Epesiag 1 - BIBLE MBAÏ 1980

Pol da ron, na ða lapia

¹ Mî Pol, ngombangkïla lo Jeju Krist kïtakul ndig lo Luwah, m'ndang maktub 'nten mad deg kïjaþatg, kï deg kïrog kam Jeju Krist't, ngendï þebot kï Epesï.

² Kï adsïn majkurr kï ndï lom ko ro Bøwjt, kï ko ro Bïraþet loj Jeju Krist.

Majkurrg'n Luwah adj kam Krist't

³ Ad kï j'øsïn gon Luwah kï Bøw Bïraþe loj Jeju Krist, Luwah la ad maj urrrj, kïmajkurr kïðen kïgo ndilt kam dørãt dõ kam Krist't.

⁴ Luwah køtj kam Krist't kete nõ lagirr døningt nu, kad kï jî deg kïjaþat kïkanj ta døjt nõat;

⁵ Luwah ndahj kete woi kam tart lon kad jî kumta nganïn kïtakul Jeju Krist, kïgo kamkët kï ndig lon,

⁶ kïta ndub, kï køsïgon, kïmajkurr loa'n adj ðan sej kari kï nõbe kam ngonïnt kï Ngetar lon.

⁷ Kamat jî kï badø kïtakul mosa, kï ngah nyàgo majalg loj, kïgo majkurrt loa kïtambuj.

⁸ Luwah ü majkurr'n non puki kï døjt kïtakul terrkam kïdangdang kï kumtøg;

⁹ ad kï ger ndig lon kïmund, køj ða kamnda loa'n î kïþe nda kamïnt kete,

¹⁰ kad'n ða døboi kaglogt; kad kaw nyag tube girr tøgt lo Ngar kïkïðabe: Krist nya nyag kï kam dørãgt kï kï døningt.

¹¹ Kam Krist't j'aj, kïta Luwah køtj kete kïgo køjðat lon, kïta Luwah a ða nyag tube tit'n øj ðan kï ndig lon, Luwah ndaj kete woi,

¹² kïtakad kï ndubïn, kï j'øsïgonïn, jîgïn kï nda kamj dø Krist't kete woi.

¹³ Kam Krist't tø la, oon dø ta kï rota, ad i Hoita Kïmaj'n ajsï ye, kamat þaitø la adïn ne kamsï Krist, na Luwah nda kurro mad rosït; ad i Ndil kïkunjðang. Ndil'n Luwah un kø'n kï n'adj,

¹⁴ Ndil kïkunjðang i nya hødø nyanduba'n Luwah un kø'n kï n'ad deg lon, na j'a kï ngah kaglot kï døboit'n Luwah a ban døj. Ad kï ndubïn Luwah kïta boa kï ngãi.

Pol elta kï Luwah kïta ngékadkamd Krist

¹⁵ Kïtø 'nten la mî kaa, lon m'oo hoi kadkamsï Bïraþe Jeju, kï hoi tar losï kïta deg kïjaþat lo Luwah tube ye,

¹⁶ m'nyànta ða mersi Luwah kïtatøsï al, lon m'ndï m'kun tøsï kam keltagt lom'n m'el kï Luwah.

¹⁷ Kad Luwah lo Bïraþe loj Jeju Krist, Bøw kï ngekøsïgon adsï ndil terr kad tee dø gera ad i gerïna jeje;

¹⁸ m'ndï m'kø Luwah kad ad kunja unj kumsï kï ngarkamsït, kad i gerïn nya ndahkamdøt'n kunsï kïta, kad i gerïn nyamajg lo køsïgon loa, kï nyamajg lo nyanduba'n Luwah ad i gan na døt kï deg lon kïjaþat.

¹⁹ Kad i gerïn tøg loa kïbo ngãi kïtøi'n ndï adj, kï ngang loa kï ngãi'n ndï ðan sej jî ngékada kamj. Tøg kïbo ngãi'n non, i tøg'n Luwah øj.

²⁰ Lon Luwah ðan kïla kam Krist't, lon ada þain ku ngékoit, na ada ndï kojikõnt dørãt dõ,

²¹ Luwah ndaha dõ dø bïradøgt, kï tøg kõþegt, kï tøgg kïngang, Krist i dø nyagt tube kam kaglot kï þone hã kïðabe al, na kam kaglot'n a ðe tø.

²² Luwah la nyag tube girr nja Krist't, ndaha ad i dõ dø nyagt tube, kad i dø Ngékawna.

²³ Ngékawna i dãro Krist, ro Krist kïtaagbe i kamat, ðoosï nyag tube, þa log tube kot kot.