Ejai 66 - BIBLE MBAÏ 1980

Takïgang lo Bïraþe kï majkurr loa kï a ðe dø Jerusalemt

¹ Titbe kel Bïraþe: Dørã i pong kõþe lom, døning i komber la njam, kuj kï ði a i ðan admïn, ke lokïðah a i lo taam kó a?

² Nyag'n non tube jim ðad, in lom, nyag'n non tube, kel Bïraþe. Oon, m'a m'ur kumm kï døat, de kï ngendo kï ndïnga ndo kam ndilnt, na roa ndad kïta þool ta lom.

³ De'n tøl bøw mang, a tøl de, de'n la bat kadkari kïjakø a ne, i tit ngetøl bisï, de la kadkari, na i mosï boor, de la horr nduj mbikám, na i kïta ðan yo. Deg'n non køtïn ðob lod kï køsï død, na ngahn ronel kam kïlaðadt kïyerr.

⁴ Mî tø m'a m'ad kamkøl kïdangdang so dødt, na m'a m'ad nyag kïkootþool teen dødt, kïta m'kund, na de mad kï tur goto, m'elta, na oon dø al, ðan nya kïmajal takummt, køtïn nya kï nelïm al.

⁵ Oon dø ta lo Bïraþe, in kï rosï ndad kïta þool kï i þoolïn ta loa: Ngankõsï ngékøsï ta lasïn kø kïta tøm anan: kï Bïraþe øj'j kunjïn kïðangereng kamla j'a j'oo ronel losï. Na deg'n non a in kï rosøl.

⁶ Kah kïse kï þai kam þebot, ndi ta mad tee kokam kuj ndub Luwaht. I ndi Bïraþe la ndï baji madngétantg ye.

⁷ Kete nõ to koojt, ooj. Kete lon tokooj ðaa al þaitø, ooj ngon kïdïngã.

⁸ Nõ oo dø ta kï titbe a? Nõ oo nyag kï titbe a? A oojïn døning mad ndøt kïkïða a? A oojïn girrdeg kooj kï nja kïða a? Kïtø þebo Siõ tõ kooj, tentenbe ooj ngan'g.

⁹ M'a m'ad kaglo kooj loa ðe, na m'a m'ada ooj al a? Kel Bïraþe. Mî'n m'ada ooj ye, m'a m'øga kooj a? Kel Luwah loi.

¹⁰ I ðan ronel nat kï Jerusalem, na i ðan kamnda kïtaa, in tube kï i tarïna. I ðan ronel kï kamnda nat sia, în tube kï i høn ndøa,

¹¹ kïtakad ilïn mbaa i ndanïn kï mba sølkam loa, kïtakad ãin ngãi, na i ðan ronel dø sølkamt loa kï ðosï lo tap.

¹² Kïtø titbe kel Bïraþe: Oon, m'a m'ad lapia aw døat tit man bah be, na nyamajg lo girrdeg kïdangdang tø tit man bah kï õ tøi dø kongïr be. A ilïn mbaa, a usïsï kadïnt, na a lasï dø bingïnt.

¹³ Tit de kï kõa a søl kama, titbe tø la m'a m'sølïn kamsï ye, na a søl kamsï Jerusalemt.

¹⁴ A oon, a in kï ronel kamsït, kïngasï a i tit mu kïmbool be, na tøg ji Bïraþe a ad i gerïna kïtakul þerg lon, wong a ðaa dø madngétaat.

¹⁵ Kïtø oon. Bïraþe a ðe kam horrt, pusïðøøg loa tø titïn kï nélbarwãi, wong loa tïngabil, na nyandàng loa i nat kï ndõhorr.

¹⁶ Bïraþe a gangta kïtakul horr, kïtakul kiyaðøø lon la a gang'n ta dø degt tube ye, kïtalg lo Bïraþe a în ngãibe tø.

¹⁷ Îgïn ndï telïn rod kïjaþat't, ndï arïn rod, awïn go þakumta yo mad kam ndøøgt, kad san dã boor, kï nyag kïyerr, kï yegg. A nujïn kø ta kïðabe, kel Bïraþe.

¹⁸ M'ger kïlaðad kï tagahd. Kaglo ndï ðe kïta kaw girrdeg tube kï taþeg kïdangdang kïnat, a ðe oon kunjïm kïðangereng.

¹⁹ M'a m'ndah nyakøj mad kudt. Na m'a m'la ndegd kï ajin kï ro girrdegt kïdangdang, ad i Tarsis, kï Pul, kï Lud, ngékur kïrã dø gãt, kï Tubal kï Jaban, kï doorg kïsãisãi, îgïn oon kah tøm kï ko al, ke oon kunjïm kïðangereng nja kïða al. A lan mber tøm kï ku girrdegt kïdangdang.

²⁰ A ðen kï ngankõsï ku girrdegt kïdangdang tube, kadkarit kï la kad Bïraþe. A ðen dø sïndagt, kï pusïg, kï tipoig, kï dø korrogt kï dø lukumgt mbã kï dø mbalbot lom kïjaþat kï Jerusalem kel Bïraþe, tit'n Israelag a ðen ne kï kadkari nduj kam jot kïkar nyang kuju lo Bïraþe ye be.

²¹ Mî tø m'a mørr kïmadg dandt kad in ngéjamosï kadkarig, kï Lebiag, kel Bïraþe.

²² Kïtø tit in dørã kïkij kï døning kïkij kï m'a m'ða a ton kïnomt godt, kel Bïraþe, titbe tø kohsï kï tøsï a ton mbãkïnõt.

²³ Kij nah kï kij nah mad, ndø taakò kï ndø taakò mad, deg tube a ðe øsïn død ber nomt, kel Bïraþe.

²⁴ Lon a teen kïtïga, a oon nin deg kï taamïn ðøø, kïded a oin al, horr lod a oi al tø. Deg tube a unïn kumd kø dødt kïta in kïyerr.