Hebreg 2 - BIBLE MBAÏ 1980

Maj kad kï kid kaj kïbobe'n Luwah adj nõ al

¹ Luwah elj ta kïtakul Ngonïn, kïta 'nten sumba kad kï hø go nyandoo'n hã j'oo dø nõ sem, na þeta kï ndom ðob kaj ad kï tuj.

² Kï ger maj, ta'n Luwah el kï ta malaikag ye, to kïðubagt, deg'n oon dø al ho, telïn rod goot al ho ye, ngahn nyabaji kokïro Luwaht kï asï ta nyaðad kïgootal.

³ Na jî taa ne, j'oo ta mber kaj kï tøi ta'n hã malaikag elïn, ye îla kï tur go kaj kïbo 'nten al a ne, ði j'a kï ða kad j'ajïn roj a? Bïraþe Jeju Krist î kïþe kï døn la lamber ta kaj'n non dasabang, kamla deg'n oon dø ta loa ye, man naj kad kï ger jeje.

⁴ Luwah manaj kïðubagt dø tat lod, ad'd tøg kad ðan ne nyakøjg kï nyaðag kï tøg kïdangdang. Luwah ad'd kadkarig lo Ndil kïkunjðang kïgo ndigt lon tø.

Jeju i ngekørrj ta ðob kaj

⁵ Kïtø kï ndï kï j'elta lo døning'n Luwah ða lo ndaha kij, na Luwah laa girr tøgt lo malaikag al.

⁶ Na tit'n ndangïn ne lot mad kam maktubt lo Luwah an: De i ði kad i ga kami døat a? Ke ngon de i ði tø kad oo goa a?

⁷ I tel de døkaglot kï tëbe ad du go malaikagt, i la maj kï tøitøi kï køsïgon døat kamla i ndaa dø kïlagt'n jii ða.

⁸ I la dø nyag tube girr tøgat, na el an: Luwah la nyag tube girr tøgat ye, girra i titbe: Nya mad kï i girr tøgat al goto. Na be kaa ne, tajigla j'oo nyag tube în kï la girr tøg det al þaitø.

⁹ Na kï ger kad i Jeju la ndï ørr nõ nyag tube, î la telïna ad nãi tëbe kad asï kï malaikag kïgo kamkët lo Luwah kad oi kïta deg tube kïtakul dai yog'n dai kï koia tø, la Luwah lan maj kï tøitøi kï køsïgon døat tajigla ye.

¹⁰ Nyag tube ye, i Luwah la ndahd kï jin, în kïtatøa ho, în kïtakula ho, ad Jeju asïnatap kïtakul daiyog kï kõ kïtakad Jeju ðe kï ngan'g ngãibe kad gan na sen dø køsïgont lon kïta i ngekørrd ta ðob kï kam kajt.

¹¹ Jeju î kïþe tel deg kïjaþat't takum Luwaht. Na deg'n ard ye, în tube bøwd i kïða, i Luwah, kïta 'nten, Jeju ða rosøl al kad kund ngankõn kï jeje.

¹² Kïtø 'nten la Jeju elïn Luwah an: M'am m'lamber tøi ngankõg ho, m'a m'ða dan ngékawnat m'øsï pa m'ndubïn.

¹³ Jeju el tø an: M'a m'þakul Luwah. El tø an: Oon mî kï ngan'g'n Luwah adïm.

¹⁴ Deg'n ða kund nganïn ye, awïn kï dãro kï mosï. Kïtø 'nten Jeju kï dø'n tel titd ho, ad gan na sed dø dãt kï mosï tø. Jeju ða titbe kïtakad koia tuj tøg sitan'n aw kïtag nuj deg.

¹⁵ Jeju ða titbe kad kï n'ørrïn deg tube'n ndin girr tøgt lo sitan. Maði þool koi hød tit þerg, na Jeju ðe ug ørrd kø.

¹⁶ Kïtø i nya kï to kï tïga wakïsï, ðe kïta ða kï malaikag al, na ðe kï n'ða kï ngaka Abraham.

¹⁷ Girra i titbe, sumba kad Jeju tel tit'na kï ngankõn kam nyagt tube, kïtakad i bïra ngejamosï kadkari kï nõ Luwaht kad nyàgo majal lo deg'n ðan nõ kø ho, la deg nooj nat kï Luwah ho.

¹⁸ Tajigla Jeju asï kad ða kï deg tube'n nánd, kïta maði î kïþe daiyo'n, na nána ho.