Galatiag 1 - BIBLE MBAÏ 1980

Lapia

¹ Mî Pol, ngombangkïla lo Jeju Krist la m'ndang maktub 'nten m'adsï ye. Mî ngombangkïla kïgo ndigt lo de al, ke de hã ða sem adïm m'tel ngombangkïla al. Na mî ngombangkïla kïtakul Jeju Krist'n øada þai ku ngékoigt.

² Ngankõg tube'n în nat sem ndan tad nat kad m'ndang maktub 'nten m'ad ngékawnag kï døning Galat't kï m'eldïn m'an:

³ Kï Luwah kï Bøwj kï Bïraþe loj Jeju Krist adsïn majkurr kï kamkïsokïber.

⁴ Jeju Krist oi kïtatøj kad Luwah nyan go majalg loj kø, kïtakad ug ørrj'n girr tøgt lo dunia kïmajal'n ðan, tit'n Luwah kï Bøwj ndigïn kad ða.

⁵ Kï køsïgon i kï dø Luwaht mbãkïnõt. Amin.

Hoita kïmaj i kïðabe do

⁶ Ngankõ ta losï yam biw, kïta i ndï telïn gidsï kanangbe adïn în hã kunsï kam majkurrt lo Krist kad i ndulon go Hoita Kïmaj mad kïðang.

⁷ Hoita kïmaj mad kïðang goto, na în hã m'lasï mbera nõ koon. M'elta titbe, kïta deg madg awïn nõ, îgïn telïn døsï wãri, ndigïn kad'n mbelïn hoita kïmaj lo Jeju Krist ngankõdang.

⁸ Îla de mad, ke jî, ke malaika mad, ðisï ko dørãt kad'n lasï mber hoita kïmaj mad kïdang kï în hã kï lasï mbera a ne, kï i kï ndøl.

⁹ Tit'n j'elsïn kete woi ye, tajigla m'ndï m'elsï þaitø. Îla de mad lasï mber Hoita Kïmaj mad kïdang, kï în hã i taan woi a ne, kï i kï ndøl.

¹⁰ Kïtø tajigla m'ndï m'sah kï m'maj takum degt e? Ke takum Luwaht a? A a. M'ndï m'sah kï m'maj takum Luwaht koon. Ke m'ndï m'sah kï m'nel deg e? Îla m'ndï m'sah jeje kad m'nel deg a ne, m'a mî þer lo Krist al.

Go ðob'n Pol telïn ngombangkïla

¹¹ Kïtø 'nten m'elsï kad i gerïn maj ngankom, Hoita Kïmaj'n m'lasï mbera maði ye, þai ko ro det al,

¹² i ta kï m'taa ko ro det al, ke de mad hã ndoom hoita kïmaj'n non al, na i Jeju Krist la tee dø adïm ye.

¹³ Kïtø oon hoi nyaðam kï maði, lon m'a m'ndulon go nyaða kïgo nyabelþet lo Juipg. Kaglot'n non m'da kum ngékawnag lo Luwah ndo, kïkanj kookumtondo, m'ndig kï m'nujd kø.

¹⁴ I gerïn maj tø kad m'aw kï ketekete kam nyabelþet lo Juipg, ad m'tøi madmg ngãibe, îgïn þalïm asïna sed ku girrdegt lom; m'tî rom kat kad m'ða kïgo nyabelþet lo bøwïmg tø.

¹⁵ Na Luwah kïgo kamkët loa, kete lon oojmïn ne al þaitø ye, nela kad køtïm, ndam køtkokïða, kamla kunïm kad m'ða kïlaþer m'adïn.

¹⁶ Na lon Luwah ndig kï'n tee dø ngonïn ad m'gera kïtakad m'la mber hoita loa kï ro girrdegt kïdangdang ye, kaglot'n non m'sah takøj ko ro det mad al.

¹⁷ M'aw þebot kï Jerusalem ro degt'n în ngombangkïlag kete nõmt al tø, na m'þai m'aw døning Arabit, kamla m'tel m'ðe gog þebot kï Damasï.

¹⁸ Þal mïta got kamla m'aw þebot kï Jerusalem kad m'oo Kepas, ad i Pierr; m'aw m'ða ndø kïlah gidaimi roat.

¹⁹ Na m'oo de mad kïðang ku ndeg ngombangkïlagt al, na Jak kï ngonkõ Bïraþe tã.

²⁰ Dø nyagt'n m'ndï ndang m'adsï ye, oon maj m'ndï m'elsï kï tïga wakïsï nõ Luwaht: I takïbal hã m'ndï m'elsï al, na i rota.

²¹ Kamla m'aw døning Sirit, kï døning Silisit ye.

²² Kaglot'n non ngékawnag lo Krist kï kam døning Judet oon takum nja kïða al.

²³ Na oon hoitag'n deg elïn dømt ta koo anan: De kan maði dakum ngétaata lo Krist ndo ye, tajigla ndï la mber hoita kïmaj lo Krist kan tî ron kat kï'n nuj kø nõ.

²⁴ Øsïngon Luwah dø tat lom.