Jeremi 3 - BIBLE MBAÏ 1980

Juda kï Israel în dekïdë kïro al

¹ Îla de mad tuþa nën, nyàa ada ta ngaw kïðang, dekïdïngã'n non a tel ðe ro dekïdët'n non gog þai a? Døning a tel kïyerr kïtai ale? Na î Israel, i ða kaya kï ngendigi ngãi, A i tel kïromt a? Titbe la i takel Bïraþe ye.

² Un kumi kïdõ i oo doorlog lokïðah ton sei tit al a? I ða ta ðobgt tit Arab be kam dïlalot na i yerr kï døning kïtakul kayakïða kïmajal loi.

³ Kïtø 'nten la ogin ne man ndii ked, ndii bîna ed al tø. Titbe kaa i kï takum kaya dekïdë in roa søla al.

⁴ Tajigla i ko kïdømt an: Bøwm, in namm lon mî kïdu, titbe ale?

⁵ Wøng loa a i titbe kïndøgndøg a? A hø wong kamïnt mbãkïnõt a? Oo, i elta na i ða majal kïkete kete kï kamndig.

⁶ Kaglot lo ngar Josias Bïraþe elïm an: I oo nya'n Israel, girrdeg kïro al, ða a? Aw dø mbalbogt kï girr kag kïmbool kïðen, ða kaya.

⁷ M'el m'an: Got'n hã ða nyag'n non tube woi ye, a tel kïromt. Na tel al. Ngonkõa Juda ngendokum oo þet.

⁸ Ke neni m'tuþa Israel kïta kayakïða, m'ada maktub tuþaa, m'oo Juda ngonkõa kï nge ndokum þool al na aw ða kaya titbe þaitø.

⁹ Kïtø kayakïða lo Israel i nya mad al roat ad døning tel kïyerr, ho kïmaru kï mbal kï kag.

¹⁰ Titbe kaa Juda, ngonkõa kï ngendokum, tel kïromt kï kam kïkïða al na kïlo ndo kumt koon. Titbe la i takel Bïraþe ye.

¹¹ Bïraþe elïm an: Israel, girrdeg kï roal, øj ron girrdeg kïdenesew tøi Juda kï ngendokum.

¹² Aw, i la mber tag 'nten kojigel an: Israel, ngeðagootal, i tel kïromt. Titbe la i takel Bïraþe ye. M'a m'oo'i kï takum kïwong al kïta mî ngekõkam. Titbe la i takel Bïraþe ye. M'a m'hø wong kammt mbãkïnõt al.

¹³ Maj kad i ger gootal loi, maj kad i ger kad i taa ðøø Bïraþe Luwah loi ad i ndia kï log papa kïro yogt kï girr kag kïmbool kïrel, na i tel roi go tat lom al. Titbe la i takel Bïraþe ye.

¹⁴ I telïn kïromt, în ngan ngé telrogotatal. Titbe la i takel Bïraþe ye. Kïtø mî ngesï, m'a m'unsi kïða kï ða kam þebot mad, ke joo joo ku girnoojt mad, m'a m'ðe sesï Siõt.

¹⁵ M'a m'adsï ngengomsi kïgo kamndigt lom, a ngomdsî kï goosa goosa, kï terra terra.

¹⁶ Lon i bïlan kï døtdøt kam døningt woi ye, ndø at'n non. Titbe la i takel Bïraþe ye. A elïn ta dø sund kunkøt lo Bïraþe gog al ta. A gan døt al, a ndan kamd døt al tø. A ðan kamkil al, a ðan sund kunkø kï rang al ta.

¹⁷ Kaglot'n non a kunïn to Jerusalem Pong Ndï Bïraþe. Girrdeg kïdangdang a kawïn'na Jerusalem kam tø Bïraþet, a ðan kïgo kamd kïmajal kï kõgkong al ta.

¹⁸ Kaglot'n non ngékïþe lo Juda a ndian nat kï ngekïbe lo Israel, a telïn ko døningt kïjigei nat, kï kam do ningt in m'ad bøwsïg nyakagþet.

¹⁹ M'el rom m'an: Kï ðob kïtitbãi m'a m'ndai'n dan nganïmgt m'a m'adi døning kïmaj tøi, nyakagþe kïmaj tøi nyamajg lo girrdeg tube a? M'gah dømt m'an: A i kunïm bøwi a i nya ta kaw gomt al.

²⁰ Rota, tit'n dekïdë ngendokum ngawïn ye, titbe în ngékïþe lo Israel, i ndon kumm. Titbe la i takel Bïraþe ye.

²¹ Oon dø ndita ko kïdø mbalbogt kï todïla, ad i nõn kï koyo lo Israelag kïta tøøn ðob, na kamd oi dø Bïraþe Luwaht lod.

²² I telïn kïromt, in ngan ngedum, m'a m'nyàgo ðagootal losï. Oo, jî kï ndï kï j'aw roit kïta î Bïraþe Luwah loj.

²³ Rota, ndi kïse in bai kïdø doorgt i kari kïndang ke kïdø mbalbogt i takïbal. Rota, kam Bïraþe Luwah loj la kaj lo Israel i tit ye.

²⁴ Yog kïrosøl san kand kïla lo bøwjg tube maði basajit nu, ad i batg lod kï mangg lod, ngandg kï dingã kï kïdë.

²⁵ Ad kï to kam rosølt loj, ad rosøl loj tel bajo kutdøji kïta kï ða majal ndoorïn Bïraþe Luwah loj maði, basajit nu, mbã þone. Kï tel roj go tat lo Bïraþe Luwah loj al.