Galatiag 6 - BIBLE MBAÏ 1980

Maj kad ngétaata lo Krist ðan kï na

¹ Ngankom, îla i teen dø det mad kï tøidøta a ne, îgïn Ndil Luwah i kamsït ye, i ðan sia, kï hal kï sayelïl kad tel kï ro Bïraþet. Kï dekïðen kusït oo go ron maj, na þeta î kïþe kï døn náana.

² I taan na dïlalot dø nyat kïðen'n ndï øisï, îla i ðan titbe a ne, i ndï telïn rosï go mberkïndat lo Krist.

³ Na îla de mad oo ron nya madt, na i nya mad al a ne, ndï gool ron ta gool.

⁴ Kï dekïðen nderr girr kïlaðan maj oo, îla maj a ne, kï ða ronel døt, na i kïtakad øjïn ron kï de mad al.

⁵ Kïtø dekïðen a la bar girr nya tot lon kï køsïdøn.

⁶ Na kï de'n ndï ndoona Hoita Kïmaj sumba kad gan na dø nyamajgt lon kï ngendoon.

⁷ Dø tat 'nten: Ot kad udïn mut, de kï asï gool Luwah goto, kïta nya kï ði'n de ndï dub a ne, nya'n non la a tet ye.

⁸ Îla de ndï duw nya kïgo nyurkõt kïmajal lo dãro a ne, a ngah koi kamt; na îla duw nya kïgo Ndilt kïkunjðang a ne, a ngah kumkajir kï mbãkïnõt kïtakul Ndil Luwah.

⁹ Ot kadïn roj oi yelïl dø ðamajt. Kïtø îla roj oi yelïl al a ne, lon kaglo asï woi, j'a kï tet nya kïmaj'n hã kï dub nõ.

¹⁰ Kïtø 'nten, îla kï ngah kaglo sî þaitø a ne, ad kï ðan kïla kï maja i kïta deg tube, na kï tøi 'nten, ad kï ðan maj kï ngankõ ngétaata lo Krist.

Køjtag kï døboit kï lapia kï ða

¹¹ Oon maktub kïbo dodo'n m'ndang kï jim mî kïþe m'adsï.

¹² Deg'n ndï høsïn kï lo ngetøgt kad i jan gaj ye, ndï ðan titbe kad deg oond deg kïjarawt kïgo køjtaðat lod. Na ndigïn kad i jan gaj, na þeta n'ngahn kõ kïta la mber koi Jeju Krist kagdosït.

¹³ Deg'n ndï jan gaj ye, ndï ngomïn go mberkïnda lo Moij al, na ndigïn kad jasïn gaj kïtakad n'gan ne buro dø jat'n jasïn gaj.

¹⁴ Na mî Pol taa ne, m'ndig gaburo dø nyat kïðabe. M'ndï m'gaburo dø kagdosït lo Bïraþe loj Jeju Krist tã. Kïtakul koia kagdosït, nyag kï duniat telïn nya kï kari pãbe takummt tit gand dø kagdosït be. Mî tø, gamïn kagdosït ad mî kï koi dø nya kï duniat.

¹⁵ Gajkïja, ke gajkïja al i nya mad al, na nyan ndaa i tit, i kad de tel nyandah kï kij.

¹⁶ Na deg tube'n ndï awïn kï ketekete go ðob nyandoot 'nten ye, kï Luwah ad'd lapia, kï kookumtondo i nat sed ho, kï i nat kï girrdeg lo Luwah tø.

¹⁷ Labekïnot, kï de mad ndam dïlalot al ta, kïta m'aw kï ndïna doog kam dãromt ad i kuro do'n manaj takîm þer lo Jeju.

¹⁸ Ngankom, kï majkurr lo Bïraþe loj Jeju Krist i nat sesï. Amin.