Jakari 1 - BIBLE MBAÏ 1980

Kunïn deg kï tørrïn ndid

¹ Bal kï ngekõjoo lo Darius kï nah kïjijoo, ta lo Bïraþe ðe ro Jakari ngon Berekia, ngon Ido ngekelta kïta Luwaht, an:

² Wong ða Bïraþe ngãi do bøwsïgt.

³ Kïtø 'nten i eld an: Titbe kel Bïraþe Ngekoosïg i telïn kïromt, kel Bïraþe Ngekoosïg na m'a m'tel kïrosït ho, kel Bïraþe Ngekoosïg.

⁴ Ot kad în tit bøwsïg Îgïn ngekelta kïta Luwaht kïmaði kõ kïdødt anan: Titbe kel Bïraþe Ngekoosïg i telïn, i nyan go ðobg losï kïmajal kï kïlaðasï kïmajal. Na oon dø al, nelïn mbid kïromt al tø, kel Bïraþe.

⁵ Bøwsïg în ðah a? Ngekelta kïta Luwaht ndïn kï død dõ mbãkïnõt a?

⁶ Na tag lom kï mberkïndag lom îgïn m'nda mbera þerg lom ngekelta kïtamt ye, høn bøwsïg kï ta ale? Telïn, elïn anan: Bïraþe Ngekoosïg ða sej tit'n øj kï n'ðan kïta ðobg loj kï kïlaðaji.

Ngekalsïndag dan kag myrtegt

⁷ Þal kï ngekõjoo lo Darius kï nah kïkïlah gidaikïða kï ndo kïdøjoo gidaisøø lo nah'n non in i nah Sebat ye. Ta lo Bïraþe ðe ro Jakari ngon Berekia, ngon Ido an:

⁸ M'oo nya kam kõndøt na oo de mad al dø sïnda ndàit kï ðà dõ ku kag myrtegt kam kut na ko gidat sïnda ndàig kï sïnda mosïg kï sïndag kïndà.

⁹ Kamla m'el m'an: Ah Bïraþe lom sïndag'n ðan în ði a? Na malaika'n hã elïm ta ye an: M'a m'øji takîd kad i ger.

¹⁰ De'n ða ku kag myrtg turïm an: Îgïn ðan la Bïraþe lad kad lan go døning.

¹¹ Na turïn malaika lo Bïraþe'n ða ku kag myrtgt anan: Jî kï lago døning na oo, døning kïtaagbe to lom, to taa koo.

¹² Kamla malaika lo Bïraþe turta, el an: Bïraþe Ngekoosïg, mbã ndø bãi ta a i øj kamkë loi Jerusalem kï þebog kï Juda al a? Îgïn i ða sed wong asï þal døtanãimïta.

¹³ Bïraþe turtag kïmaj kï kïsølkam ad malaika'n elïm ta.

¹⁴ Kamla malaika'n el sem ta ye, an: I ko an: Titbe kel Bïraþe Ngekoosïg: Jang ðam ngãibe dø Jerusalemt kï Siõ

¹⁵ na mî kï wong kï tølsøkïr dø girrdegt'n ðan îgïn ndïn lom kïta lon m'ða wong sîbe a ne, deg'n ða ðan nya ad darondo aw kï ketekete.

¹⁶ Kïtø 'nten, mî Bïraþe Ngekoosïg m'el m'an: M'a m'tel m'aw Jerusalem gog Kad m'øj kõkam, a ðan kuj ndub tøm gog, na a øjïn kïlla mbøj lo døi Jerusalemt.

¹⁷ I ko þaitø an: Titbe kel Bïraþe Ngekoosïg; Þebog lom a ðoosïn kï nyamajg kïngãi, Bïraþe a tel søl kam Siõ gog na a mbed Jerusalem þaitø.