Ejai 60 - BIBLE MBAÏ 1980

Tøko kï a ðe dø Jerusalemt

¹ I þai dõ, unj kïta kunj loi ðe. Kunj Bïraþe kïðangereng unj døit.

² Oo til a ut døning, til diw kïrir, a ut dø girrdeg kïdangdang, na Bïraþe a þai døit dõ. A oon kunja kïðangereng døit.

³ Girrdeg kïdangdang a ðen kam kunjit, na ngarg a ðen kam nyënr kunjit.

⁴ Un kumi kï dõ i nølïn lo gug døi. A kawïn na tube ðen roit. Ngani kïdïngãg a ðen ko sãi, a ton ngani kïdë jidt ðen sed.

⁵ Kamla a oo, na a i unj ðang, ronel a tøsï kami mbukïmbukï, kïta nyag kï ton mbuj kï tond dø bahbot a telïn loi, nyamajg lo girrdeg kïdangdang a ðen roit tø.

⁶ Lukum koosïg a utïn døning loi kï lukumg kï Madiã kï Epa. Ngé kï Saba tube a ðen, a ton l'ør kï nduj kam kï kootmbî, a lan mber kïlaða Bïraþe kï asï kad deg ndubïna ne.

⁷ Þut nyakulg lo Kedarg tube a kawïn na roit, bal batg lo Nebajotg a în nya ða kïla loi, a awïn ne dø dïngïrt lom kad i nya kï m'ndig døt, m'a m'la køsïgon dø kuj køsïgont lom.

⁸ Îgïn awïn be tit kilndii ke tit derr kï ðen ta kuj ndïdt ye, in nõg a?

⁹ Kïtø doorg a ndan kamd dømt, na toog kï þebo Tarsis in kete nõdt. A ðen kï ngani ko sãi, kï l'arjã kï l'ør lod, kïta tø Bïraþe Luwah loi kï Ngekunjðang kï nge Israel kï ngekøsïgoni.

¹⁰ Nbahg a ðan ndogbørrg loi gog, ngarg lod a ðan kïlaþer adïn kïta m'ndai kï wong lom, na kïgo ndigt lom la m'oon kumtondo loi ye.

¹¹ Tabitg loi a ðan tag kïndøgndog, a utïn kàda ke ndø al, kïtakad andïn goit kï nyamajg lo girrdeg kïdangdang nat kï ngarg lod.

¹² Kïtø girrdeg ke kõþe kï a ðan kïlaþer adïn al a ne, a nujïna a nujïn girrdeg kïdangdang'n non kø.

¹³ Nyatøko lo døning Libã a ðe þe loi, ad i kag sipres, kï kag yida, kï kag warïm nat tube, kad ðan ne lo lom kïjaþat; m'a m'ad lo nda njam i lo kïmaj dum.

¹⁴ Ngan'g lo deg'n ðan sei nya kï lo ngetøgt, a lan død ber nõit, na ngékïdig tube a øsïn død ber njait A kunïn þebo lo Bïraþe, Siõ lo Ngekunjðang lo Israel.

¹⁵ Ke neni în nya kï la kø kï køsïta, na de tee roit al kaa, m'a m'teli nya kïmajkoo dum mbãkïnõt, kï nyaronel kï ro ngakat kï ngaka.

¹⁶ A il mba girrdeg kïdangdang; a i taa nyamajg lo ngarg titbe tø. A i ger mî Bïraþe Ngekaj, kï Ngebadøi, Ngetøg lo Jakob.

¹⁷ M'a m'ad l'ør ðe gagoot ningakasï, m'a m'ad l'arjã ðe gagoot hand, kï nïngakasï ga goot kag, kï hand gagoot mbalg. M'a m'ad lapia i ngekõþe, na ngegangta i denesew.

¹⁸ A oon dø ta lo nyaða kï lo ngetøgt kam døningt loi gog al, ke tel gootþe, ke nuj kam døningt loi. A i ndah tø ndogbørrg loi kaj, na tabitg loi tød i Ndub tø ho.

¹⁹ Kàd a i kunj loi lokïkàda gog al ta, nah a ndah døit gog al tø, na Bïraþe a i kunj loi kïmbãkïnõt, Luwah loi a i nyatøko loi.

²⁰ Kàd loi a ud gog al ta, nah loi a diw til gog al tø, kïta Bïraþe a i kunj loi mbãkïnõt, na ndø høndo loi a tïga.

²¹ Deg loi tube a în deg kïdenesew, døning a i lod mbãkïnõt. In non la i døji kag kï m'høa ye, i kïlaða jim kad m'ngah'n tøko.

²² De kïdu a tel kïdub, na kïdu tøi a i girrdeg kï dum dakørd. Mî Bïraþe, m'a m'ad ða nya 'nten kanang kï døkag loa.