Jã 9 - BIBLE MBAÏ 1980

Jeju ad mundo oo lo

¹ Jeju ndï tøi, oo de mad kï i mundo kï teen kam kont.

² Ngéndoog loa ndïjena anan: Ngendoodeg nõ ða majal, ad ooj'n ne de'n ndïn kï mundo, i î ke ngékoojag a?

³ Jeju turd an: De'n ndïn hã ða majal al, ke ngékoojag, na i mundo kïtakad Luwah øjïn tøg kïla lon ko kamat ad deg oon.

⁴ Lon kàd ða dõ þaitø ye, maj kad m'ða kïlag lo ngelam, lo kï dïw ndï ðe, na de a asï ða kïlat al.

⁵ Lon mî døningt þaitø ye, mî kunj kïta deg kï døningt.

⁶ Lon elta 'nten ye, tiw horr tan døningt, løin børr, kamla ørr borr'n non kum mundot ye,

⁷ ela an: Aw, i tugo kumi kam mant kïtaa i Siloe: Girr tø Siloe i titbe: Î kï la ta la. Mundo aw tugo kumïn kam mant, na lon tel a ne, oo lo ar nyang.

⁸ Madþeag kï îgïn hã oona maði i ngekønya ye anan: Î kan ndï ber ndï kønya ye al a?

⁹ Kïmadg anan: I roa kï roa. Kïmadg tø anan: Ãã i de kï taa ta ta. Na î kïþe el an i mî.

¹⁰ Kïtø 'nten elïna anan: Titbãi teen ne kumi a?

¹¹ Tur an: De kan a kunïna Jeju nõ la, løi børr, ørr kummt, na elïm an: Aw Siloet i tugo kumi. Taa ne, m'aw Siloet, m'tugo kumm, na m'oo lo.

¹² Dea ye i ða a? Tur an: M'ger al.

Parisïg nderïn girr ta lo mundon oo lo

¹³ Ðen kï mundo kan ngah koo lo nõ ro Parisïgt.

¹⁴ Ndø'n Jeju løi børr kum det'n non ad kuma tee ye, i ndø taakò.

¹⁵ Kïtø 'nten Parisïg ndïjena ne titbãi ngahn koo lo. Mundo eld an: Ørr børr kummt, m'tugo a ne m'oo lo.

¹⁶ Dø tat'n non kïmadg ku Parisïgt anan: De'n non i de kï þai kokïro Luwaht al. Kïtø ngom ndø taakò al, na kïmadg anan: Titbãi de kï ngeðamajal asï ða nyakøjg kï yaya tit'n non a? Kïtø 'nten la gangïn ne na joo ye.

¹⁷ Kamla tel ndïjen mundo anan: Î ye, ta loi i ði døat tit kan ten kumi ye a? Turd an: I ngekelta kï ta Luwaht.

¹⁸ Titbe kaa ne, Juipg adïn kamd kad i mundo kï maði ngah koo lo al, ad kunïn ngékooja þaitø.

¹⁹ Ndïjend anan: De'n ðan i ngonsï kan oojïna kï mundo yo. Titbãi ndï oo lo tajigla a?

²⁰ Ngékoojag turïnd anan: Jî kï ger køikøi i ngonj, j'ooja kï mundo tø,

²¹ na titbãi ndï oo lo tajigla taa, kï ger al. I ndïjen kïþe kï døa, i de kï tøg gang, asï kelta dønt.

²² Ngékooj mundo elïn tag'n non kïta þoolïn; Juipg ndan tad nat kete woi, îla de mad elta kïtïga wakïsï an: Jeju i Krist a ne, kï'n tuþana kø kam kuj kawnat lod.

²³ Kïtø 'nten ngékoojag anan: I de kï tøg gang i ndïjena ta î kïþe oon.

²⁴ Parisïg tel kunïn de'n i mundo maði kïrodt gog þaitø, elïna anan: ad køsïgon Luwah. Jî kï ger de'n non i ngeðamajal.

²⁵ Turd an: Ke i ngeðamajal kaa ne, m'ger al; nya kïða la m'ger ye, mî mundo, na tajigla m'oo lo.

²⁶ Elïna anan: Ða ði sei? Titbãi teen kumi a?

²⁷ Turd an: M'elsï woi, na oon dø al; kïtøði i ndig koon ne dø gog tø a? I ndigïn tel ngéndoog loa ho a?

²⁸ Tajïna hoho anan: Î la i ngendoo lo de'n non ye, jî taa ne, jî ngéndoog lo Moij.

²⁹ Kï ger Luwah elta kï Moij, na de'n non taa, kï ger lon teet al.

³⁰ De'n non turd an: Ã 'nten i nya kïya kad i gerïn lon de'n non teet, î tø tee kumm.

³¹ Kï ger Luwah a oo dø kø lo ngéðamajalg al; na de'n nyaðaa i kïgo lo Luwaht, na ndï ðago ndigt loa tø a ne, îla Luwah ndï oo dø kø loa tø ye.

³² Lo mba girr duniat nu de kï oo kad de tee kum de'n i mundoo kï teen kam kõnt goto.

³³ Îla de'n non i kokïro Luwaht al a ne, asï ða nya mad kï ya titbe al.

³⁴ Turïna anan: Oojïn kïtaagbe kam majalgt, yela i ndï i ndooj yo? Tuþana kø.

Mundo kïgo Ndilt

³⁵ Jeju oo hoi mundo'n tuþana kø. Lon ndøda ye, ela an: I ad kami Ngon de a?

³⁶ De'n non tur an: Bïraþe i nõ kad m'ada kam a?

³⁷ Jeju ela an: Ooa de'n ða eli ta nõ i î.

³⁸ De'n non tur an: Bïraþe mad kamm, na øsï døn ber nõat.

³⁹ Kamla Jeju el an: Kïtø takïgang la m'ðen døningt ye, kad îgïn oon lo al a ne, kï oon lo, kad îgïn ndï oon lo tø a ne, kï telïn mundo

⁴⁰ Parisïg madg'n în nat sia ye, oon dø ta 'nten, elïna anan: Jî ye, jî mundog tø ho?

⁴¹ Jeju turd an: Neni în mundog a ne, majalg losï goto, na tajigla i ndï anan I ndï oon lo, kïta 'nten majal losï ton lo tont.