tube ndï yeen yïkïtyïkït.

²⁵ M'oo lo na m'oo de kïða al, yelg kï dõ tube ãin na.

²⁶ M'oo na oo, Karmel tel dïlalo, þebog loa tube în kïtuj nõ Bïraþet, nõ wongt loa kïtïngabil.

²⁷ Kïtø titbe kel Bïraþe: Døning tube a tel gootþe na m'a m'nuja kïtaagbe al.

²⁸ Kïtø 'nten døning a høndo, dørã kïdõ, til a ut døa kïta m'el taa, M'øj ta ðaa, m'a m'mbel køm al, m'a m'nyà ta ðaa al tø.

²⁹ Oon dø kah ngekalsïndag kï ngékurkïrãg deg tube ngendï þebot ãin na, a yan rod kam kut, a alïn dø mbalgt, nyan þebog tube, de kï ndit goto.

³⁰ Na in Jerusalem, gootþe kïnuj, a i ðan a. I la kub kïkïre worwor roit, i pare roi kï nar ør, i tørr þal kumi, i ða mand kari kï ndang ngetaðig kïdin, ndï sahn ðob tøli.

³¹ Kïtø m'oo dø ko tit ndi dekïdë kï ngetõkooj, kamkil ðaa tit dekïdë in ndï ooj ngonderïn. Þebo Siõ ndï tõ ðusïðusï, la jin an: Beto lom tajigla kïta rom oi siw nõ ngetøldegt.