Ester 2 - BIBLE MBAÏ 1980

Sahn ngar kïdë kïðang

¹ Go nyagt 'nten lon wong lo ngar Asuerus tel søl woi ye, ga kamïn dø Bastit kï nyaðaa kï mberkïnda'n tee kïtatoa tø.

² Kamla ngékïlaþerg lo ngar elïn anan: Ad sahn ngan kï mandg kï gerïn ngaw al kïta ngar.

³ Kï ngar nda pajag kam nusï døninggt lon tube kad kawïn ngan kïmandg kï gerïn ngaw al tube kï þebot kï Sus, kam kujt lo dekïdëg kï nyand ji Hegai kùj dekïdïngã lo ngar, ngengom dekïdëg, kï adïnd yibg kad ðan ne go rod.

⁴ Na ngon kïdë'n nel ngar a ne, kï ndaa ngar kïdë ørrïn goot Basti. Køjta 'nten nel ngar ad ða titbe.

⁵ Kam þebot kï Sus Juip mad ndït nõ, tøa i Mardoke, i ngon Jair, ngon Simei, ngon Kis ko girr Benjamint

⁶ in høna Jerusalem, awïn sia þeþert maði nat kï deg madg kï Jekonia ngar kï Juda. Nebukadnesar ngar kï Babilon la aw sed ye.

⁷ Mardoke ngom Hadasa, ad i Ester, kõnan. Bøwa kï kõa tu oin. Ngon kïdë n'non maj takumit kï kadron tu. Lon bøwa kï kõa oin ye, Mardoke una, ngoma tit ngonïn be.

⁸ Lon lan mber ta kï tee ta ngart na kawïn ngan kïdëg kï mandg ngãibe þebot kï Sus, nyand ji Hegait, Ester tø andïn sia kam kujt lo ngar, nyana ji Hegai ngengom dekïdëg.

⁹ Ngon kïdë'n non nel Hegai ngãi na ngah maj takumat tø. Tentenbe ada yibg kï gaj nyasa loa tø. Ada dekïdëg tanãimïta kï køt kam kujt lo ngar na ndøt kïkete nat kï dekïdëg loa kam lot kïmajtøi kam kujt lo dekïdëg.

¹⁰ Ester øjd girrdeg lon ke noojïng al, kïta Mardoke ndaa mber kad de ger døa kïndøgndøg al.

¹¹ Kï ndø tube Mardoke a ndia nõ natlot kïnõ kujt lo dekïdëg kad n'oo ke Ester to bãi ke nya mad ðaa a.

¹² Ngon kïdë kïðen a aw ro ngar Asuerust lon ndø loa asï, a ða kïgo nyaða dekïdëgt asï nah kïlah gidaijoo kïta i kaglo'n øjïnd kad ðan ne go rod. Ðan rod kï yib myrr nah kï kïbojidet, kï yib kïkootmbî nah kï kïbojidet tø, kï yib madg lo dekïdëg.

¹³ Lon ngon kïdë kïðen a aw ro ngart ye, a adïna nyag tube kï kama ndig, tee awïn kuju lo ngar.

¹⁴ A aw kam kujt lokïsøle na loti kïsî, tee aw kuju lo dekïdëg kïkõjoo ji Saasgaj kùj dekïdïngã lo ngar kï ngengom nëag kïþer. Dekïdë'n non a tel aw ro ngart gog al na îla ro ngar nela sia na ad kuna kï tøa kamtã.

Ndan Ester ngar kïdë

¹⁵ Lon ndø lo Ester, ngon Abihail, ngonkõ bøw Mardoke, in Mardoke tøa tit ngonïn be asï kad aw ro ngart ye, ndïje nya mad al na nya'n Hegai kùj dekïdïngã lo ngar øja tã. Ester ngah maj takum degt tube'n oona.

¹⁶ Titbe la andïn kï Ester ro ngar Asuerust kam kujkõþet loa nah kïkïlah ad i nah Tebet kam þal kõþet loa kïkõtanãimïta.

¹⁷ Ngar tar Ester tøi ndeg dekïdëg tube, na ngah maj takum ngart tøi ndeg ngan kïmandg tube. Nda jøg ngar døat ada ndï ngar kïdë goot Bastit.

¹⁸ Kamla ngar ða mburnam kïbobe kïta mbaiþeg lon tube kï ngékïlaþerg lon. I mburnam lo Ester. Ørr ta nar lambot kam nusï døninggt na ad kadkarig kïta kîa ngar.

Lan ta ber kïta tøl ngar Asuerus

¹⁹ Lon kawïn ngan kïmandg nja kïkõjoo ye, Mardoke ndï ta ndogt lo ngar.

²⁰ Ester tee dø noojïng ke girrdeg lon al tit'n Mardoke ndan mbera kïta Ester tel ron go tat lo Mardoke þaitø, tit kaglo'n ngoman kete be.

²¹ Kaglot'n non Mardoke ndï ta ndogt lo ngar lon Bigtan kï Teres kùj dekïdïngãg kïjoo lo ngar, ngengom ta ndog, þan wong na sahn ðob kad'n tølïn ngar Asuerus.

²² Takïkøj 'nten so mbi Mardoket ad eltaa Ester ngar kïdë na Ester eltaa ngar kï tø Mardoke døt.

²³ Nderïn girr ta'n non na i rota ad gan deg kïjoo nõ dø kagt. Ndangïn ta'n non kam maktub gakamdøt nõ ngart.