Ester 1 - BIBLE MBAÏ 1980

Murnam kïbo lo ngar Asuerus

¹ Kaglo'n Asuerus õþe dø nusï døninggt asï þu kï døjoo gidaitanãimïta, na kõþe loa þai kïko døning Indet mbã tee døning Etiopit.

² Kaglo'n non ngar Asuerus ndï dø pong kõþet lon þebot kï Sus.

³ Þal kõþe loa kïkõmïta ye, Asuerus ða mburnam kïta mbaiþeg kï þerg lon. Bïraðøøg lo Perse kï Medï kï mbaiþeg kï ngékõþe dø nusï døninggt kawïn na kï nõat.

⁴ Øjd nyamajg kïbobo kam kõþet lon kïmaj kïtaitøi lo londïn kïbo, asï ndø þu kï døjijoo.

⁵ Lon ndøg tøin ye, ngar ða mburnam asï ndø tanãimïta kam ndøøt kï gug dø kuj lo ngar kïta deg tube kï þebo Suset, kïbog kï kïdug.

⁶ Kubg kïsøllomlom kïndà ngung kï kïkire worwor in kï ga dõ kï kïla kub lë kïkire pirir kï ngan ninga nar arjãg kad pilie mbal marbïrt. Tïra nar ørg kï arjãg in dø dïngïr marbet kïkire kï kïkil musïmusï kï kïnda kï kïkil kïrir.

⁷ Adïnd nyakãi kam kop nar ørgt kïdangdang na kasïnduu lo ngar i ngãi kïta i ngar la ad'n kï kamndig lon ye.

⁸ Kasïnduu'n non i kïgo ndigt lo mberkïnda, de a ãi kï lo ngetøgt al, kïta ngar ndamber ngéðakïlag lon tube kad ðan kïgo ndigt lo dekïðen tã.

⁹ Basti ngar kïdë ða mburnam kïta dekïdëg kamkuj kõþet lo ngar Asuerus tø.

Asuerus ørr Basti kø dø kõþet

¹⁰ Ndø kïkõtanãimïta lon kam ngar nela kïta ãi kasïnduu ngãi ye, ndamber Mehuman, Bijta, Harbona, Bigta, Bagta, Jetar kï Karkas, kùj dekïdïngãg kïtanãimïta kï ngékïlaþer lo ngar Asuerus,

¹¹ kad ðen kï Basti ngar kïdë nõ ngart kï jøg ngar loa døat kïta køj deg kï mbaiþeg majkooa kïta i dekïdë kïmaj takumïnt ngãi

¹² Na Basti ngar kïdë mbet kun lo ngar'n lan kùj dekïdïngãg. Dø tat'n non ngar þawong ngãi ad wong tøla søkïr.

¹³ Ngar elta kï ngéterrg kï ngéger kaglog, kï nyabelþe, i titbe la a ðan ne kï tubeg'n gerïn mberkïndag kï tagkïgang.

¹⁴ Ngéndï ro ngart'n Karsena, Setar, Admata, Tarsis, Meres, Marsena kï Memukan, mbaiþeg kïtanãimïta lo Perse kï Mede. Îgïn non la oon takum ngar na în kïdasa kam kõþet.

¹⁵ Asuerus el an: J'a kï ða bãi kï Basti ngar kïdë kïgo ðob mberkïndat a? Kïtø tel ron go tat'n ngar Asuerus lan kùj dekïdïngãg al.

¹⁶ Memukan turta el ngar kï mbaiþeg an: Basti ngar kïdë ða nya kïgootal 'nten nõ ngart hã kïðabe al, na nõ mbaiþegt tube kï deg tube kï ndïn kam nusï døninggt tube lo ngar Asuerus,

¹⁷ kïta nya'n ngar kïdë ða ye, hoia a tî kï ro dekïdëgt tube kad kïdïn ngawdg. A elïn anan: Ngar Asuerus ndamber kad ðen kï Basti ngar kïdë nõnt na mbet ðe.

¹⁸ Þone në mbaiþeg kï Persï kï Medï a oon hoi nyaða ngar kïdë a ne, în tø a ðan titbe kï mbaiþeg lo ngar ho. Gog got i kid kï wong kïngãibe.

¹⁹ Îla ngar oo maj a ne, ad ndamber kad ndàngïn kam maktub mberkïndat lo Perseg kï Medeg kï dum mbel, kad Basti a tee nõ ngart gog al, na kï ngar un dekïdë mad kïmajtøi ørrïn goota.

²⁰ Lon lan mberkïnda lo ngar kam kõþet loa kïtaagbe, dekïdëg a øsïn gon ngawdig, kïbog kï kïdug.

²¹ Takøj 'nten nel ngar kï mbaiþeg na ngar ða kïgo tat lo Memukan.

²² Ngar la kï maktubg ad nusï døningg lon tube, nusï døning kïðen kïgo ðob ndang kï taþe loa, kï ro girrdegt kïðen kï taþe loa kï kan: Sumba kad dekïdïngã kïðen i kïbo dø kujt lon kï køsïdøn na a elta kï taþe lo deg lon.