Hebreg 1 - BIBLE MBAÏ 1980

Luwah elta kïtakul Ngonïn

¹ Maði nu, Luwah elta bøwjg kïtakul ngékelta kï tant. Luwah eld ta kï nja natbe, kïgo ðob kïdangdang nja ngãibe tø.

² Na tajigla kam ndøg kï døboit 'nten, Luwah elj ta kïtakul Ngonïn'n ndaha ngekõnduba dø nyagt tube. Luwah ða nyag tube kï kam dørãt kï kï kam døningt kïtakula.

³ Ngon Luwah'n non, i nyër kunj majkoo Luwah kïðangereng, i þakumta Luwah jeje, i ngendïna nyag tube'n Luwah ndah kam duniat kïtakul tøg ta kï tant. Lon tølkon kïla karj dø majalgt woi ye, got gog tel aw dørãt, aw ndï ber ko jikõ Luwaht kï ngetøg kï tøitøi dõ dørãt.

Ngon Luwah i kïbo tøi malaikag

⁴ Ngon Luwah'n non i kïbo tøi malaikag tube. Kïtø Luwah ada tø kïbo tøi tøg tube.

⁵ Kïtø Luwah el malaika mad an: Î Ngonïm, þone m'tel Bøwi. Luwah elta kï titbe malaika an: M'a mî Bøwi, î tø a i Ngonïm nja kïða al. Luwah elta kï titbe malaika lon mad nja kïða al.

⁶ Na lon kaglo asï, ad Luwah ndï ða lo kad Ngon derrïn ðe døningt ye, el an: Kï malaikag lo Luwah tube øsïn død ber nõat.

⁷ Luwah elta dan dø malaikag an: Luwah ad malaikag lon în tit nelg kï la be, ad ngékïlaþerg lon awïn kïla kanang tit ndõhorrg be tø.

⁸ Na Luwah elta dan dø Ngonïn an: Î Luwah, pong kõþe loi ndï londïnt mbãkïnõt, a õþe dø girrdegt loi,

⁹ kï goðob nyaðat kïdenesew, na i mbet ðagootal kïta 'nten la Bøwi Luwah, Luwah loi køtïn, na urrïn yib ronel, tøi mad tøgig.

¹⁰ Luwah elta 'nten tø an: Lo yaþoodat nu, î Bïraþe la i ndah girr døning ye, dørã tø i kïlaða jii.

¹¹ Nyag'n non tube a tøin kø, na î taa i ndï londïit mbãkïnõt, na nyag'n non tube a ngisïn tit kub be.

¹² A i þird tit pal be, nyag'n non a mbelïn tit kub, na î taa i ndï gootit mbãkïnõt, þalig kaa ne, a tïgan al bat.

¹³ Nõ ku malaikagt Luwah ela an: I ðe i ndï ko jikomt, mbã kad m'tel madngétaig m'ad în girr tøgit a?

¹⁴ Na malaikag ye, în nõg a? Malaikag în ndilg kï ngéðakïlaþer lo Luwah, Luwah ndï lad kï ro degt kï a ngahn kaj kïtakad ðan sed.