Ejai 65 - BIBLE MBAÏ 1980

Takïgang dø ngétaðøøt

¹ Mî kï sah ro degt kï ndïjemïn al, na ngé kï sahmïn al, m'nyà m'ad ngahmïn. M'el m'an: Aa Mî ne, mî ne. Ro girrdegt'n ko kunïn ne tøm al.

² M'la jim kïndøgbe, kï ro degt kï ngétaðøø, kï ro ngéndia go ðobt kïmajal kïgo kamndigt lod.

³ Deg'n non søkïmïn kïndøgbe takummt, jan mosï kadkarig kam ndøøgt, lan horr nduj mbikám dø dïngïr brikt.

⁴ Høn londï døþadgt, þin bulombalgt, san dã boor, na tã kïyerr i kam jogt lod.

⁵ Anan: I ða kïgog nõ. Ot ðe nderrbe romt kïta m'a m'teli kïjaþat. Nyag'n non in tit sahorr kam kõnïmt, in tit horr kï ndï õ kïndøgndøg.

⁶ Oon, ta 'nten i kïndang nomt. M'a m'ndï tam mbo al, mbã kad m'nda ngïra, kamtã, m'a m'nda ngïra dødt,

⁷ kïta ðagootalg losï kï ðagootalg lo bøwsïg tu, kel Bïraþe, îgïn lan horr nduj mbikám dø mbalbogt na elïn takïmal dømt dø doorlogt. M'a m'mbøj nyabaji kï asï ta kïlaðadg kïmaði.

⁸ Titbe kel Bïraþe: Lon man nduu kïkij i bïranduut, a elïn anan: Ot tuja, kïta majkurr i kamt. Titbe la m'a m'ðan kïta þerg lom, kad m'nujd tube al.

⁹ M'a m'ad ngaka teen ko girr Jakobt, ngékõnduba mbalbog lom tø ko girr Judat. Kïmbedg lom a taan døning nyakagþet, þerg lom a ndïnt.

¹⁰ Dïlalo kï Sarõ a i losanya lo þut batg, na hoollo kï Akør a i loto þut mangg, kïta deg lom îgïn sahn gom.

¹¹ Na in kï i nyan Bïraþe kø, in kï kamsï oi dø mbalbot lon kïjaþat, ngéðago table sanya kïta yo nõkar ngeðoosï kop kï kasïnduu kï burna adïn yo ndõtee.

¹² Mi m'a m'ndasï kïta kiyaðøø. A øsïn gojsï ningt tube kad jan køsï kïta m'kunsï, na i turïn al, m'elta, na oon dø al. I ðan nya kïmajal takummt, i køtïn nya kï nelïm al.

¹³ Kïtø 'nten titbe kel Bïraþe Luwah: Oon þerg lom a san nya, na in a i ndïn kïþo. Oon þerg lom a ãin man, na kïnda a õsï. Oon þerg lom a ðan ronel, na in a in kï rosøl.

¹⁴ Oon, þerg lom a øsïn pa kïta ronel kïkamdt, na in, a i nõn kïta kamkil, a i tõ ðusïðusï kïta kamsï kïtuj.

¹⁵ A i nyan tøsï kad i nya kïndøl kï ro kïmbedgt lom, kïta Bïraþe Luwah a tølsï, na a ndah tø þerg lon kï tø mad kïðang.

¹⁶ De kï ndïg kad maj urrïn døningt 'nten a ne, a ndïg majkurr kokïro Luwaht ngerota, na de'n a nda yo døningt 'nten a ne, a nda yo kïta Luwah ngerota, kïta kamd a oi dø daiyogt kïmaði, a in kïyaro takummt tø.

Dørã kïkij kï døning kïkij

¹⁷ Kïtø oon m'a m'ndah dørã kïkij kï døning kïkij, a gan dø nyagt kï tøi maði gog al ta, na a in kam tagahsït gog al tø.

¹⁸ Na i ronel kï kamnda kïmbãkïnõt dø nyat kï m'a m'ndaah. Kïta oon m'a m'ndah Jerusalem kad i nyakamnda, deg loa tø kad in nyaronel.

¹⁹ M'a m'ða kamnda kïta Jerusalem, na m'a m'ða ronel dø degt lom. A oon dø kah ndi nõ, ke ko kïta kamkøl gog al ta.

²⁰ Lot'n non ngon kïkasï ke de kï tøg þuga kïkad tølkon ndøn al goto, kïta ngon a oi kï þal kï asï þu na ngeðamajal kï ða þal þu a ne, a i kï ndøl.

²¹ A ðan kujg, a ndïnt, a høn nduu kam ndøøgt, a san kanda.

²² A ðan kuj kad de kïðang ndït al, a høn nya kad de kïðang sa kanda al tø, kïta ndøg lo deg lom a in tit ndøg lo kag, na kïmbedg lom a ðan ronel dø kïlaða jid ndøg ngãibe.

²³ A ðan kïla kari kïndang al, a oojïn ngan'g kïtakad tuj a tee dødt al, kïta a in girrdeg kï ngémajkurr lo Bïraþe na ngandg a în nat sed.

²⁴ Kete lon kon al þaitø, m'a m'turd, lon ndï elïn ta þaitø a ne, m'a m'oo dø.

²⁵ Bisïkolo kï ngon bat a san nya nat, tubo a sa mu tit bøw mang be, li a sa buning. A ðan nya kï to, ke a tujïn nya al dø mbalbot lom kïjaþat kïtaagbe. Kel Bïraþe.