Hebreg 4 - BIBLE MBAÏ 1980

¹ Maði Luwah un køn ad deg kad n'ad'd ðob kand lotaakòt. Kunkø'n non to lo tont þaitø. Kïtø 'nten ad j'oon go roj maj, na þeta de mad kusït nãi gog ad ngah lo kand kamt al.

² Kïtø j'oo hoita kïmaj lo Luwah, tit'n maði kaajg oon ne dø nõ, kam dïlalot, na lon oon dø ta'n non ye, hoita kïmaj'n non ða sed al; ad andïn kam lotaakòt al, kïta taan hoita kïmaj al.

³ Na jî taa, j'a j'and lotaakòt'n non kïta j'adkamj Hoita kïmaj, kïgo tat'n el îgïn mbetïn ta loa, el an: Kïtø 'nten la m'þan sed wong kï tïngabil ad m'nda yo m'an: Deg'n non a andïn lotaakòt lom al. Luwah elta'n non titbe, kïta adïn kamd lotaakò'n non al. Na lotaakò to maði nu lo mbagirr duniat, ndøt'n Luwah tïgan kïla ndah girr dunia.

⁴ Kïtø Luwah elta lot mad kam maktubt dø ndøt kï kõ tanãimïta an: Luwah taakò kïla lon tube kam ndøt kï kõ tanãimïta.

⁵ Elta lot mad kam maktubt tø an: A andïn lotaakòt lom al bat.

⁶ Deg'n oon dø hoita kïmaj dasa ye, telïn rod goot al, ad andïn lotaakòt lo Luwah al. Titbe tø, Luwah nya ta ðob kad deg madg andïn lotaakòt þaitø.

⁷ Kïtø 'nten, Luwah tel gang ndø mad gog tø kï kuna þone. Elta ndøt'n non go þalgt ngãibe gog, lon elïn ta kï ta Dabid dan dø kam maktubt'n el an: Þone, îla i ndï oon dø ndï Luwah a ne ot kadïn kamsï kongkong.

⁸ Neni Jojue ørr ta ðob bøwjg aw tee sed lotaakòt tit'n Luwah taankò ndø kï kõ tanãimïta ye be ho a ne, neni Luwah a elta dan dø ndø taakò mad gog al ta.

⁹ Kïtø 'nten taakò mad kïðang to nõ þaitø kïta deg lo Luwah, tit kï taakò'n Luwah taa kam ndøt kïkõtanãimïta.

¹⁰ De'n and lotaakòt lo Luwah a ne, de'n non a taakò dø kïlaðangt, tit'n Luwah taankò dø kïlaðangt ye be.

¹¹ Kïtø 'nten, ad kï lan roj kï nat kad j'andïn lotaakòt'n non nat kï Luwah. Oon go rosï maj. Na þeta de mad kujt tøi dø ndï Luwah tit'n bøwjg tøin dø tuson ne kam dïlalot oin, ad andïn lotaakòt al kïta adïn kamd Luwah al.

¹² Ta lo Luwah i ta kumkajir, i ngeða nya'n ndahna kad ða. At pepep tøi kiyaðøø kïðen kï kata i ko joo, ndï mbut lo mbã tee lot'n ndil de kï ro de, ngahn na tit, døkurg kï mbit ndødïn na tit. Ta lo Luwah ndï tørr tagahg kï køjtaðag kï ngarkam det nat.

¹³ Nya mad kï lo yarot goto nõ Luwaht. Nyag tube ton kï tïga doo takum Luwaht'n hã j'a kï da kør nyaðajg nõat.

Jeju i Bïra ngejamosï kadkari

¹⁴ Ad kï høn kadkam Luwah loj'n kï manaja kï tïga wakïsï nõ koosïdegt sem. Kïtø kï ndï kï bïra ngejanyamosïkadkari kïbo în and kam londï Luwaht ad i Jeju Ngon Luwah.

¹⁵ Kïtø kï ndï kï bïra ngejamosï kadkari kï ta õ kama kïtaj kïta nána kï goðob kïdangdang kam nyagt tube tit jî be, na ða majal al bat.

¹⁶ Kïtø 'nten ad kï ndøtïn kï kamj kï misïmisï kï nõ pong majkurrt lo Luwah'n ndï ða maj kïndøgndøg kï deg, ad kï ndøtïn kïkanj þool kïtakad oo kumtondo loj, kï øj'j kamkë lon, kad ða sej kï kaglot kï sumba.