Jã 10 - BIBLE MBAÏ 1980

Terrta dø ngéngombatgt

¹ Rota rota la m'ndï m'elsï ye: De'n ndï and kïnga batgt kï tabit al, na ndï and kï ta ðob kïðang a ne, i ngéþoog, kï ngekumðob tø.

² Na de'n ndï and kï tabit a ne, i ngéngombatg.

³ Ngengom tabit ndï tee ada; batg oon dø ndia, ndï kun bat lon kïðen kï tøa. Ndï ørrd ta ðob kïtïga.

⁴ Lon tee kï kïlong kïtïga tube woi ye, so nõdt, batg a ndulon goa kïta gerïn dø ndia.

⁵ A ndulon go de kï mbah al, na kãi la a ãina kïta gerïn ndi de kï mbah al.

⁶ Jeju eld terrta 'nten, na gerïn girr ta'n eld nõ al.

Jeju i Ngengombatg kïmaj

⁷ Jeju tel eld an: Rota rota la m'ndï m'elsï ye, mî la mî tabit batg ye.

⁸ Tubeg'n hã ðen nõmt în ngéþoog kï ngékumðob tø. Na batg oon dø ta lod al.

⁹ Mî la mî tabit ye, îla de mad and kïtakulïm a ne, a aj, a and ho, a tee ho, na a ngah lo kulïn.

¹⁰ Ngeþoog a ðe kïndang al, na mba þoog, kï ja kø kï nuj kø tã, na m'ðe kïtakad batg ngahn kumkajir, kï ngahn kumkajir kï to mbuj tø.

¹¹ Mî ngéngombatg kïmaj; ngéngombatg kïmaj ndï ad ron kïta batg.

¹² Na ngeðakïla kï lo nart, kï i ngéngombatg al, kï batg în loa al ye, îla oo bisïkolo a ðe a ne, tî nya batg na ãi, ad bisïkolo ðe urr dødt hød, na tïnda tînd tø.

¹³ Ngeðakïla kïlo nart a ãi, kïta i ngeðakïla nar ad ta õ kama kïta batg al.

¹⁴ Mî ngengombatg kïmaj. M'ger kï lomg, kï lomg tø germïn.

¹⁵ Tit'n Bøw germïn, mî tø m'ger Bøw ho m'ndï mad rom kïta batg tø.

¹⁶ M'aw kï bat madg nõ tø sumba kad m'ðe sed, a nelïn mbid kïdø tat lom, a în þut kïða, ngengomd a i kïða tø.

¹⁷ M'ndï m'ad rom kad m'tel m'ta, kïta 'nten la Bøw ndï tarmïn ye.

¹⁸ De mad kï asï tølïm goto, na mî kïþe la m'ndï m'ad rom kï kamndig ye. M'asï kad mad, m'asï kad m'tel m'ta gog tø. Îla i nya'n Bøw elïm kad m'ða ye.

¹⁹ Lon Jeju elta ye, kø Juipg so gonat al.

²⁰ Kïmadg ngãibe kudt anan: Aw kï ndil kïmajal, kur døa oi kïtøði i ndï oon ne dø ta loa a?

²¹ Kïmadg anan: Tag'n non i takel de kï ngekaw kï ndil kïmajalg e? Ndil kïmajal asï tee kum mundog e?

Juipg ndigïn ta lo Jeju al

²² I dønah kult, i kaglo ða nah kïtaa i nah nda kuj ndub køtkokïða kad Luwah kam þebo Jerusalemt.

²³ Jeju a ndia kam kuj ndub Luwaht girr dawt lo Salomõ.

²⁴ Juipg lan na gugïn døa, elna anan: Mbã ðïngãt a ad kï nyata kam kïða sekïrre a? Îla î Krist a ne el i ørrj nat ad j'oo.

²⁵ Jeju turd an: M'elsï woi, na admïn kamsï al. Kïlag'n m'ndï m'ða kam tø Bøwmt la ndï mamïn naj ye.

²⁶ Na admïn kamsï al kïta în ku batg lom al.

²⁷ Batg lom ndï oon dø ndïm, m'gerd, ndï ndulon gom tø.

²⁸ M'ndï m'ad'd kumkajir kï mbãkïnõt, a nujïn kø kï nja kïða al bat, de kï asï tad jimt goto.

²⁹ Bøwm'n adïmd i kïbo tøid tube, de kï asï tad ji Bøwt goto.

³⁰ Mî kï Bøw jî kïða.

³¹ Kïtø 'nten juipg tel øin ne mbalg kï n'tïlana ne.

³² Jeju turd an: M'øjsï kïlag ngãibe kïmaj kokïro Bøwt, na kïla ði kudt la hã i ndï tïlamïn ne kï mbal a?

³³ Juipg turïna anan: Kïtø kïla mad kïmaj hã kï ndï kï tïlain al, na kïta i ndï elta kïmal dø Luwaht; kïta î kï de i ndï tel roi Luwaht;

³⁴ Jeju turd an: Ndangïn kam mberkïndat losï; m'el m'an în luwahg ale?

³⁵ Kï gerïn maj ta'n ndangïn kam maktubt kïkunjðang ye a to lo tont mbãkïnõt. Kïtø Luwah elta kï ngékelta kï tant maði an: În luwahg.

³⁶ Kïtøði i ndï elïn anan m'ndï m'elta kïmal dø Luwaht lon m'el m'an mî Ngon Luwah? Mî taa ne, Luwah køtïm, ndam køtko kïða ho lam døningt tø ho.

³⁷ Îla m'ndï m'ða kïlag lo Bøw al a ne, ot kadmïn kamsï.

³⁸ Na îla m'ndï ða kïlag loa a ne, ke admïn kamsï al kaa ne, adïn kamsï kïlag'n non, kïtakad i gerïn køikøi tø, Bøw ndï kammt, mî tø m'ndï kam Bøwt.

³⁹ Kïtø 'nten sahna kï n'høna, na tee jidt kø.

⁴⁰ Jeju tel aw gog gid bah Jurdët, lot'n Jã ða ðaa deg baptemt dasa. Jeju ndït nu.

⁴¹ Deg ngãibe ðen roat anan: Jã ða nyakøj kï ya mad al, na nyag tube'n Jã el dan dø de'n ðan ye i rota.

⁴² Deg ngãibe taan ta loa lot'n non.