Jã 2 - BIBLE MBAÏ 1980

Taana kï Kanaat

¹ Ndø mïta got deg ðan nah taana kam þet kï Kana kam døning Galilet. Kõ Jeju i tit nõ.

² Kunïn Jeju kï ngéndoog loa kad awïn lo nah taanat ho.

³ Lon kasïnduu tïga ye, kõ Jeju ela an: Kasï nduu lod goto.

⁴ Na Jeju tura an: Dekïdë ði goi nat sem a? Kaglo lom asï al þaitø.

⁵ Kõ Jeju el ngan ngéðakïla an: Nya kï ði'n a elsï a ne i ðan.

⁶ Jo mbalg kïkïbojidet ndïn nõbe kad juipg tugon ne rod kïgo nyabelþet lod. Kam jo kï ða asï kün man litirr døjijoo ke þu kï døjoo kari.

⁷ Jeju el ngan ngékïlag an: Urïn man kam jogt'n ndïn adïn ðoosï. Na ton man kï jogt mbã ndï tad njirr.

⁸ Jeju eld an: Tajigla ødïn man aw ne adïn bïradø ngekoogo nyasa. Na ngan ngékïlag awïn kï man adïn bïradø ngékoogo nyasa.

⁹ Bïradø ngekoogo nyasa ød man kï tel kasïnduu tant oo, na ger lon ngahnt al, na ngan ngékïla taa gerïn þet. Bïradø ngekoogo nyasa kun ngetaadekïdë kij kï ront,

¹⁰ na ela an: A adïn kasï kïmaj kete ad deg ãin ndenïn, kamla a adïn kï masï njørr ko gog ye. Na titbãi i ngom kasï kïmaj mbã mbã, na be tã i ndï ad a?

¹¹ 'Nten i nyakøj kï ya kïdasa'n Jeju ða kam Kanaat kï døning Galilet, øjïn tøg'n titbe, na ngéndoog loa adïna kamd.

¹² Gog go nyat'n ða Kanaat, Jeju awïn Kaparrnawm, nat kï kõn, kï ngankõn kï ngéndoog lon; na ndïn nõbe ndø ngãi al.

Jeju tuþa ngéðagat kø kamkuj kawnat

¹³ Ndø ða nah lo juipg kï tøa i Pakï i nderrbe, ad Jeju þai aw Jerusalem.

¹⁴ Lon tee Jerusalemt ud kuj kawnat lo juipg, ngah deg tit ndï ðawïn mangg, batg, kï derrg, na kïmadg ndï mbelïn nar dø tablegt.

¹⁵ Lon Jeju oo titbe ye, nda kïla ndet, na tuþad tube kø kam kuj kawnat, kï mangg kï batg lod, na tïnda nar lo ngémbel nar tîkø, kamla tøsï tableg lod tïla.

¹⁶ Na el ngéðawderg an: I teen kï derrg losï kø labe, ot telïn kuj lo Bøwm kuj ða gat losï.

¹⁷ Kam ngéndoog loa gah dø tat 'nten kï ndang kam pagt an: Bïraþe, jang tølïm søkïrr kïta kuj loi.

¹⁸ Juipg unïn ta, elïna anan: Nyakøj kï ya kï ði a i ða kad øj'jïn kad kï ger kad aw kï tøg, kad i ðan kïla kï titbe?

¹⁹ Jeju turd an: I tøn kuj kawna'n ðan kï ber, na kam ndøt kïmïta, m'a m'ðaa gog.

²⁰ Kamla Juipg elïna anan: Þal døsøø gidaikïkïbojidet ha ðan ne kuj kawna'n ðan ye la, î tã an: A i ðaa kam ndøt kïmïta be yo?

²¹ Na Jeju elta kï terr dø kuj kawnat dan dø dãron.

²² Kïtø 'nten lon Jeju þai ku ngékoit ye, ngéndoog loa gan kamd dø tat'n eld, ad adïn kamd ta kïndang kam maktubt, kï ta'n Jeju el nõ tø.

Jeju ger ngarkam deg tube

²³ Lon Jeju ndï þebo Jerusalemt kaglo ða nah Pakït ye, deg ngãibe oon nyakøjg kï yaya'n ða ye adïna kamd.

²⁴ Na Jeju ad'd kamïn al kïta gerd tube.

²⁵ Jeju ndig kad de elïn ta lo de mad al, kïta î kïþe ger nya kï ngarkam degt þet.