Esdras 3 - BIBLE MBAÏ 1980

Ðan dingïr kadkari gog

¹ Lon nah kïkõtanãimïta tee, na Israelag tube în kam þegt lod ye, deg tube kawïna Jerusalem tit de kïðabe.

² Kamla Jojue ngon Josadak kï madag ngéjanyamosï kadkarig kï Jorobabel ngon Seatiel kï ngankõa þai, ðan dïngïr lo Luwah lo Israel kïta la kadkari kï lahorr kïgo tat'n ndangïn kam maktub mberkïndat lo Moij kï de lo Luwah.

³ Ndahn dïngïr dø girrat kï maði, na lan kadkari døt adïn Bïraþe kïsî, kï lokïsøle kïta þoolïn girrdeg kïdangdang kï døningt'n ðan.

⁴ Ngomïn go ða nah kujkámg tit'n ndangïn ne, na lan kadkarig kï lahorrt kïndøgndøg kïgo kørat'n gang adïnd kïta ndø kïðen.

⁵ Gog got lan kadkari kïlahorrt kïndøgndøg, kï kadkarig kïta kij nah, kï ða nahg tube lo Bïraþe kï gangïn ndød kï kadkarig'n deg tube adïn Bïraþe kï kamndig.

⁶ Ndø kïdasa lo nah kïkõtanãimïta lan girr la kadkarig kï lahorrt adïn Bïraþe na ndan girr kuj lo Bïraþe al þaitø.

⁷ Adïn nar ngegoosï tøsï mbalg kï kagg, na adïn nyasa kï nyakãi kï yib deg kï Sidõ kï Tir ton ne kag sedïr kï Libãt kï ðen ne ta bahbot kï Japo. Ðan kïgo tat'n Sirus ngar kï Persï ndad mbera.

Israelag mbã girr ða kuj lo Bïraþe

⁸ Kam þalt kïkõjoo go teldt kï kuju lo Luwah Jerusalemt, kam naht kïkõjoo, Jorobabel ngon Sealtiel kï Jojue ngon Josadak nat kï ndeg ngankõd madg, ngéjanyamosïkadkari, kï Lebiag kï deg tube'n telïn þeþert, ðen Jerusalemt, lan girr kïla.

⁹ Jojue kï ngana, kï ngankõa, kï Kadmiel kï ngana, ngan Juda kï Henadad kï Lebiag kï ngand, kï ngankõd oon go ngéðakïla kuj lo Luwah.

¹⁰ Lon ngeðakuj ndan girr kuj lo Bïraþe woi ye, ngéjamosï lan kub lod, ðen kï towmand jidt, na Lebiag kï ngan Asap øin handg kïta kï ko kengkeng kïta ndubïn Bïraþe kïgo køjtaðat lo Dabid ngar kï Israel.

¹¹ Kïmadg øsïn pa, kïmadg ndigïn pa kï tad øsïngon Bïraþe na ðan oiyo anan: Bïraþe kïmaj, nyaðakïro loa kïta Israel to mbãkïnõt Deg tube kon kï ndid kïbo ndubïn ne Bïraþe kïta ndahn girr kuj lo Bïraþe.

¹² Ngéjanyamosï kï Lebiag kï girrnoojg ngãibe, bïga deg'n oon kuj kïdasa lo Bïraþe maði ye, nõn kï ndid kïbo lon oon ða ndan girr kuj kï kij. Kïmadg ngãibe kon kï ronel tø.

¹³ Kïtø 'nten de kï asï kørr mãi ndï ko lo deg, kï ndiko ronel lo deg natal, kïta deg kon kï ndid kïbo ad de asï ko dø ndid ko sãi koon.