Jã 12 - BIBLE MBAÏ 1980

Mari urr yib kï kootmbî nja Jejut

¹ Ndø kïkïbojidet kete nõ Pakït Jeju ðe Betanit, þe lo Lajarr ka'n Jeju ada þai ku ngékoit.

² Nõbe ðan nyasa kïlosøle kï tøa; Mart ða ad'd nyasa, na Lajarr i ku îgtïn ndïn ta nyasat kï Jeju.

³ Maði un yib nard kïjanjoi kï kootmbî, kï gata i ngãi asï gaj litïrr kïða, wurïn nja Jeju, na bør njaa kï bisïdøn ad sé yib kï kootmbî asï kam kuj nakï.

⁴ Na Judas Iskariot ngon Simõ kïkïða ku ngéndoogt loa, kan a laa ji degt ye, el an:

⁵ Kïtøði ndugon ne yib kï kootmbî'n non tan ne gurrsï kï de a ngah lon ða kïla ndø þumïta, kad adïn ngéndog al a?

⁶ Judas elta 'nten kïta ta þai hã õ kama kïta ngéndog al, na ngong nar i jiat ad a un tit kïta i ngeþoog la elïn ta ye.

⁷ Na Jeju an: I nyana jen, kïta yib kï kootmbî'n wurïn njam ye ðan go rom kïta dubïm.

⁸ Ngéndog ndïn rosït la kï ndøgbe, na mî, mî rosït kï ndøg al.

⁹ Koosï juipg oon hoi Jeju ndï Betanit, ad ðen kïta Jeju hã kïðabe al, na kïta koo Lajarr'n Jeju ada þai ku ngékoigt.

¹⁰ Ngéjamosïkadkari kïbog, øjïn na ta tøl Lajarr ho

¹¹ kïta juipg ngãibe nyand kïta tøa, na aw adïn kamd Jeju.

Jeju ðe Jerusalemt

¹² Loti got, koosïdeg'n ðen naht lon oon hoi Jeju ndï ðe þebo Jerusalemt ye,

¹³ øin dø jikag tumbur tee ne kïta la taa kï ko tadt anan: Hosana. Majkurr i kï dø ngeðe kam tø Bïraþet, kï Ngar lo Israelag.

¹⁴ Jeju ngah ngon korro ndï døat, kïgo tat'n ndangïn kam Maktubt anan:

¹⁵ Deg kï þebo Siõt, ot þoolïn. Oon, Ngar losï ndï ðe, ndï dø ngon korrot.

¹⁶ Dasa ngéndoog loa gerïn girr nyag 'nten al, na lon Jeju ngah køsïgon woi ye, kamla kamd ga dø kad ndangïn nyag 'nten kam maktubt dan ne døa, na tølïn ta nyag 'nten døat.

¹⁷ Koosïdeg'n ðan ro Jejut lon kunïn Lajarr kï tee kam þadt, na ada þai ku ngékoit ye mana naj.

¹⁸ Koosïdeg tee lan taa kïta oon hoi nyakøj kï ya'n ða.

¹⁹ Kïtø 'nten Parisïg elïna ne ta anan: I gan døsï set i ngahn nya mad al, oon deg kï døningt tube ndulon goa woi.

Grekï madg sahn koo Jeju

²⁰ Grekï madg ku îgt'n ðen kïta køsï død ber nõ Luwaht lo ða naht ye,

²¹ ðen ro Pilipt, de kï Besaidat kam døning Galilet, elïna kïtagd anan: Ngej, kï gee koo Jeju.

²² Pilip aw el Andre, kamla Andre kï Pilip aw elïn Jeju.

²³ Jeju turd an: Døkàd asï woi kad Ngon de ngah køsïgon.

²⁴ Rota, rota la m'ndï m'elsï ye. Îla kum nyako so døningt na oi al a ne, to kïkïðan na îla oi a ne, a and kandïn ngãi.

²⁵ De'n ndï ða ta ron a ne, a laa kø, na în hã ndï tar Luwah tøi ron døningt la a ne, a ngom ron na a ndï kumkajir mbãkïnõt.

²⁶ Îla de mad ndig ða kïlaþer lom a ne, kï ndulo gom; lon mî tit la ngekïlaþer lom a i tit ho ye; îla de mad ndï ða kïlaþer lom a ne, Bøwm a øsïgona.

Jeju elta koin

²⁷ Tajigla ta ndï õ kamm ngãi kaa man ði a? Ka man oo Bøwm ajïm døkàdt 'nten ne? Be al, kïta 'nten la m'ðen mbã døkàt 'nten ye.

²⁸ M'a m'el m'an: Oo Bøw ad tøi kø. Ndi ta mad tee ko dõ dørãt an: M'ad tøm ko woi, na m'am m'ad tøm ko kïdøt þaitø.

²⁹ Koosïdeg'n ðan nõbe, lon oon dø ndi ta'n non ye anan: Ndii la ndáng ye; kïmadg anan: Malaika la ela ta ye.

³⁰ Jeju tur an: Ndita'n non ko kïtatøm al, na kïtatøsï.

³¹ Takïgang dø duniat'n ðan i tajigtla, tajigla Luwah a tuþa ngekõþe kï duniat'n ðan kø.

³² Mî taa, lon a unmïn kï dø døningt a ne, m'a m'ørr deg tube kïromt.

³³ Elta 'nten dan go koin þet n'a n'oi.

³⁴ Koosïdeg turïna anan: J'oo kam Mberkïndat Krist a ndï kï nont ye, titbãi i ndï el an: Sumba kad a unïn Ngon de kï dõ a? Ngon de'n non i nõ a?

³⁵ Jeju eld an: Kunj ndï kusït la ngonsî þaitø. I ndian lon i ndïn ne kï kunj þaitø kïtakad til hursï yedeng al. De'n a ndia kam tilt ger lon ndï awt al.

³⁶ Lon i ndïn kï kunj þaitø ye, adïn kamsï kunj kïtakad i telïn ne deg ngendïa kam kunjt. Jeju elta 'nten kamla þai rodt aw yaron.

Juipg adïn kamd Jeju al

³⁷ Na ke Jeju ða nyakøjg kï yaya ngãi nodt titbe kaa ne, adïna kamd al;

³⁸ kïtakad tølïn ne ta ta'n Esai ngekelta kï ta Luwaht el an: Bïraþe nõ taa tan oon dø rojt a? Nõ oo tøg ji Bïraþe a?

³⁹ Asïn kad kamd Luwah al kïta Esai el tø an:

⁴⁰ Luwah ut kumd mbukï; ad kamd kongkong na þeta a oon kï kumd; na þeta gerïn girra ngarkamdt kad telïn kïromt ad m'yootd.

⁴¹ Esai elta 'nten kïta oo kunj Jeju kïðangereng la elïn ta loa ye.

⁴² Na be kaa ne, deg madg ngãi ku mbaiþegt taan ta loa, na tøn tad døt kï tïga wakïsï al, na þeta Parisïg tuþand kø kam kuj kawnat lo juipg.

⁴³ Kïtø tarïn køsïgon lo deg tøi lo Luwah.

Jeju i kunj kïta deg

⁴⁴ Jeju un ndïn kïdõ kon an: De'n ndï adïm kamïn a ne, mî kïkïðambe hã ndï adïm kamïn al, na ndï adkamïn ngelam ho.

⁴⁵ De'n ndï oom a ne, ndï oo Ngelam ho.

⁴⁶ Mî kunj m'ðe døningt ne kïtakad dekïðen ndï adïm kamïn a ne, kï ndï kam tilt al.

⁴⁷ Îla de mad ndï oo dø tag lom na ngom god al a ne, i mî hã m'ndï m'gangta døat al, kïta m'ðe kï m'gangta dø degt al na kïmaj deg kï døningt.

⁴⁸ De'n ndï mbetïm ndï ta tag lom al tø a ne, ngegangta døat i nõ, ad i ta'n m'la mbera nõ la a gangta døat ndøt kï døboit ye.

⁴⁹ Kïtø m'un ta kïdøm m'el al, na Bøw kï ngelam la ndam mber dø nyat'n sumba kad m'el, na m'la mbera deg.

⁵⁰ M'ger, mberkïnda loa i kumkajir kï mbãkïnõt. Kïtø 'nten, tag'n m'ndï m'el ye, m'ndï m'el tit'n Bøw elmïn.