Epesiag 4 - BIBLE MBAÏ 1980

Pol søkï ngékadkamd Krist kad ngomïn go kîd kïða kam Ndilt

¹ Mî kï dedangãi kam Bïraþet, m'ndï m'køsï kï rotîm kad adïn nyaðasï asïta kun'n hã kunsïn,

² kï i sølïn døsï lom, în kï sayelïl, iren kamsï njirrirr dø nat kam tart;

³ i tîn rosï kat kad i ngomïn go kîsï kïða kam Ndilt kïtakul kamkïsokïber'n i kïla døsï nat.

⁴ Dãro i kïðabe, na Ndil i kïðabe ho, titbe la kunsïn ne kï nya ndahkamdøt kïkïðabe ho ye;

⁵ Bïraþe i kïðabe, kadkam Krist i kïðabe, Baptem i kïðabe,

⁶ Luwah i kïðabe, na i Bøw deg tube, ndï õþe dø nyagt tube, ndï ðakïla kï nyag tube, ndï kam nyagt tube.

⁷ Na dekïðen kujt ngah majkurr kï sumba døn kïgo mbøj kadkarit'n Krist ada.

⁸ Kïtø 'nten Luwah el kam maktubt lon an: Lon aw dõ ye, øi deg'n hød taðøøt awïn; ad deg kadkarig,

⁹ kel kan: Aw dõ ye, kam taa i ði a? Kam taa i kan: Krist ðisï kï ber kete kam logt kï kokïþing kï girr døningt ale?

¹⁰ În ðisï ye, i roa nõ la aw dõ tøi dø dørãg tube kï dõ, kad'n ðoosï log tube ye.

¹¹ Na kadkarig'n ad deg laten: Ad kïmadg în ngombangkïlag, kïmadg în ngékelta kï ta Luwaht, kïmadg în ngélamber Hoita kïmaj, kïmadg în ngéngom ngékawna kï ngéndoodeg,

¹² kïtakad telïn deg kïjaþat lo Luwah ad asïn ða kïlaþer'n ndah dødt kad ðan ne dãro Krist kï dõ kam kadkam Krist't,

¹³ mbã kad jî tube kï teen kij kïða kam kadkam Krist't, kï ger Ngon Luwah, kad kï tel deg kï tøg gang, mbã kad j'asïna kï kahd Krist kam þakot't.

¹⁴ Titbe j'a jîn ngan kïdug gog al ta, ngan kïdug'n hul man ndï lad kï njad dõ, nel nyandoo kïðen ndï ørrd kï log, kï yo kï ne, kï lo goolt lo ngéndandog'n a ndond.

¹⁵ Na jî taa, kï lo kel rotat kam tart, j'a kï tøgïn kam nyagt tube kï kam Krist'tn hã i bïradø.

¹⁶ I ko roat, na i tambøra la ngan rog în ne kï tøsï tanat, na dãro kïtaagbe i kï lana wur kïtakul døkurg'n Luwah ndah kamt, kïðen ndï ða kïla kï tøg'n adïna. Kïtø 'nten lon ngon ro kï ðen ndï ða kïla lon maj a ne, dãro a tøg, a ða ron kïdõ kam tart.

Kumkajir kï kij kam Krist't

¹⁷ Ta 'nten la m'ndï m'el, na m'ndï manaja kam Bïraþet ye, labekïnõt, ot kadïn pa ndiasï i kïgo nyaða degt kï ngéger Luwah al, îgïn nyaðad i kïgo tagahdgt kï pãbe.

¹⁸ Tagahd i til, în sãi kï kumkajir lo Luwah, kïta gerïn nyamad al, kamd kongkong.

¹⁹ Gerïn rosøl al bat. Lan rod kïkam kayat kï ða. Høn ða nyaða kïyerr kïðen jøgum nat kï ða kumndà kïkanj hø rod kï gog.

²⁰ Na în taa, i titbe hã i ndoon ne ger Krist al.

²¹ Ðuba oon dø ta loa, na i ndoon rota i kam Jejut.

²² Titbe, maj kad i nyan nyaðasï kï maði, ørrïn kõn de rosït kø; kïta kõn de'n non, ndï tuj kï døt døt kïta nyurkõg loa'n ndï goolïna.

²³ Maj kad i telïn kï kij kïtaagbe kam ngarkamsït kïkam ndilsït,

²⁴ i lan kij de rosït, kij de'n Luwah ndaha þakumta ron kam nyaðat kïdenesew kïkam nyaðat kïjaþat kïgo lo rotat.

²⁵ Kïtø 'nten kï i nyan ta keltakïbal, kï dekïðen el rota madþen, kïta jî nganro na.

²⁶ Îla i þan wong a ne, ot ðan majal, ot kadïn kàd ud dø wongt losï.

²⁷ Ot kadïn lo sitan.

²⁸ De'n ndï þoog a ne, kï nya ta þoog ta, na kï ørr ta ron kø balang, ða kïla kï jin, kad ngahn nya kï kad ðan kï de'n ndï nal.

²⁹ Kï ta mad kï koot tee tasït al, na kï elïn ta kïmaj, kï ndaa tot kad ða kï ngankõg kï dõ kam kadkamt lod, kad maj urrïn ngékoo dø.

³⁰ Ot kadïn kamkil Ndil kïkunjðang, Ndil Luwah'n ndahn kurro rosït tit nyakutdø be kad gerjïn ne ndø badøt.

³¹ Kï ørrïn halg 'nten tube densït kø: Kamkat bang, kumkilkirïr, wong, ndángro kï takïmal, nat kï ndàng tube.

³² Kï adïn kamsï ë kï na, adïn ta õ kamsï kïta na, i nyan go majal lo na tit'n Luwah nyan go majal losï kø kam Krist't ye ho.