Ejai 61 - BIBLE MBAÏ 1980

Hoita kïmaj dø kaj Jerusalemt

¹ Ndil Bïraþe Luwah i dømt kïta Bïraþe wurïm, kï m'la mber hoita kïmaj ngéndog; lam kï m'yoot ngékamkøl, kï m'la mber taa nya dõ lo deg'n hønd, kï m'la mber kørr de dangãig,

² kï m'la mber þal kamkë lo Bïraþe, kï ndø ndangïra lo Luwah loj, kad søl kam ngéhøndo tube;

³ kïta kad ngéhøndo kam þebot kï Siõ nyapare dø gan goot buhorr, kï yib ronel ga goot ndo kï hø, kï kub ndub ga goot ro kï koi yelel, kïtakad a kunïnd kag dilg kïdenesew, in Bïraþe hød kad ngahn tøko.

⁴ A ðan gootþeg kï tuj maði gog, a ðan gootþeg kï tet maði dõ gog, a tel ðan gootþebog kï kij gog, ad i þebog kï tujïnd kohgt kï kohg.

⁵ Mbahg a ðan lot'n non, a ngomïn þut nyakulg losï. Ngan mbahg a in ngéndøøg losï, kï ngékoogo dînduug losï.

⁶ Na in, a kunsïn ngéjamosïkad karig lo Bïraþe, a ndan tøsï ngékïlaþerg lo Luwah loj. A i san nyamajg lo girrdeg kïdangdang, a i gan buro dø nyagaburot lod.

⁷ A i ngahn gajnya dønat joo got rosølt losï, a i ngahn ronel dø gajnyat losï got tøsït kïtuj. Kïtø 'nten la a ngahn ne gajnya losï dønat joo kam døningt losï, na ronel losï a tokïnõt.

⁸ Kïtø mî Bïraþe, m'ndig nyaða kïgoðobat, m'mbet þoog kï nyaða kïgootal. M'a m'ad'd nyabajid kïgo nyaðamt kïro, m'a m'un køm sed kï kunkø kï tokïnõt.

⁹ A gerïn kohd ku girrdegt kïdangdang, kï ngakad ku degt tø. Tubeg'n a ond a gerïnd, in girrdeg kï Bïraþe njang død.

¹⁰ M'a m'ða ronel ãã, m'a m'ða ronel, kïta Bïraþe, ndilïm ða ronel kïta Luwah, kïta ut døm kï kub nyaða kïdenesew Pare rom kï kub ða denesew, tit dekïdë kï a pare ron kï medkøsïg kïta ta ngaw kij be.

¹¹ Tit'n døning a ad kumnya þa'n, na tit'n ndøø a ad kumnya kï dub kamt þa ye, titbe tø Bïraþe Luwah a ad denesew kï ndub þa kï køsïgon takum girrdegt kïdangdang tube.