Jã 1 - BIBLE MBAÏ 1980

Ta kumkajir

¹ Lo yaþoodat ta i nõ, ta i nat kï Luwah, na ta i Luwah.

² Ta'n non i lo yaþoodat nat kï Luwah.

³ Kïtakula la Luwah ðan nyag tube ye, kam nyagt'n Luwah ða ye, ða nya mad kïða kïkanjã al.

⁴ Kamat kumkajir i tit, na kumkajir i kunj lo deg.

⁵ Kunj ndï unj kam tilt, na til ut døa al.

⁶ Luwah la de mad kï tøa i Jã.

⁷ De'n non ðe, i ngemanaj, kïtakad manaj dø kunjt, kad deg tube adïn kamd Luwah kïtakulïn.

⁸ Î kïþe kï døn i kunj'n non al, na ðe kïtakad'n manaj dø kunjt.

⁹ Kunj'n non la i kunj kï rota ye, lon ðe døningt ne ndï unj dekïðen.

¹⁰ Ta i døningt. Luwah ða døning kïtakula, na deg kï døningt gerïna al.

¹¹ Ta'n non ðe ro degt lon, na deg loa høna kï rodt al.

¹² Na deg tube'n høna kï rodt, na adïna kamd tø ye, ad'd tøg kï î ngan Luwah.

¹³ Îgïn non oojïnd kïtakul mosï al, ke kïtakul ndig lo dãro de, ke kïtakul ndig lo de, na în kï kooj kïtakul ndig lo Luwah tã.

¹⁴ Ta tel dãro de, hølondï rojt, j'oo maj loa kï tøitøi kï tit kïmaj kï tøitøi lo ngon kï kooj kïðabe, kï ðe koro bøwt, ðoosï kï kamkë kï rota tø.

¹⁵ Jã maanaj, ða ko an: În ðan la, i de'n m'elta loa m'an: De'n ndï ðe gomt ye, i kïbo tøim kïta i nõ maði nõ koojïmt.

¹⁶ Jî tube kï ngah kamkë kokam nyamajgt loa kï ngãi ad maj urrj kï døtdøt.

¹⁷ Luwah ad mberkïnda kïtakul Moij, na kamkë kï rota ðen kïtakul Jeju Krist.

¹⁸ De mad kï oo Luwah nja kïða goto bat, na ngon kï kooj kïðabe'n i Luwah, în i kad bøwt la ad deg gerïna ye.

Manaj lo Jã ngeða deg baptem

¹⁹ Juipg kï þebo Jerusalemt lan ngéjamosï kadkarig kï Lebiag kad ndïjen Jã anan: Î nõ a?

²⁰ Najkïma lo Jã la ten: Jã maj ta al, na tø tant an: Mî Krist al.

²¹ Deg'n non ndïjena anan: I titbãi a? Î Eli a? Jã tur an: Mî Eli al. Ndïjena anan: Î ngekelta kï ta Luwaht'n non a? Jã tur an: Ãã.

²² Ndïjena tø anan: Ta ye, î nõ a? Kad kï tel kï ta mad kï tur j'ad ngélaj. Î kïbe ye, ta ðï i ndï el dø roit?

²³ El an: Mî ndï de kï ngeko kam dïlalot kan: I ðan go ðob lo Bïraþe ad asïna jerer. Tit'n Esai ngekelta kï ta Luwaht elïn.

²⁴ Parisïg în ku degt'n hã land.

²⁵ Ða ndïjena ta þaitø anan: Îla î Krist al, ke Eli, ke ngekelta kï ta Luwah'n non al, a ne kïtøði i ða i ðan deg baptem a?

²⁶ Jã turd an: Mî taa, m'ða deg baptem kam mant, na de mad ða densït ne, în i gerïna al;

²⁷ de'n non ndï ðe gomt, na mî m'asï kad m'tut kïla sanja loa al.

²⁸ Nyag'n non ðan nya Betanit, gid bah Jurdët, lot'n Jã ða ða deg baptemt.

Jeju i ngon bat lo Luwah

²⁹ Loti got Jã oo Jeju a ðe kï dønt, na el an: Oon Ngon Bat lo Luwah kï Nge kun majal lo deg kï døningt kø.

³⁰ Îla i de'n m'elta loa kete m'an: De mad a ðe gomt nõ, na tøim kïta i kete nõ koojïmt.

³¹ Mî kïþe kaa m'gera kete al, na i kïtakad Israel geran la m'ðe m'ðan deg baptem kam mant ye.

³² Jã manaj 'nten: M'oo Ndil ðisï ko dørãt tit derr be, na ndï døat.

³³ M'gera kete al, na Luwah'n lam ða deg baptem kam mant la elïm an de'n a oo Ndil ðisï na ndï døat nõ la i de'n a ða deg baptem kam Ndil kïkunjðangt ye.

³⁴ M'oo, na m'manaja kad i Ngon Luwah.

Ngéndoog kïdasa lo Jeju

³⁵ Loti got Jã i nõbe þaitø, nat kï ngéndoog lon joo

³⁶ na lon oo Jeju a tøi ye, el an: Oon Ngon Bat lo Luwah.

³⁷ Ngéndoog kïjoo lo Jã oon dø ta'n el, na ndulon go Jeju.

³⁸ Jeju mbel kï gog, na ood a ndulon gon, eld an: A i sahn ði a? Turïna anan: Rabi, ad i ngendoodeg, i ndï ðen a?

³⁹ Eld an: I ðe oon. Awïn oon londïa, na ndïn sia ndøt'n non mbã lo kïsøle.

⁴⁰ Kï kïða ku kï joogt'n oon døta lo Jã, na ndulon go Jeju ye, tøa i Andre ngon kõ Simõ Pierr.

⁴¹ Dasabang, Andre ngah ngonkõ Simõ, ela an: Kï ngah Mesi ad i Krist.

⁴² Ðe sia ro Jejut, Jeju ooa, na ela an: î Simõ, ngon Jonas; a kuniïn Kepas (ad i mbal).

Jeju kun Pilip kï Natanael

⁴³ Loti got Jeju ndig kï n'aw Galilet, na ngah Pilip: Ela an: I ndulo gom.

⁴⁴ Pilip i de kï Besaidat; Besaida i þe lo Andre kï Pierr.

⁴⁵ Pilip ngah Natanael, ela an: Kï ngah de kan Moij ndang ta loa kam Mberkïndat, ngékelta kï ta Luwaht ndangïn ta loa kam maktubgt ho ad i Jeju kï Najaret't, i ngon Jojep.

⁴⁶ Natanael el Pilip an: Nya mad kïmaj asï tee ko kam þet kï Najaret't e? Pilip tura an: I ðe oo.

⁴⁷ Lon Jeju oo Natanael a ðe kï roat ye elta loa an: Oon Israel kï rota, kï ndando goto roat.

⁴⁸ Natanael ela an: I gerïm ko ða? Jeju tura an: kete lon Pilip kuni al þaitø, lon i ndïn ndil kag mbaiþoodt la m'ooi ye.

⁴⁹ Natanael tura an: Rabi, î ngon Luwah, î Ngar lo Israel.

⁵⁰ Jeju tura an: Gïrra kel'n m'eli m'an m'ooi ndil kag mbaiþoodt la admïn kami yo? A oo nyag kïbo tøi îgïn non.

⁵¹ Jeju ela tø an: Rota, rota la m'ndï m'elsï ye, a oon dørã ða tag, na malaikag lo Luwah a alïn kï dõ ho, a ðisïn kï ber ho kï dø Ngon det.