Esdras 8 - BIBLE MBAÏ 1980

Tø deg'n telïn nat kï Esdras

¹ Tø deg 'nten i tø bïradø girrnoojg kï girrka'n þain nat sem mî Esdras, Babilon kaglo kõþe lo ngar Artaserses.

² Ku ngan Pinast, Gersom i dødt. Ku ngan Itamart, Daniel i dødt. Ku ngan Dabidt, Hatus i dødt

³ Ngon Sekania mad, ku ngan Pareos kï tøa i Jakari i dødt, deg'n in nat sia ye tïdand ad kørd asï þu kïdømi.

⁴ Eljoenai i ngon Jerahia, i dø ngan Palat Moab, deg'n in nat sia asïn dub joo.

⁵ Sekania ngon Jahajiel i dø ngan Jatut asïn þu mïta

⁶ Ebed i ngon Jonatan i dø ngan Adint, deg dømi in nat sia.

⁷ Esai ngon Atalia i dø ngan Elamt, deg'n in nat sia kørd i døtanãimïta.

⁸ Jabadia ngon Mikael i dø ngan Septiat, deg'n in nat sia asïn døjijoo.

⁹ Abdias ngon Jehiel i dø ngan Joab, deg'n in nat sia kørd asï þujoo kïkïlah gidaijijoo

¹⁰ Selomit ngon Josipia i dø ngan Banit't, deg þu kï døkïbojidet in nat sia.

¹¹ Jakari ngon Bebai i dø ngan Bebait, deg døjoo gid kïjijoo in nat sia.

¹² Yohanan ngan Hakatan, i dø ngon Ajgadt, deg þu kïkïlah in nat sia.

¹³ Elipelet, Jehiel kï Semaya in ngan Adonikam kïdu, deg'n in nat sed in døkïbojidet.

¹⁴ Utai, Jakur in ngan Bigbai, deg'n in sed ye kørd i døtanãimïta.

Esdras kun ngéðakïla kam kujt lo Bïtraþe

¹⁵ M'kawd kï nat kad baht kï Ahabat, na kï hølondï nu ndø mïta. M'sah dan degt, kam ngéjanyamosït, na Lebia kïða kaa m'ngah kamdt al.

¹⁶ Kamla m'la m'kun Eliejer, Ariel, Semaja, Elmatan, Jarib, Elnatan, Natan, Jakari, Mesulum, kïbo madg nat kï Jojarib kï Elnatan kï ngendoo deg.

¹⁷ M'lad kï ro Idot, ngar kï þet'n tøa i Kasipiat, na m'eld tag kï kad elïn Ido kï ngankõa kï ngéðakïlag kam kujt kïjaþat't kï ndï Kasipia kïtakad ðen kï ngéðakïla kam kujt lo Luwaj loj.

¹⁸ Tit'n ji Luwah loj kïmaj i døjt ye ðen kï de mad kï tøa i Serebia, na i de kï ngeterr. Køtïna ku ngan Makli kï ngon Lebi, ngon Israel. Ðe nat kï nganïn kï ngankõng, in deg kïlah gidaijoo

¹⁹ na Hasabia ðe tø kï Esai ku ngan Merarit, ngankõa kï ngandg, in deg døjoo.

²⁰ Ku ngéðakïlag kam kujt kïjaþat îgïn Dabid kï kïbog ndand kïtakad ðan kïlaþer adïn Lebiag, deg þujoo kï døjoo, kunïnd tube kï tød.

Deg ðan rod kïta tel kï Jerusalem

²¹ Nu kad bah Ahabat ye, m'la mber køgro nyasa kad kï søl døj nõ Luwaht loj, na kï køa ðob kïmaj kïtaj kï kïta nganj, nyaþetroj tube.

²² Mî kï rosøl kad m'ndïje ngar ngéðøø kï ngesïndag kad ðan sej, taajïn ji madngétajigt dø ðobt kïta j'el ngar j'an: Jî Luwah loj i dø degt tube kï ngésah goa kad ða sed maj, na tøga kï wong loa i dø degt tube'n turïn goa al.

²³ Kamla j'øg roj nyasa, kï ko kïdø Luwaht loj dø nyat 'nten na oo dø kø loj.

²⁴ Gog got m'køt ngéjanyamosï kïbog kïlah gidaijoo kï Serebia kï Hasabia kï ngankõd kïlah nat sed.

²⁵ M'bøj nar arjã kï ør kï jo ðakïlag m'ad'd, ad i kadkari kïta kuj lo Luwah loj in ngar kï ngékøjtag loa kï mbaiþeg loa kï Israelag tube kï ndïn nu adïn.

²⁶ M'bøj, m'la jidt nar arjã tõn døjoo, nyag kï ðan kï nar arjã kï gatd i ngãi tõn mïta,

²⁷ kop nar ør døjoo kï gatd asï nar dubkïða kï tasa ningakasï kïmaj kïndulo ngëingëi jo kï gatd i ngãi tit nar ør be.

²⁸ Na m'eld m'an: În deg kïjaþat kïta Bïraþe na jo ðakïlag in kïndakøt ko kïða. Nar arjã kï ør i kadkari kamndig kïta Bïraþe Luwah lo bøwsïg.

²⁹ Oon god na i ngomïnd maj mbã i mbøjd nõ bïradø ngéjamosïgt kï Lebiag, kï bïradø girrnoojg lo Israel, Jerusalem, kam ngan kujgt kï kuju lo Bïraþe.

³⁰ Kamla ngényamosï kï Lebiag taan nar arjã kï ør nat kï jo ðakïlag kï mbøjïn nõ, awïn ne Jerusalem kam kujt lo Luwah loj.

Esdras kï deg teen Jerusalem

³¹ Ndø kï kõkïlah gidaijoo lo nah kïdasa ye, kï þai bah Ahabat't j'aw Jerusalem. Ji Luwah loj i døjt, ug ørrj ji madngétajgt kï îgïn ndï umïnj ðobo.

³² Kï tee Jerusalem kï taakò ndø mïta.

³³ Ndø kïkõsøø kï mbøj nar arjã kï ør kï jo ðakïlag kam kujt lo Luwah loj j'ad Meremot ngon Uri ngejamosï Eleajar ngon Pinëas i nat sia kï Lebiag, Jojabad ngon Jojue kï Noadia ngon Binui.

³⁴ Tïndan na, mbøjïn nyag'n non tube na ndangïn kørd tube tø.

³⁵ Deg'n non awïn sed þert na telïn þeþert adïn kadkarig kïlahorr kïta Luwah lo Israel kïtaagbe, bal batg døjikïða gidaitanãimïta, ngan batg døtanãimïta, na bal bïnyag kïlah gidaijoo kïta kadkari kutdø majalkïða. Tube in kadkarig kïlahorrt kad Bïraþe.

³⁶ Adïn mberkïndag lo ngar mbaiþeg kï ngékõþeg kïdø nusï døning kï gid baht. In tø ðan kï deg kï ngéðakïla kuj lo Luwah.