Hebreg 5 - BIBLE MBAÏ 1980

¹ Bïra ngéjamosï kadkarig tube'n Luwah køtd ku degt ye, ndahd kïtakad ðan kïla kïta deg, na kï lan kadkarig kïjakø adïn Luwah kïta majalg'n ðan.

² Bïra ngejamosï kadkari î kïþe kï døn i de kï tõ ho, kïta 'nten asï ndïdøt kï kõkam ho, ndïdøt kï deg'n în dai ho, ndï ndõmïn ðob tø ho.

³ Kïtø kîa de kï tõ la, kari na kï lan kadkari kïjakø kïta nyàgo majalg lon kï køsïdøn ho, kamla kïta majalg lo deg ho ye.

⁴ De mad kï kun køsïgon 'nten kï døn telïn bïra ngejamosï kadkari goto, na lon Luwah kuna tit'n kunïn Aarõ ye be tã.

⁵ I titbe tø la Krist kï døn un køsïgon kï døn tel'n bïra ngejanyamosïkadkari al. Be al. Na Luwah el an: Î ngon'm, þola mî bøwi.

⁶ Elta lot mad kïðang tø kam maktubt an: A î bïra ngejamosï kadkari kï mbãkïnõt, tit Melkisedek.

⁷ Kaglon Jeju i kïdøn dõ kam duniat þaitø ye, ger kad Luwah asï kaj'n ta koit. Kø kï rotîn kï nõg kï dø Luwaht nat kï kog kï mankum kïta ndig tel ron go tat lo Luwah, na Luwah oo dø kø loa ada þai lo koit, kïta þool Ndil Luwah.

⁸ Jeju i Ngon Luwah rota, be kaa ne, ndoo telrogotat lo Luwah kam daiyot în dai kamkõt.

⁹ Na lon tølkon kïla lon ye, tel ngekaj deg tube ngételrodgotat loa kï kaj kï tokïnõt.

¹⁰ Luwah ndaha bïra ngejamosï kadkari kïbo tit Melkisedek.

Takøj dø telt kï gog

¹¹ J'aw kï ta ngãi kad j'el dø tat 'nten, na õ ngãi kad j'ørrsï girr ta 'nten, kad i gerïn girra kïta mbisï øi dirir.

¹² Maj kad þola în ngéndoo deg ta, na kaglo tøi døsït kari, i ndï i geen kad deg ndoosïn man dø nyandoo kï kam tat lo Luwah þaitø.

¹³ I gerïn sanya kï ngang al, na i telïn ngégee mba þaitø.

¹⁴ De'n ndï ãi mba þaitø ye, i ngon kïðoi, ger kørr mãi nya kïmaj kï kïmajal nat al.