Esdras 4 - BIBLE MBAÏ 1980

Madngeta sah køgïn Juda ða kïla

¹ Lon madngétag lo deg kï Juda kï Benjamin oon hoi deg kï hønd þert maði telïn kïta ða kuj lo Bïraþe Luwah lo Israel gog ye.

² Ðen ro Jorobabelt kï bïradø girrnoojgt, elïnd anan: I nyanj ad kï ða kïla kuj lo Bïraþe nat sesï kïta kï ndulo go Luwah losï tit'n i ðan ne ye be, na kï ja mosï j'ada maði nu kaglot lo Esar Hadon ngar kï Asiri in øij ðe sej nëbe.

³ Na Jorobabel kï Josue kï ndeg Bïradø girrnoojg lo Israel turïnd anan: I ta losï al kad i ðan sej kad kï ða kuj lo Luwah loj, na jî kïþe j'a kï ða kuj j'ad Bïraþe Luwah lo Israel tit'n Sirus ngar kï Perse ndajïn mbera.

⁴ Nõbe deg kï døningt'n non ðan nya kïta kørr tøg deg kï Juda kø, kad þoolïn ða kuj.

⁵ Adïn nya ngékøjtag kad øgïn Israel dø ða kïla. Ðan titbe kaglo tube'n Sirus ngar kï Persï ndïn kï døn dõ mbã kï kõþet lo Darius ngar kï Persï.

⁶ Kaglo kõþe lo Asuerus, lon mban girr kõþe lon, deg ndangïn maktub kundø ngendï Juda kï Jerusalem.

Ndangïn maktub adïn Arserses

⁷ Ðan titbe tø kaglot lo Artaserses. Bislam, Miteredat, Tabeel kï ndeg madkïladg ndangïn maktub adïn Arteserses ngar kï Persï. Ndangïn kïgo ðob ndang ta aramea, na mbelïn kïta aramea tø.

⁸ Rehum ngekõþe, kï Simsai ngendang maktub ndangïn maktub adïn ngar Artaserses kïta kun dø Jerusalem anan:

⁹ Rehum ngekõþe kï Simsai ngendang maktub kï ndeg madkïlagdg, ad i Dinag, Aparsatakag, Tarpelag, Aparsag, Erekag, Babilonag, Suseag, Dehag, Elemag,

¹⁰ nat kï deg madg'n Osnapar, de kïbo kï ngetøko, øind ad ndïn kam þebot kï Samari kï lo madg kïðang kï gid baht.

¹¹ 'Nten la i ta kï ndang kam maktubt'n lan kï ro Artaserses kï ngar: Þerg loi, deg'n ndïn nusï døningt kï gid baht, ðain lapia,

¹² na tajigla sumba kad ngar ger, Juipg'n þain kokïroit teen rojt ne Jerusalem, ndï ðan þebog'n î þe kï ngétaaðøø kï ngéðamajal. Ndï ðan ndogbørr na ndan girra kij.

¹³ Kï ngar ger girr nya'n non, îla ðan þebo'n non gog, ðan ndog børra tø ho a ne, a ban lambo al, ke dø nya tirrt, ke lambo lo ngétøi ðobo.

¹⁴ Jî kï sa kat kam kuj ngomþet, na maj takumjt al kad j'oo rosøl'n ndig lan dø ngart. Kïtø 'nten kï lan maktub kad gerïn hoitag lo bøwig. A i ngah ta kam maktub hoitag kï dø þebot'n ðan, na a i ger kad i þe kï ngétaaðøø tuj ngarg kï nusï døningg maði ye.

¹⁵ Na kïtakad sahn kam maktub hoitag kïdø þebot'n ðan na a i ger kad i þe kï ngetaaðøø. Ta 'nten kïtitbe la nujïn ne þebo'n ðan maði ye.

¹⁶ Ta 'nten j'el ngar kad ger, îla ðan þe'n ðan gog na ðan ndogbørr a ne, a i ngah nya mad kam nusï døning kï gid baht al bat.

Artaserses ndamber kad nyan ta kïla

¹⁷ Ngar turta la'n ad Rehum ngekõþe kï Simsai ngendang maktub kï ndeg madkïlag'n ndïn gid baht an:

¹⁸ lapia, na tajigla maktub'n i lan ne adj ye, ndï dan, tit'n i ndang ne nomt.

¹⁹ M'ndad mber kï sahn na ngahn ta kïdø þebot'n ðan. Maði þai ndoor ngarg na sïla deg kïtit ad taan ðøø.

²⁰ Ngarg kï ngétøg ndïn Jerusalemt kete, na õnþe dø nusï døningt tube kï gid baht. Ban lambo na tirrïn dø nya na taan lambo lo ngétøi ðobo tø ho.

²¹ Kïtø 'nten i ndan mber køgdø kad deg'n non nyan ta ða þe na kï m'nda mbera kïkij kamtã.

²² Oon go rosï maj, ot ðan ndang kï ta 'nten na þeta nya kïmajal ðe kïdøtdøt ad tuj ngar.

²³ Lon tïdan maktub lo Artaserses nõ Rehumt kï Simsai ngendang maktub kï madkïlaagt ye, awïn kanangbe Jerusalem, høn juipg kï lo ngetøgt kad nyan ta kïla'n non.

²⁴ Kamla nyan ta ða kuj lo Luwah kï Jerusalem. Nyan ta kïla'n non mbã þal kïkõjoo lo kõþe lo Darius ngar kï Persï.