Esdras 6 - BIBLE MBAÏ 1980

Darius ða go kïgo mberkïndat lo Sirus

¹ Kamla ngar Darius ndamber kad sahn kam kuj ngom maktubt, lo ngom nyamajg kï Babilon.

² Kam Ekbatan, þebo kïkam døning Medit, ngahn maktub mad na ta kïndang kamt i titbe.

³ Kam þalt kïdasa lo kõþe lo Sirus kï ngar, ngar Sirus'n non ndamber kïta kuj lo Luwah kï Jerusalem kad kï ðan kuj'n non gog, lon a lan kadkari kïjakø kïlahorr tit. Ngala kïdõ asï metïr dømïta, tata asï metïr dømïta ho.

⁴ Ndan mbalg kïbobo njør mïta, na kag kï kij njørr kïða, nar kïkam kujt lo ngar la a ban ne ngéðakïlag ye.

⁵ Titbe tø la ta lo jo nar ør, kï arjã kï kam kujt lo Luwah'n Nebukadnesar øi kam kuj ndub Luwaht kï Jerusalem, awïn Babilon a tel adïn gog ad ðen ne kuj ndub Luwaht kï Jerusalem, nya kïðen a ndï lo ndïnt. A i ndand kam kuj ndub Luwaht.

⁶ Tajigla î Tetanai ngekõþe dø nusï døning kï gid baht kï Setar Bojnai kï madkïlasïg ngékõþeg kam nusï døning kï gid baht, ørrïn rosï kø.

⁷ I nyand ad ðan kïla kuj lo Luwah, ad ngekõþe lo Juipg kï kïbog lod ðan kuj lo Luwah gog gootat kïkete.

⁸ Oon, 'nten la i mberkïnda'n m'adsï dø kïlat kï sumba kad i ðan kïta kïbog lo juipg kad ðan kuj lo Luwah'n ðan gog. A i øin kam nart lo ngar, ad i nar lambo lo nusï døning kïtaagbe, a i ban ne gat nyag'n non kïtaagbe kï deg tø, na i ðan tajigla.

⁹ Nya kïðen kï a i geen, ad i bøw mangg, bal bïnyag, kï bal batg kïta kadkarig kï lahorrt kad Luwah kï Ngedørã, geme, kat, kasïnduu, ke yib, kïgo tat lo ngejanyamosï kï Jerusalem a ne, kï adïnd kï ndø kïðen kïkanj nya ta

¹⁰ kïtakad lan kadkarig kï kootmbî adïn Luwah kï Ngedørã na a køn kïta ndï kï dødõ lo ngar kï ngana.

¹¹ M'ndamber tø m'an: Dekïðen'n tøi dø 'nten a ne, kï deg ørrïn kag kuj loa øsïn ne kama mbutïn, na gana dõ ad kuj loa tel þirþit.

¹² Kï Luwah'n ad Tø'n ndï dø lot'n non tuj ngarg tube kï girrdeg tube'n sahn mbel mberkïnda 'nten ngankodang ke tujïn kuj lo Luwah non kï Jerusalem: Mî Darius, m'ndamber kad deg telïn rod got tentenbe.

Tølïn kon kïla kuj lo Bïraþe

¹³ Døtat lo Darius kï lan ye, Tateenai ngekõþe dø nusï døning kï gid baht kï Setar Bojnai kï madkïlag telïn rod go tat tentenbe kïgo tat'n el.

¹⁴ Titbe tø la kïbog lo juipg ðan ne kïla kuj, na kïla maj jidt kïtakulndil kï ndø lo Aje ngekelta kï ta Luwaht kï Jakari ngon Ido. Ðan kuj'n ðan tïgan kïgo tat lo Sirus kï Darius kï Artaserses, ngarg kï Persï.

¹⁵ Ðan kuj'n ðan tïgan kï ndø kïkõmïta lo nah Adar kam þal kõþet kïkõtanãimïta lo Darius.

¹⁶ Israelag kï ngejanyamosï kï Lebiag kï ndeg deg'n telïn þeþert ngomïn go ða nah kïta kuj lo Luwah'n ðan tadang kï ronel.

¹⁷ Kam ndøt'n ndan kuj lo Luwah'n ðan tadang ye, adïn kadkari bøw mangg, bal bïnyag þujoo kï ngan batg þusøø, na kïta kadkari kutdø majal lo Israelag tube, adïn bal bïnya kïlah gidaijoo, ad i kïgo kør Israelag kïgo girrdt.

¹⁸ Ndan ngéjanyamosï kï Lebiag kïgo kïlagt lod kad ðan kïlaþer adïn Luwah Jerusalemt tit'n ndangïn ne kam maktubt lo Moij.

Juipg ðan nah Pakï

¹⁹ Deg kï þeþert ngomïn go ða nah Pakï kam ndøt kïlah gidaisøø lo nah kïdasa, ðan nah Pakï.

²⁰ Kïtø ngéjanyamosï kï Lebiag arïn rod nat, tube telïn kï karnyang. Jan kø ngon bat kïta ða nah Pakï, kïta deg tube kï telïn þeþert, kïta madkïladg, na kïta rod tø.

²¹ Israelag îgïn telïn þeþert, kï deg tube'n ndan rod nat sed, na ørrïn rod nya kïyerr lo deg kï døningt'n non kïta køsï død ningt nõ Bïraþe ad'd ronel na ad kam ngar kï Asiri în sed na ða sed dø kïla kujt lo Luwah, Luwah lo Israel.

²² Ngomï go ða nah kïkanj berrkasï kï ronel ndø tanãimïta kïta Bïraþe ad'd ronel, na ad kam ngar kï Asirit nda bung sed, na ða sed dø kïla kujt lo Luwaht, Luwah lo Israel.