Esdras 5 - BIBLE MBAÏ 1980

Ngan Israelag unïn ta kïla kï kij gog

¹ Ngekelta kïta Luwaht Aje kï Jakari, ngon Ido, kï Juipg'n ndïn døning Judat kï Jerusalem, elïnd ta kï tee ta Luwaht lo Israel'n i dødt.

² Kamla Jorobabel ngon Salatiel kï Jojue ngon Josadak þai mbã girr ða kuj lo Luwah kï Jerusalem. Ngékelta kï ta Luwaht în nat sed tø.

³ Kaglot'n Tateenai ngekõþe dø nusï døningt kï gid baht kï Setar Bojnai kï madkïladg ðen rodt, ndïjend ta anan: Nõ adsï ta ðob kad i ðan kuj kï ndogbørr'n ðan a?

⁴ Ndïjend ta tø anan: Tø deg ngéða kïla'n ðan în nõg a?

⁵ Na Luwah nda kumïn go kïbogt lo juipg ad øgïnd ða kïla'n non al, mbã kad ta tee ko ro Dariust'n ndï ngoon ta kï tur ko roat.

Tatenai ndang maktub ad Darius

⁶ 'Nten i ta kï ndangïn kam maktubt'n Tateenai ngekõþe dø nusï døningt kï gid baht kï Setar Bojnai kï madkïladg, ngékõþeg kam nusï døningt kï gid baht lan ne kï ro Dariust kï ngar.

⁷ Ndangïn ta lan ne kïroat, ta'n ndangïn kam maktubt laten: Kï ro Dariust kï ngar, lapia ngãi.

⁸ Sumba kad ngar ger, jî j'aw kam døning Judat kam kujt lo Luwaht kïbo. Juipg ðan kuj'n non kï mbalg kïbobo, na lan kagg dø ndogbørrt. Kïla lod ndia maj ho, ndï aw kï ketekete ho.

⁹ Kamla kï ndïje kïbog'n non, na j'eld ta j'an: Nõ adsï ta ðob kad i ðan ne kuj'n ðan kï ndogbørr a?

¹⁰ Kï ndïje tød kïtakad kïger, kad kïndang tø kïbog lod'n ndïn dø kïlat'n non kad kï lan j'adi.

¹¹ Oo ta'n turïnj laten: Jî þerg lo Luwah kï Ngedørã kï Ngedøning. Ndï kï ða kuj ndub Luwah gog, kuj'n ngar õþe dø Israelt ða na tøl kona maði.

¹² Na bøwjg ðan nya ad Luwah kï dørãt þawong sed, na lad ji Nebukadnesar ngar kï Babilon de kï Kalde ad tuj kuj'n ðan, na øi deg aw sed þert Babilon.

¹³ Na kam þalt kïdasa lo Sirus ngar kï Babilon, ngar Sirus ndamber kad ðan kuj lo Luwah gog

¹⁴ Tasa nar ørg kï l'arjãg kïdangdang kïkam kujt lo Luwah, Nebukadnesar øi kam kuj ndub Luwaht kï Jerusalem na nda kam kujyogt kï Babilon. Ngar Sirus øi nyag 'nten kam kujyogt kï Babilon ad de mad kï tøa i Sesbasar'n Sirus ndaa ngekõþet,

¹⁵ na ela an: Øi nyaðakïlag 'nten, aw ü kam kuj ndub Luwaht kï Jerusalem, na ad'd ðan kuj lo Luwah gootat kïkete.

¹⁶ Kamla Sesbasar ðe nda girr kuj lo Luwah Jerusalem. Kaglot'n non ðan kuj mbã þola tajigla na tølïn kona al þaitø.

¹⁷ Kïtø 'nten, îla ngar oo maj a ne, ad sahn kam kuj ngomnyat lo ngar kï Babilont, oon ke ngar Sirus ndamber kad ðan kuj lo Luwah'n non Jerusalemt gog a, kamla kï ngar la kï døjt kad kï ger tagah loa.