Epesiag 3 - BIBLE MBAÏ 1980

Luwah la kïla la mber Hoita kïmaj ku degt'n în Juipg al ji Polt

¹ Kïtø 'nten mî Pol, mî dedangãi lo Krist Jeju, m'ndï m'elta kï Luwah kïtatøsï, îgïn în juipg al.

² M'oo tit oon hoi kïla'n maj urrïm ad Luwah la jimt kam ða majt lon kad m'ða kïgo køjðat lon kïtasï.

³ Luwah tee dø adïm ger køjða lon kï yaro. M'ndang tag døt kete ngonsî m'ad oon,

⁴ na lon i dan tag'n m'ndang nõ oon a ne, a asïn koo nyager lom'n m'ger dø takïmulndt'n øj dø Krist.

⁵ Kam kohgt kï maði Luwah tee dø takïmulnd'n non ad ngan deg madg gerïn al, na tajigla tee døa ad ngombangkïlag kïjaþat lo'n kï ngékelta kï ta'nt kad gerïn kïtakul Ndil'n.

⁶ Girr takïmulnd'n non la ten: Kïtakul Hoita kïmaj la girrdeg'n în Juipg al în ne ngégana kï Juipg dø nyamajgt'n Luwah ngom kïta deg lon, în ngan rog kam dãrot kïkïða'n non, în ngégana dø kunkøt kïkïða'n Luwah un kam Jeju Krist't.

⁷ M'tel ngelamber Hoita kïmaj'n non kïtakul kadkari'n Luwah adïm, kam ðamajt lon kïgo kïlaða tøg'nt.

⁸ Mî kï du tøi dekïdug tube ku degt kïjaþat lo Luwah, na Luwah adïm majkurr 'nten kad m'lamber Hoita kïmaj dø nyamajgt kï dumbit lo Krist, kï ro degt'n în Juipg al,

⁹ kï m'ad deg tube gerïn titbãi Luwah kï Ngendah nyag tube a ðan nya kïmund'n ngom ront loyarot maði nu.

¹⁰ Titbe tajigla kïtakul ngékawnatøg kõþeg kï tøgg kïkam dørãt dõ asïn ne ger terr lo Luwah'n ndï øj kï tïga kïgo ðob kïdangdang.

¹¹ Luwah ða titbe kïgo køjtat lon kï tokïnõt'n tøl kona kïtakul Jeju Krist kï Bïraþe loj.

¹² Kam Krist't kï ngah ðob kaw nderrbe ro Luwaht kï kam kï misïmisï kïtakul kada kamj.

¹³ Kïtø 'nten m'køsï kï ot kadïn rosï oi siw kïta kamkølg'n hã m'ndï m'ngah kïtasï, kamkølg'n non în nyakøsïgon kïtasï.

Krist tarj

¹⁴ Kïtø 'nten la m'ndï m'øsïn gojïm ber nõ Bøwt,

¹⁵ în girrkooj kïðen ndï ngah tø'n ko roat, kam dørãgt kï døning;

¹⁶ m'køa kad adsï tøg kïtakul Ndil'n, kïta køsïgon loa kï ngãi tøi, kad desï kï keme ngangïn,

¹⁷ kï ad Krist ndï kï ngarkamsït kïtakul kamsï'n adïna; ngïrasï kï bagirrsï tu în kï ðabijïr kam tart, titbe a i ngahn tøg,

¹⁸ kad asï gerïn ne, nat kï girrdeg kïjaþat lo Luwah tube, ði i tat tar lo Luwah, kï ngala, kï ngala kï dõ, kï koakïþing,

¹⁹ na kï i gerïn ne tar lo Krist'n tøi nyager tube kïtakad în ne kï ðoosï tap mbã kad i þankot kï nyamajg lo Luwah kïtaagbe.

²⁰ Kï køsïgon i kï dø Luwaht'n asï ða nya ngãi, kïtai nyag tube'n ndï kï ndïjea, tøi tagahj sãi, kï tøgïn ndï ðan kïla kamjt.

²¹ Kï køsïgon i kï døat kam ngékawnat kï kïkam Krist Jejut kï kohgt lo kohg mbãkïnõt. Amin.