Hebreg 10 - BIBLE MBAÏ 1980

¹ Mberkïnda lo Moise øj go ndil nyag kïmajg'n ndï ðen nõ. In ro nyag kï jeje al. Mberkïnda lo Moise el deg kad kï lan kadkarig kïjamosï kï þal kïðen kad lan kadkarig kï kïða'n non kï þal þal. Kïtø 'nten la mberkïnda lo Moise asïn kad tel deg'n ndï ndøt'n kïro Luwaht, ad asïn na tap kïtakul kadkarig'n non al.

² Îla i be al a ne, ni deg'n ndï ðan kïla ndub Luwah, a în kï kar dø majalgt lod nja kïðabe parkïnõt ho, kamd a hød kï ta gog al ta, na a nyan ta la kadkarig kïjamosï.

³ Na i titbe al, kïta kadkarig'n non ndï ðan ad kam deg gah dø majalgt lod kï þalg tube.

⁴ Kïtø mosï bøw mang kï bal binya asï kørr majal lo deg kø al bat.

⁵ Kïtø 'nten, lon kaglo asï kad Krist ðe døningt ye, el Bøwïn an: I ndig kadkari kï lahorr kï kadkari kï la kï kam ndig al, na i pel dãro adïm kad m'tel m'laa kadkarit m'adi.

⁶ Kadkari kï la horr dø dïngïrt, kï kadkari kïta majalg adïn ronel al tø.

⁷ Taa ne, m'eli m'an: Mî la m'ðan, m'ndig ða nya kïgo ndigt loi Luwah, kïgo tat'n ndangïn maktubgt kïkunjðang.

⁸ Dasabang el an: I ndig kadkarig kï la horr dø dïngïrt, kï kadkarig kïtø majal kï ða al, kïta adïn ronel al bat.

⁹ Kamla Krist el Luwah an: Oo m'ðe kad m'ða kïgo ndigt loi Luwah. Krist ørr kadkarig kïdasa'n non kø, kad gagootd kï kadkari lon, ad i koi Krist.

¹⁰ I kïta Jeju Krist'n ða kïgo ndigt lo Luwah, ad ron kadkarit kï jamosï nja kïðabe parkïnot la, Luwah teljïn degt kïjaþat kad majalt kï ða.

¹¹ Ngejamosï kadkari kïðen taa, a ða dõ kïndøgndøg kad ða kïla ndub Luwah, ða jamosïkadkari kï kïða'n non kï kaglog tube kï njanatnatbe, ad Luwah, be kaa ne, kadkarig kïjamosï'n non asïn kørr majal kï ða lo deg kø al.

¹² Na Krist taa, la kadkari nja kïðabe do ad Luwah kïtø majal lo deg, kamla ndï ber ko jikõ Luwaht.

¹³ Labekïnot, Krist ndï ngoo kad Luwah la madngétaag girr tøgaat.

¹⁴ Titbe, Krist la kadkari nja kïðabe koon kad deg arin ne dø majalt ho kad teld ad asïn natap mbãkïnõt.

¹⁵ Ndil kïkunjðang ndï manaj kï tïga wakïsï an: Kadkari lo Krist kïðabe do asï.

¹⁶ Bïraþe Luwah el an: Oon kunkø'n m'a m'un m'adsï go ndøgt'n non laten, kel Bïraþe. M'a m'ad mberkïndag lom i kamdt, m'a m'ndang mberkïndag lom ngar kamdt.

¹⁷ Kamla Ndil kïkunjðang elta tø an: Kamm a gah dø majalgt kï ðagootalg lod gog al.

¹⁸ Na lon majalg în kï nyàgo kø ye, ndaa kadkarig kïjakø kïta majalg goto ta.

Ad kï ndøtïn kï ro Luwaht

¹⁹ Kïtø 'nten, ngankõ jî kï kam kï ger þet kad kï ngahn ta ðob kand kam lot kïjaþat kï tøitøi, kïkanj kad nya mad øgj dø, kïtakul mosï koi lo Jeju.

²⁰ Jeju tee ta ðob kï kij kï kumkajir adj kad kï tøin kï gid kub gang lot. Girra i titbe: J'andïn kïtakul dãroa'n gan kagdosït.

²¹ Kï ndï kï bïra ngejamosï kadkari în hã ndï oo go nyag kï kam kujt lo Luwah.

²² Kïtø 'nten, ad kï ndøtïn kï ngarkam kïro, kï kam kï ndah dø Jejut kïtaagbe, kï ngarkamj kï kar dø majalt kï nyag tube'n ndï høj kï ta, kï roj kï tugo kï mãn kïjanjoi.

²³ Ad kï høn go nya ndahkamdøt loj jøgum ad i nya'n Luwah un kø'n adj kï tø, maj kad kï þad al.

²⁴ Ad kï ndan kumj go nat kad kï ða kï na, kïtakad j'øjïn na tar ho, kï ðan maj kï na ho.

²⁵ Ot kad kï nyan ta kawj na kïnat tit'n deg madg ndï ðan ne. Na i soot kad kï ðan kïna kad j'awïn kï ketekete, tit kan hã i ndï oon ne ndø lo Bïraþe i nderrbe.

²⁶ Îla kï ger rota maj, na kï tel ndï kï hø majal kï ða kïgo kam ndigt loj a ne, kadkari mad kïðang kïta kørr majalg loj kø goto.

²⁷ Na jî taa, nya mad kïðang kïtatøj goto, na ndï kï ngoo kï rondad wong kï tøl søkïrr kï takïgang lo Luwah kï tit horr kï õ giling giling'n a õ madngéta Luwah mugj.

²⁸ Lon de mad mbet tel ron go mberkïndat lo Moise a ne, kïgo tat lo ngémanaj joo ke mïta'n lan ta døat ye, a tølïna kïkanj kookumtondo.

²⁹ Îla i titbe a ne, de'n ndï oo Ngon Luwah nya madt al a ne asï ta takïgang lo Luwah kïtootþool. Îla mbet a ne, ndï oo mosï kunkø'n tela kïjaþat't nya kï karit, ndï taj Ndil kïkunjðang'n ad kï ger kamkë lo Luwah.

³⁰ Ã kï ger Luwah'n el an: Ndangra i lom, m'a m'baji dekïðen kïgo kïlaðaat. Kï ger kad el tø an: Bïraþe a gangta dø degt lon.

³¹ I nya kïtootþool ngãi kad de so ji Luwaht kï Ngekumkajir.

³² I gaan dø nyat'n ða nya maði lon i ngahn ne ta lo Luwah dasabang, kaglot'n non i ngahn kõ ngãibe ji degt, na i høn tøgsï bá kam ðøøt kï ngang ngãi.

³³ Ndø madg deg tajsïn, ðan sesï nya kï to takum degt; kaglo madg i ndan rosï nat kï ngankõsïg'n deg ðan sed nya kïmajal kï titbe tø.

³⁴ Kïtø i dain yosï nat kï ngankõsïg kam dangãit kïtakul Jeju Krist. Lon høsïn dangãit ye, øin nyaþetrog losï kaa ne, i ðan ronel be; kïta oo i gerïn þet kad i ndïn kï nyaþetro kïmaj tøi kï a tokïnõt.

³⁵ Kïtø 'nten, ot kadïn rosï oi siw. Kïtø îla i høntøgsïbá a ne, a i ngahn nyabaji kïbobe.

³⁶ Îla i høntøgsï bá kad i ðan ndig lo Luwah a ne, a i taan nya'n Luwah unïn kø'n adsï.

³⁷ Kïtø Maktub el titbe an: Nãi kaglo tëbe þaitø, nãi ngãi al ta, kad în hã ndï ða lo ðe a ðe, a ðe nderrbe.

³⁸ Titbe kaa ne, de kïdenesew, kïtakul kadkam Luwah la, a ndïn kï døn dõ ye, na îla de mad tel kïgog a ne, rom a nelïm sia al.

³⁹ Na jî taa, jî ngétel kï gog kad kï nuj kø al, na kï ndï kï j'ad kamj Luwah kad kï j'ajïn.