Jeremi 1 - BIBLE MBAÏ 1980

Luwah kun Jeremi kïta kïla

¹ Tag lo Jeremi ngon Hilkïja, kïkïða ku ngejanyamosït îgïn ndin Anatot kam døning Benjamint.

² Ta lo Bïraþe ðe ro Jeremit kaglot lo Josias ngon Amon, ngar kï Juda kam þalt kïkïlah gidaimïta lo kõþe loa.

³ Ela ta þaitø kaglot lo Jojakim ngon Josias, ngar kï Juda. Elata þaitø kam naht kïmi lo þal kïkïlah gidaikïða lo Sedekias ngon Josias, ngar kï Juda kam þalt'n non la ngéndï Jerusalem awïn þert.

⁴ Ta lo Bïraþe ðe romt an:

⁵ M'geri kete lon m'þain kam kõit al þaitø, lon i teen kam kõit kïtïga al þaitø, m'ndai køtkokïða kad î ngekelta kïtamt kï ro girrdegt.

⁶ M'tur m'an: Ah Bïraþe Luwah, m'ger kelta al kïta mî ngon þaitø.

⁷ Na Bïraþe turïm an: Ot kel kan, mî ngon na a aw kï log tube'n m'a m'lait a eld ta tube'n m'ndai mbera.

⁸ Ot þoold na mî nat sei kad m'aji, Titbe la i ta'n Bïraþe elim.

⁹ Kamla la jin ødïn tam, el an: Oo, m'nda ta lom tait.

¹⁰ Oo, þone m'adi tøg dø girrdegt kï kõþeg kad i retd ruprup, i tød køsïkøsï, kad i nujd, i tøsï i tïlad, kad i ndad gog, i hød ningt.

¹¹ Ta lo Bïraþe elïm an: Jeremi, oo ði a? M'tur m'an: M'oo døji kag amandie.

¹² Kamla Bïraþe elïm an: Oo maj, kïta m'ndï m'ngom go ta lom kï tøl kõna.

¹³ Ta lo Bïraþe ðe romt kïkõjoo an: Oo ði a? M'tur m'an. M'oo jo mad ndï leg na jo'n non tel kï þodo.

¹⁴ Bïraþe elïm an: Ko þodo la nyakïto a þait, so dø ngéndï døningt'n ðan tube ye.

¹⁵ Oo m'a m'kun girrdeg kï kõþeg kïdangdang kï þodo, kel Bïraþe. A ðen, ngar dekïðen a nda pong kõþe lon ta tabitgt kï Jerusalem. A gugïn dø ndogbørrgt loa, gug dø kï kïnõ þebogt kï Juda tube.

¹⁶ M'a m'elta dø tat kïngang lom kï dødt kïtø majal lod kïta nyàmïn kø, lan horr nyag kïkootmbî adïn yog, øsïn død ber nõ kïlaða jidt.

¹⁷ I þai dõ i døboi na eld tag tube'n m'ndai mbera. Ot þool na þeta a ne, m'adi ndahd nõdt.

¹⁸ Oo, þone m'ndai tit þebo kïngang dø døningt kïtaagbe tit pilie hand, tit ndogbørr ningakasï, nõ ngargt kï Juda kï mbaiþeg loa, kï ngéjanyamosï loa, kï ngéndï døningt'n non ho.

¹⁹ A ðøøin na a tetin ðøø al, kïta m'a mî sei nat kad m'aji, kel Bïraþe kï Ngetøg tube.