Ejekel 2 - BIBLE MBAÏ 1980

Luwah la Ejekiel kïro Israelagt

¹ Elïm an: Ngon de, i ða dø njait na m'a m'eli ta.

² Lon ða elïm ta ye, ndil and kammt ad m'ða dø njamt, na m'oo dø ndia ða elïm ta.

³ Elïm an: Ngon de, m'lai kïro Israelagt, kïro girrdegt kï ngetaaðøø îgïn taamïn ðøø. În kï bøwdg ðan majal ndoormïm ne mbã þone.

⁴ În deg kï død ngang na ngarkamd kongkong. M'lai kïrodt na a i eld an: Titbe kel Bïraþe Luwah,

⁵ În tø, ke a oon dø, ke a oon dø al i girrdeg kï ngétaaðøø a gerïn ngekelta kïta Luwaht i dandt.

⁶ Na în, ngon de, ot þoold, ot þool tag lod, ke neni in ku kon'gt kï ngarrg na i ndï dan gînagt kaa ne ot þool ta lod, ot þool takumd kï to i girrdeg kï ngétaðøø.

⁷ A i eld tag lom, ke a oon dø, ke a oon dø al, kïta in ngétaðøø.

⁸ Na î, ngon de, oo dø nya'n m'ndï m'eli. Ot ton ro tit girrdeg kï ngétaðøø'n non. I tee tai, i sanya'n m'adi.

⁹ M'nøl lo na m'oo, ji mad i kï la kïdømt na maktub kïbir i kamt.

¹⁰ Tee maktub'n non la nomt na i kïndang kamt kï gidt. Tag kïndang kamt i ta nõ kï ndo kï hø kï kamkil.