Ester 3 - BIBLE MBAÏ 1980

Haman sah ðob tøl Juipg

¹ Go nyagt 'nten ngar Asuerus tøi Haman, ngon Hamedata kï Agagia, kïdõ ada londï kïbo tøi mbaiþeg tube kï ndïn nat sen.

² Ngékïlaþerg lo ngar tube'n ðan ta ndogt lo ngar lan død ber øsïn ningt nõ Hamant kïta titbe la ngar ndamber da'n døa ye, na Mardoke la døn ber al.

³ Kamla þerg lo ngar ngeða ta ndogt lo ngar ndïjen Mardoke anan: Kïtøði i tøi dø mberkïnda lo ngar a?

⁴ Tit'n elïna ta'n non kïndøgndøg na tur go al ye ørrïn hoia Haman kad n'oon ke ta lo Mardoke a to lo tont a, kïta el an: Nî Juip.

⁵ Na lon Haman oo Mardoke la døn ber al ye, wong ðoosï kamm Haman.

⁶ Hø Mardoke kïðabe koon i nya mad al roat kïta teen dø girrdeg lo Mardoke adïna. Kïtø 'nten Haman sah ðob nuj Juipg tube kïkam kõþet lo Asuerus kïtaagbe, ad i girrdeg lo Mardoke.

⁷ Nah kïdasa, ad i nah Nisan, þal kï kõkïlah gidaijoo lo kõþe lo Asuerus, lan Purim, ad yan yuk, kï nah nah. Lan kï nah nah mbã nah kï kõkïlah gidaijoo, ad i nah Adar.

⁸ Kamla Haman el ngar Asuerus an: Girrdeg madg ndï nõ, tîn na kï dan girrdegt kïdangdang kam nusï døninggt þekõt loi tube. Mberkïndag lod i tadang kï kïlo girrdeg kïðang tube na ngomïn go mberkïndag lo ngar al. Kïtø 'nten a maj kïta ngar kad nyad kari al.

⁹ Îla ngar oo maj ad ndamber kad nujïnd na m'a m'ad nar arjã dub kïlah ji ngékoogo nyag lo ngar kad ün kam kujngom nyamajgt lo ngar.

¹⁰ Kamla ngar ør ngon ninga lon jint ad Haman ngon Hamedata kï Agagia, madngeta Juipg.

¹¹ Ngar el Haman an: M'nya nar arjã kï girrdeg'n non tu jiit kad i ða sed nya kï kami ndig.

¹² Ndo kïkïlah gidaimïta lo nah kïdasa ye, kunïn ngé ndàngmaktubg lo ngar ad ndangïn nyag tube kï Haman eltaa ad Prepetg lo ngar kï ngekõþeg kï ndïn nusï døninggt tube kï mbaiþeg lo deg tube. Ndangïn kïgo ðob ndang maktub lo nusï døning kïðen kï taþe lo girrdeg kïðen tø. Ndàngïn tø ngar Asuerus døt na øsïn kï kase køsødønya lo ngar.

¹³ Adïn maktubg ji ngékawkïlagt kï awïn ne kï nusï døningg tube lo ngar kad nujïn kï tølïn Juipg ad goton de kï dødug kï ngahtøgg, ngan kïdug kï dekïdëg kam ndøt kïkïðabe. I ndø kïkïlah gidaimïta kam naht kïkïlah gidaijoo, ad i nah Adar. A tirïn nyag lod purpur.

¹⁴ Ta kï ndàng kï mberkïnda lan mbera kam nusï døningt kïðen na elïn deg tube kad ðan rod oi kïta ndø'n non.

¹⁵ Ngekawkïlag awïn kïdõt kïgo tat lo ngar. Lan mbera kam þebot kï Sus. Ngar kï Haman ndïn ber kïta kãi nya na kam deg kï þebot kï Sus dad tapa.