Hebreg 8 - BIBLE MBAÏ 1980

Jeju i Bïra ngejamosï kadkari loj

¹ Ta kïbo tøi kam tagt'n j'el kete laten: J'aw kï bïra ngejamosï kadkari'n non, în ndï dø jikõ Luwaht kï Ngetøitøi kam dørãt.

² Ndï ða kïlaþer lon ndubïn Luwah kam lot kïjaþat kï kam kujkub londït kï jeje'n Bïraþe ða, na i de hã ða al.

³ Bïra ngejamosï kadkari ye, i kïndah kïtakad kï la nyag kadkarit ad Luwah ho, kad ja mosï dãg ad Luwah ho tø. Titbe tø la, sumba kad Jeju bïra ngejamosï kadkari loj aw kï nya mad jint kï kad la ad Luwah.

⁴ Îla ni Krist i døningt la a ne, ni a i ngejamosï kadkari al. Kïtø ngéjamosï kadkarig ndin nõ woi, îgïn ndï lan kadkarig adïn Luwah kïgo mberkïndat lo Moise.

⁵ Ngéjamosï kadkarig'n non ndï ðan kïlaþer kam kuj ndub Luwaht. Na kïla'n ndï ðan ye, i nyakøj kï øj go nyag kï ndï ðan nya kam dørãt dõ, i ndil nyag'n non tø. Kïtø lon Moise ndï ða lo ða kujkub ye, Luwah ela an: Kï oo maj kad i ða nyag'n non tube kïgo nyandajt'n m'dai dø mbalt.

⁶ Na tajigla Luwah ad Jeju kïla ndub kïmaj tøi lo ngéjamosï kadkarig tube. Kïtø oo Jeju i ngeðambïna degt kï Luwah, i ngekad kunkø kïmaj tøi kunkø kï maði, în hã ndahn girra øjïn ne dø nyag kïmaj tøi.

⁷ Îla kunkø kïdasa ta goto døt a ne, ni a sahn lo kïta ndah kunkø kïkõjoo al ta.

⁸ Na j'oo kad asïnatap al, ad Luwah aw kï ta kï Israelag ad eld an: Oon ndøg ndï ðen nõ, kel Bïraþe m'a m'un køm kun kï kij m'ad ngékïþe lo Israel kï ngékïþe lo Juda.

⁹ Maði m'un køm mad bøwdg, ndøt'n m'hø jid kad m'teen sed kam døning Ejipt't kï tïga. Na kunkø lom kï kij'n m'a m'un ye, a i tit kunkø kïdasa'n telïn rod goot al nõ al. Kïtø 'nten la m'telïn gidïm m'ad'd, kïta hø kï høn rod bá kam kunkøt lom al, kel Bïraþe.

¹⁰ Kunkø'n m'a m'un m'ad ngékïþe lo Israel go ndøgt'n non laten kel Bïraþe, m'a m'ad mberkïndag lom i kam tagahdt. M'a m'dang mberkïndag lom ngarkamdt tø. M'a mî Luwah lod, în tø a în girrdeg lom.

¹¹ De mad kï a ndoo nya de kam þet lon ke ngonkõ an: Maj kad i ger Bïraþe. Goto. Kïtø deg tube a germïn, þai dø de kïdut mbã teen dø kïbot.

¹² M'a m'oo kumtondo lod dø ðagootalg lod, m'a m'gakam dø majalgt lod gog al parkïnot.

¹³ Lon Luwah elta dø kunkøt kï kij ye, Luwah tel kunkø kï maði kunkøt kï kõn ta. Na nya kïkõn taa ne, lon to køkï køkï ye, goot a tøi kø.