Hebreg 12 - BIBLE MBAÏ 1980

I høn tøgsïbá kam darondot kïta Luwah i Bøwj

¹ Jî taa ne, koosïdeg ngãibe ngémanaj gugïn døj. Kïtø 'nten, ad kï j'ørrïn nya kï ði'n ndï øgj dø kaw kï ketekete kø. Ad kï mbetïn majal kïðen'n ndï þindj kø. Na kï høtøgbá la maj kad j'ãin ngød kad kï teen lo ndadurot'n lan nõjt.

² Ad kï j'urrïn kumj kï dø Jejut, în hã ndï ørrj ta ðob kam kadkam Luwaht loj kad asïnatap. Ndig kad, gana dø kagdøst kïkanj rosøl. Ke oi koi kï rosøl kï titbe kaa ne, Jeju oo rosøl'n non nya madt al, kïta oo ronel'n þet n'a n'ngah kete nõ woi. Na tajigla ndï dø pong kõþet lo Luwah ko kõat.

³ I gaan dø Jejut'n ngéðamajalg ndoorïna, na høtøgïn bá kam nyagt tube. Îla i gaan døat titbe a ne, þet a ða sesï kad nyag'n non dumïn døsï al, rosï a oi yelïl al tø.

⁴ Kam ðøøt'n i ndï i ðøøn kïmajal ye, i ðøøn mbã koi al þaitø.

⁵ Kamsï ndï oi dø takøj lo Luwah'n adsï kïta în nganïn an: Ngonïm, ot koo ndakøj lo Bïraþe nya madt al. Ot kad roi oi siw lon Bïraþe ndángi.

⁶ Kïtø de'n Bïraþe tara la, nda øja ye, ndï ndah ndeh girrdegt tube'n gerd kad în nganïn.

⁷ I kïta køjsï la, Luwah ad i ndï i ngahn ne kõ ye. Kïtø kõ'n i ndï ngahn i ndakøj kï a ad i gerïn maj, Luwah ndï ða sesï tit nganïn be. Ngon kï ða hã bøwa nda øja al a?

⁸ Îla Luwah nda øj'j tit nganïn al a ne, jî tit ngan'g kï bøwd goto be, ad jî ngan Luwah kï jeje al.

⁹ Kam døningt ne, j'aw kï bøwjg kïgo dãrot în hã ooj'jïn, lon kï ða nya kïmajal a nda øj'jïn, be kaa ne, ndï kï j'øsïgond. Kï tøi 'nten, i soot kad kï lan døj girr tøgt lo Luwah kï bøwj kïtakad kï ngahn ne kumkajir.

¹⁰ Bøwjg'n ooj'jïn kïgo dãrot ye, ndï nda øj'jïn kaglot kï tëbe kïta oon tit maj ngãi kïtatøj kad ðan titbe. Na nda øj'jïn kïtakad ndoojïn hal kïkunjðang.

¹¹ Kaglot'n ndï kï ngah ndakøj ye, j'oo tit i nya kamkil, na i nya ronel al, na ndø madt deg'n taan ndakøj ye, a ngahn kamkïsokïber kïtakul nyaðad kïdenesew.

Tag kï køj kï tag kï kug kel

¹² Kïtø 'nten, øin jisï kï koi yelïl kï dõ. Adïn gojsï kïkoi njurrurr ngang siw.

¹³ I ðan go ðobg kad ðakïðïng sew kïtakad de'n njaa i kï moot a ne, kï ørr ta nat al, na i soot kad yoot tã.

Nyaðakïro kïgo kunt lo Luwah

¹⁴ I sahn kï rotîsï kad în kï lapia kï deg tube, kad nyaðasï i kïjaþat, kïta kanj nyaða kïjaþat, de kï asï koo Bïraþe goto.

¹⁵ Oon go rosï maj na þeta de mad ørr ron kï gog ta kamkët lo Luwah. Oon go rosï maj, na þeta de mad tel tit kag kï kat bang'n mbia i kî tøl deg.

¹⁶ Oon go rosï maj, na þeta de mad kï ngeðakaya i kusït, ke de mad kï ngekid nyag kïjaþat tit Esaw'n ðaw nyanduba ngonderr lon kø kïta nyasa kï nja kïðabe.

¹⁷ I gerïn þet, got lon sah ðob kad bøwïn njang døn ye, øsïna kï gog; kïta ngah ðob mbel nya'n ða nõ ye gog al, ke neni sah ðoba kï rotîn kï man nõ kumïnt kaa ne, i root al ta.

¹⁸ Îgïn, i ndøtïn tit Israel kï ro mbalbot kï asï kød kï ji al; ad i mbalbo Sinai kï ða õ horr, kï til dubt al. Ad i til kï dub kirir, kï nel barwãit al,

¹⁹ kï kah brunjt kï ko al, kï ndï tagt kï kel al. Lon ngan Israel oon dø ndin non ye, ndïjen kad lad ta mad dø tat'n eld nõ al.

²⁰ Kïtø asï telïn rod go mbekïndat kï kel kan: Dekïðen kï ød mbalbo'n non ke i dã kaa ne, a tïlana kï mbal.

²¹ Nya'n Moise oo ye, i nya kïtootþool ngãi ad el an: Þool tølïm søkïrr ad rom ndad yatït.

²² Na i titbe al, îng taa ne, i ndøt'n kï ro mbalbo Sinait kï kam þebot lo Luwah kï kumkajir, ad i Jerusalem kï dõ dørãt kï koosï malaikag ngãibe.

²³ I ðe i kawïn na sed nganderrg lo Luwah, ngékawna'n tød i kïndang kam dørãt dõ, i ndøtïn kï ro Luwaht kï ngegangta dø degt tube, kï ndil deg kï nyaðad i kïdenesew, kï deg'n telïnd kï kasïnatapt.

²⁴ Tajigla i ndøtïn kï ro Jejut'n i ngeðambïna kunkøt kïkij, kï mosa'n ü kø, ndï elta dø nyag kïmaj tøi nyag'n mosï Abel elta døt.

²⁵ Oon go rosï maj, na þeta i mbetïn koo dø ta lo de'n ndï elta. Kïtø deg'n non, îgïn mbetïn koo dø ta lo de'n ug el deg kï døningt ta kï ta Luwaht ye, ajïn rod al; ye îla j'unïn kumj riw dø Luwaht'n elj ta ko kï dõ dørãt a ne, j'a j'ãin wong lo Luwah al tø.

²⁶ Maði ta kï ta Luwaht yee døning na tajigla Luwah un køn ad deg, an: Nãi njakïða þaitø m'a m'yee døning hã kïðabe al, na mbã m'a m'yee dørã ho.

²⁷ Ta 'nten, kï kan nãi njakïða þaitø ye øj deg ad oon maj nyandahg a yeen kamla a goton kø, kïtakad nyag kï dum yee a ndïn londïdt.

²⁸ Ad kï ðan mersi Luwah, kïta kï ngahn kõþe kï dum yee. Ad kï ndubïn Luwah kï ðob kï nela nat kï køsïgon kï þool.

²⁹ Rota, Luwah loj i tit horr kï ngekonya mugj be.