Hebreg 7 - BIBLE MBAÏ 1980

¹ Melkisedek'n non maði i Ngar kï þebot kï tøa i Salem. I bïra ngejamosï kadkari kï nõ Luwaht kï Ngetøitøi. Lon Abraham tel lot'n tetðøø ngargt ye, Melkisedek aw ndøda na njang døa.

² Abraham ada gáj kï kïða ku kï kïlaht kam nyagt tube'n hø ta ðøøt. Dasabang girr tø Melkisedek i titbe: i ngar kï ngeðanya kïdenesew. Kamla i ngar kï Salem, ad i ngar kï nge lapia tø.

³ De ger kõa kï bøwa al ho, ke girrkooja kaa goto kam Maktubt lo Luwah. De ger ndø kooja al ho, ndø koia al tø. Na telïna ad titïn na kï Ngon Luwah, i ngejamosï kadkari mbãkïnõt.

⁴ Oon titbãi de'n non în kïbo. Abraham kï bïrabøw ada gáj kïða ku kï kïlaht kam nyagt tube'n tel'n ta ðøøt.

⁵ Na îgïn în ngan Lebi'n ndï ðan kïla jamosïkadkari ye, mberkïnda lo Moise, ndad mber kad taan gáj kï kïða ku kï kïlaht ji ngankõdgt, ke neni în ngaka Abraham.

⁶ Na Melkisedek taa ne, i girrkooj Lebi al, titbe kaa ne, Abraham ada gáj kï kïða ku kï kïlaht. I Melkisedek la njang dø Abraham'n Luwah un køn ada ye.

⁷ Kï ger maj kad de'n i kïbo tøi nõ la a njang dø de'n î kïdu ye.

⁸ Nëbe j'oo kad deg'n hã în girrdeg lo Lebi'n ndï taa'n gáj kï kïða ku kï kïlaht ji ngankõdgt ye, ndï oin. Na Melkisedek'n taa gáj kï kïða ku kï kïlaht ji Abrahamt ye oi al, ndï kï døn dõ, tit'n ndangïn ne kam maktubt lo Luwah.

⁹ J'oo tit Lebi ngétaa gáj kï kïða ku kï kïlaht ye, î kïþe kï døn ad gáj kï kïða ku kï kïlaht Melkisedek tit'n bøwa Abraham adïn Melkisedek.

¹⁰ Kïtø lon Melkisedek ndød Abraham ye, oojïn Lebi al þaitø.

¹¹ Ða kïlaþer jamosïkadkari lo ngan Lebi girra i dø mberkïndat'n Luwah ad Israel. Na îla kïlaþer jamosïkadkari lod asïnatap a ne, ni a geen kad bïra ngejamosï kadkari mad kïðang kï tit Melkisedek kad ðe al ta. Bïra ngejamosï kadkari þai ku ngaka Aront al.

¹² Tit'n kïlaþer jamosïkadkari mbel'n ye, kari na maj kad mberkïnda kï døt kaa ne, mbel ho.

¹³ Tag 'nten ye, elïn dan ne dø Bïraþe loj'n i girrkoojt mad kïðang'n de loa mad kï ðakïlaþer jamosïkadkari kete goto.

¹⁴ Kïtø to kï tïga wakïsï kï ro degt tube. Bïraþe i girrkooj Juda, na Moise elta kïlaþer jamosïkadkari dan dø girrdeg kï Judat nja kïða al.

Bïraþe Jeju i Ngejamosï kadkari tit Melkisedek be

¹⁵ Nya 'nten to kï tïga wakïsï, ngejamosï kadkari mad kïðang kï i girrkoojt lo Lebi al, na i tit Melkisedek þai.

¹⁶ De'n non ndana bïra ngejamosï kadkari kïgo nyabelþet lo deg al. Na i bïra ngejamosï kadkari kïgo tøg kumkajirt kï mbãkïnõt.

¹⁷ Kïtø man naj døat kam Maktubt titbe: A i ngejamosï kadkari mbãkïnõt tit Melkisedek.

¹⁸ Kïtø mberkïnda kï maði ye, tøga asï kad ða kï deg al, ad Luwah ørra kø.

¹⁹ Mberkïnda lo Moise ða nya mad kï asïnatap nõ Luwaht al. Na tajigla nya ndahkamdøt kïmaj tøi ðe woi, j'asï ndøt kï ro Luwaht kïtakula.

²⁰ Nya mad to nõ: Lon Luwah ndahn Jeju Bïra ngejamosï kadkari ye, nda yo. Na lon ndahn ngan Lebi ngéjamosïkadkari ye, ndand kanj yokïnda kïtakul ta'n el an:

²¹ Mî Bïraþe Luwah, îla m'un køm kï yokïnda a ne, m'a m'tel m'mbel go ndim al, m'el m'an: A i ngejamosï kadkari kï mbãkïnõt.

²² Kïtø 'nten la, kïtakul Jeju, Luwah adj'n kunkø kïmajtøi kï to kïðubagt.

²³ Nya mad to nõ þaitø. Maði ngéjamosïkadkari kï girrkoojt lo Lebi în ngãi, ndï gan goot na kam kïlaþert, na koi øgid ndït mbãkïnõt.

²⁴ Na Jeju taa, loa i titbe al, kïta ndï kï døn dõ mbãkïnõt, de kï asï ga goota kam kïlaþer jamosïkadkarit goto.

²⁵ Kïtø 'nten la, Jeju asï kaj'n îgïn ndï ndøtïn kï ro Luwaht kïtakula, kïta Jeju ndï kumkajir mbãkïnõt ho, ndï kø Luwah kïndøgndøg kad ða sed ho.

²⁶ Jeju la i Bïra ngejamosï kadkari kï sumbaj sew ye, unjðang, ta goto døat, ða majal mad al bat, i kïkanj yerr, jà ron þat kad ngéðamajalgt, i kï tøi kï dõ tøi dørã.

²⁷ Jeju i tit ndeg ngéjamosï kadkarig al. Îgïn non a lan kadkarig kïndøgndøg adïn Luwah, a lan kadkarig adïn Luwah kïta majalg lod dasa, kamtã la a lan kïtø majal lo deg ye. Na Jeju taa ne, la kadkari kïjakø, ad Luwah kïta majalg nja kïðabe do, lon lan ron ad Luwah.

²⁸ Kïtø mberkïnda lo Moise taa ne, ndah deg kï asïn na tap al bïra ngéjamoskadkarit. Na yokïnda lo Luwah în ut go mberkïnda ye, ndah Ngon Luwah Bïra ngejamosïkadkarit kï kasïnatap mbãkïnõt.