Epesiag 2 - BIBLE MBAÏ 1980

Kaj kïtakul kamkë lo Luwah

¹ Na în, maði în deg kï koi kïta tøidøtag losï, kï majalg losï.

² Majalg'n non maði i ndian kamt kïgo bang duniat ngen ðan, i ndian girr tøg ngart kï tøg kõþe kï dõ kam nelt, i ndil'n ndï ða kïla tajigla kam degt kï ngétel rod gotat lo Luwah al.

³ Maði jî tube jî kudt ho, nyaðaj i kïgo nyurkõgt lo dãroj, kï ða nyag kïgo ndigt lo dãro, kï kïgo tagahjt, ad ji kij kï lo kooj'jt, jî ngan'g kï wong i døjt tit ndeg deg be.

⁴ Na Luwah i Ngekookumtondo kï dumbit, kïtatø tar kï ngãi'n ndï tarj nõ la,

⁵ lon jî kï koi kïta majalg loj ye, adj'n kumkajir kam Krist't. Kïtakul kamkë lo Luwah la ajsïn ne ye,

⁶ Luwah ad kï þai ku ngékoit nat kï Krist, na ad kï ndïber kam dørãt dõ kam Jeju Krist't.

⁷ Luwah ða titbe kïtakul kamkë lon kïtaj kam Jeju Krist't, kad, kam kohg'tn ndï ðen nõ, kï n'øjïn ðamaj lon kï ngãi tøi takøl'n ða sej kam Krist't.

⁸ Kïtakul kamkë lo Luwah la ajsïn ne kïtakul kadkamsï Krist ye. Kaj'n non i kokïrosït al, i kadkari lo Luwah.

⁹ I ngahn kaj kï lo kïlaðagt al, kïta de kï asï gaburo døt goto.

¹⁰ Kïtø Luwah la þaj ye; ndahj tø kïtakul Krist Jeju, kïtakad kï ða kïlag kïmajmaj, ad i kïlag'n Luwah kï døn ðago kete woi, kïtakad kï hø ða.

Ngékadkamd Krist în kïðabe kam Krist't

¹¹ Kïtø 'nten adïn kamsï gah dø tat 'nten: Maði în deg kï ngéger Luwah al kïgo dãrot, în deg'n juipg ndï kunsïn ngéjagaj al, kïta ndï kunïn rod ngéjagaj'n i gajkïja kam dãrot kï ji de.

¹² I gaan kamsï døt kad kaglot'n non, în kïkanj Krist, i ngahn lo ndïsï ku ngan ngéþet kï Israel al, în mbahg kam kunkøgt'n Luwah un ndïdøt, în kïkanj nya ndahkamdøt, kïkanj Luwah kam duniat.

¹³ Tajigla, kam Jeju Krist't, îgïn maði în sãi ye, telsïn nderrbe kïtakul mosï Krist.

¹⁴ I Krist la laj nooj nat, ad Juipg, kï îgïn în Juipg al telïn girrde kïkïðabe. Lon ad dãron koi ye, Jeju tet ndogbørr køsïnata kï ða mbïnadt.

¹⁵ Krist ørr mberkïnda kï ngan mþerg kïdangdang lo Juipg kø kïtakad juipg kï juipg al telïn girrde kï kij ho, girrde kïðabe nat sen ho, i titbe la ladïn nooj nat ye.

¹⁶ Kïtakul koia dø kagdost, Krist tujïn køsïnata'n to dandt; kïtakul kagdosï la Krist þoon girrdeg kï joo'n non nat kam dãrot kïkïðabe, na lad nooj nat kï Luwah.

¹⁷ Krist ðe lamber Hoita kïmaj kïta la nooj nat kï ro degt'n în Juipg al, kïta maði în sãi kï Luwah, na lambera kï ro Juipgt'n maði în nderrbe kï Luwah ho.

¹⁸ Kïtakul Krist la jîn tube, juipg ke juipg al j'asï ndøtïn kï ro Bøwt kam Ndilt kïkïðabe ye.

¹⁹ Kïtø 'nten îgïn în juipg al ye, în mbahg kï ngétøi kï njadõ al ta, na în girrdeg kïjaþat lo Luwah, în ngan ngéþeg.

²⁰ În kuj kï ndah dø bagirrat'n ngombangkïlag kï ngékelta kï ta Luwaht ndahn, na Jeju Krist kïþe kï ron i kuþïr mbal kï døkum kujt.

²¹ Îla ad kuj kï ndah kïtaagbe ndï ngang, na ada ndï þai kï dõ kï'n tel kuj ndub Luwah kïjaþat kam Bïraþet.

²² Kam ro kïkïðat nat kï Bïraþe tø, în kam kujt kï ndah ho, kad telsïn tube nat kï kïmadg kuj ndï Luwaht kïtakul Ndilïn.