Hebreg 3 - BIBLE MBAÏ 1980

Jeju i kïbo tøi Moise

¹ Kïtø 'nten, ngankõ, îg'n Luwah kunsï kad în girrdeg lon ye, ad kumsï i dø Jejut maj, în hã i ngon ngekïla'n Luwah laa, i bïra ngejanyamosïkadkari, laj nooj nat kï Luwah, kïgo ndahkamdøt'n ndï kï la mbera kï tïga wakïsï.

² Jeju i ngeðanya kïro nõ Luwaht kam kïlaþert tit kï Moise'n i de kïro kam kïlaþert ku ngékïþet lo Luwah.

³ Kïtø 'nten, asï ta køsïgon kïbo tøi Moise tit'n de kï ngeðakuj a ngahn køsïgon tøi kuj în hã ða; titbe tø Jeju ngahn køsïgon ngãi tøi Moise.

⁴ I rota, kuj kïðen de kï ngeðaa i nõ, na în hã ða nyag tube ye, i Luwah.

⁵ Moise taa ne, i ngeða nya kïro ku ngékïþet lo Luwah tube; i ngekïlaþer lo Luwah kï ngekelta kï tïga wakïsï dø nyagt'n þet Luwah a ela gid ko gog.

⁶ Na tajigla Krist i ngeðanya kïro kïta i Ngon'n Luwah ndaha kad oo go ngékïþe lon. Jî ngékïþe lo Luwah, îla kï høtøgjbá kï kam kï misïmïsï, na kï þakul nya'n kï ndahkamj døt kï ronel a ne, jî girrdeg loa.

Luwah ad taakò girrdeg lon

⁷ Kïtø 'nten, Ndil kïkunjðang el an: Þone, îla i ndï oon dø ndï Luwah a ne,

⁸ ot kadïn kamsï kongkong. Tit'n maði bøwsïg taamïn ne ðøø ho ndoormïm ne ho, tit'n ðan ne ndøt'n námïn ne kam dïlalot.

⁹ Luwah el an: Lon bøwsïg námïn ye, oon kïlaðamg kïbobo asï þal døsøø.

¹⁰ Kïtø 'nten, wong kï tïngabil ðamïn dø girrdegt'n non, ad m'an: Ngarkamd ud mut kïndøgndøg, gerïn ðobg lom al.

¹¹ Kïtø 'nten la, wong tølïm søkïrrr dødt, ad m'un køm kï yokïnda m'an: Deg'n non a andïn lotaakòt lom al bat.

¹² Ngankom, oon go rosï maj. Na þeta, de mad kusït kïtakul kama kï kongkong, ndahn kamïn dø Luwaht al ad mbet Luwah kï ngekumkajir.

¹³ Na sumba kad i ðan kï na kïndøgndøg, ad i ndøg tube'n maktub lo Luwah kuna þone nõ, na þeta de mad kusït kama kongkong ad so kam majalt.

¹⁴ Kïtø îla i høn nya ndahkamdøt losï sem mbã døboit a ne, jî tube j'a jîn madna kï Krist.

¹⁵ Titbe la maktub kïkunjðang lo Luwah an: Þone, îla i ndï oon dø ndï Luwah a ne, ot kadïn kamsï kongkong, tit'n maði bøwsïg taamïn ne ðøø ho, ndoorïmïn ne ndøt'n námïn ne kam dïlalot nõ.

¹⁶ Deg'n oon dø ndï Luwah na taanðøø ndoorïna ne ye, în nõg a? I deg tube'n teen døning Ejipt't kïtakul Moise.

¹⁷ Deg'n Luwah þa sed wong þal døsøø ye, în nõg a? Luwah þawong kï deg'n ðan majal kam dïlalot.

¹⁸ Luwah un køn kaglot'n non kï yokïnda dan dø nõg a? Elta dan dø deg'n telïn rod go tat al.

¹⁹ Kïtø 'nten, ad j'oon maj, deg'n non asïn kand lotaakòt al kïta kam kongkong lod.