Epesiag 6 - BIBLE MBAÏ 1980

Ta lo ngan'g kï ngékoojd

¹ În ngan'g i telïn rosï go tat lo ngékoojsïg kam Bïraþet, kïta 'nten i goðobat.

² Øsïgon bøwi kï kõi la i mberkïnda kïdasa'n kunkø to døt:

³ Kïtøkad maj urrïn, kad i man yo døningt në.

⁴ În bøwg, ot ndan ndu ngansïg kad ðan wong, na i tond kï ndáng kï nyandoo, kï køj kïgo Ndil Bïraþet.

Ta lo þerg kï ngédg

⁵ În þerg, i telïn rosï gotat lo ngesïg kïgo dãrot, nat kï þool, kï þoolndil, kï kam kïkïða, tit i ndï i ðan kïla lo Krist be.

⁶ I ðan kïla adïnd ta kumdt kad i nelïnd ne hã koon al; na i ðan ndig lo Luwah kï ngarkamsï tube tit þerg lo Krist be.

⁷ I ðan kïlaþer losï kï kamndig tit i ða i ðan kïlaþer lo Bïraþe î kïþe be, na lo deg al,

⁸ tit'n i gerïn ne ta kad dekïðen, þer ke detanyan a ngah bajin ko ro Bïraþet kïgo majt'n ða.

⁹ Na în ngéþerg, i ðan sed maj titbe ho, i nyan ta mbad; kïta i gerïn nged kï ngesï tu i kam dørãt dõ. Kørr de dene goto roat bat.

Nyakatg lo ngékadkamg

¹⁰ Ta kïdøboit laten: I sahn tøgsï kam ndaronat kï Bïraþe kï kam tøgat kï ngãi.

¹¹ I døn nyakatg'n Luwah adsï nõ tube rosït, kad asïn ne ðabijir nõ ndandogt lo sitan.

¹² Kïtø ðøø'n ndï kï ðøø nõ, ndï kï ðøø kï deg kï awïn kï dãro kï mosï al, na i ðøø kï ndï kï ðøø kï tøg ndilg kïmajal kï dørãt, kï tøg kõþeg, kï tøgg, kï bïradøg kï kam duniat kï til'n ðan.

¹³ Kïtø 'nten kï øin nyakatg lo Luwah tube, kad asïn ne taaðøø madngétasïg kam ndøt kïmajal, na lon i ðøø'n mbã døboia a ne, i ðan bijïr lo ðasït.

¹⁴ Kïtø 'nten i ðan dø njasït. I dø'n þosï kï rota tit ngaland be, i lan denesew gusït tit parhand be,

¹⁵ na kï i lan ro kï ða woi kïta lamber Hoita Kïmaj lo lapia njasït tit sanja be,

¹⁶ Unïn kadkam i gan dø nyagt tube tit der be, kïtakula la, a i tølïn ne kïrãg kï kõhorr tube lo ngemajal.

¹⁷ I taan kaj tit jøghand be ho, i taan Ndil tit kiyaðøø be ad i Ta lo Luwah.

¹⁸ Elïn ta kï Luwah kï kaglog tube kïtakul Ndil, i køna kad ða sesï dø nyagt tube, i høn kelta kï Luwah, i ndïn døgt døt. I høn rosï bá kamt, i kø'n kïta deg kïjaþat lo Luwah tube.

¹⁹ I kø'n kïtam ho, kad Luwah ndah ta lon tamt, ad lon m'ndï m'elta a ne, kï m'el kïkanj þool, kï m'tee tam m'ad deg gerïn girr takïmulnd lo Hoita kïmaj'n

²⁰ mî ngombangkïlaa kam dangãit. I køn Luwah kïtam kad m'elta døt kï kam kï misïmisï tit'n sumba loa kad m'elïn.

Pol ða lapia deg

²¹ M'ndig kad în kaa i gerïn ji ndïm kï kïla'n m'ndï m'ða. Tirsik ngonkõj kï ngetar loj, ngekïlaþer kïro kam Bïraþet a ørrsï hoi nyag tube kï dømt ad oon.

²² M'laa kï rosït kad ørrsï hoij ho, lon a tee kusït a ne, a adsï ro ngang kï kamsøl ho.

²³ Kï Luwah kï Bøw, kï Bïraþe Jeju Krist adsïn lapia kï tar nat kï kamkïndahdøt.

²⁴ Kï majkurr lo Luwah i nat kï deg tube'n ndï tarïn Bïraþe loj Jeju Krist kï tar kï tokïnõt.