Ejai 2 - BIBLE MBAÏ 1980

Bïraþe a õþe dø døningt kïtaagbe kï lapia

¹ Ta'n Esai ngon Amots oo dø Judat kï Jerusalem laten:

² Kaglo mad a ðe nõ, kam ndøgt kïdøboit mbalbo'n kuj lo Bïraþe ða døt, a ngal tøi tasom mbalbog tube, a tøi doorlog. Girrdeg kïdangdang tube a awïn kïroat.

³ Koosïdeg a awïn, a elïn anan: I ðen, ad j'awïn mbalbot lo Bïraþe, j'awïn kuju lo Luwah lo Jakob, kïtakad ndooj goðobg lon, kad kï ndia dø ðobgt loa. Kïtø nyandoo a tee ko þebot kï Siõ, ta lo Bïraþe a tee ko Jerusalemt.

⁴ A gangta ku girrdegt kïdangdang, a i ngekoogo ta lo girrdeg ngãibe. A øin kiyaðøøg lod, a hon køsï ndøøt, nïngag lod tø, a ðand ngoronggt, girrdeg madg a øin kiyaðøøg ðøøn ne girrdeg madg al, nëbe kïnõt a ndoon ðøø al.

Bïraþe a gangta dø ngédøngangt

⁵ Ngékïþe lo Jakob, i ðen, ad kï ndian kam kunjt lo Bïraþe.

⁶ Kïtø i nya deg loi kø, ad i þe lo Jakob, kïta ðoosïn kï mboolig kï ðen ko loþakàdt, in ngéndõteeg tit Pilistiag be, na lan kød nat kï mbahg tø.

⁷ Døning lod ðoosï kï l'arjã kï l'ør, nyamajg lod dum tïda. Døning lod ðoosï kï sïndag, pusïg lod tø dum tïda.

⁸ Døning lod ðoosï kï yog, øsïn død ber nõ kïlaða jidt, kï nõ nyat kï ngan jid ða.

⁹ Titbe deg a lan død kïber, a sølïd død tø. Ot nyàgo majal lod kø.

¹⁰ I ya roi kam mbalgt, i yaroi kam buningt, nõ nyat kïkootþool lo Bïraþe kï nõ nyër majt loa kïtaitøi tø.

¹¹ De'n þa tan kïdõ, Bïraþe a la døa kïber, a søl dø ngédøngang tø. Ndøt'n non Bïraþe kïkïðanbe la a i kï tøi kïdõ ye.

¹² Kïtø ndø lo Bïraþe Ngekoosïg a ðe dø ngédønganggt, kï ngeþa tad kïdõ, kï de kïðen kï ngetøi døn kïdõ, kad la døa kïber.

¹³ Kï dø kag sedrigt kïngal kïðõ, kï døning Libãt, kï dø kag dilgt kï døning Basan,

¹⁴ kï dø mbalbogt kïngal tube, kï dø doorlogt kïngal tube,

¹⁵ kï dø kuj ngomdøþet kïngal kïðen, kï dø ndogbørrt kïngang kïðen,

¹⁶ kï dø too kïbogt tube kï Tarsis, kï dø toogt kïmajkoo.

¹⁷ De kï ngeþa tan kïdõ, Bïraþe a la døa kïber, a søl dø ngedøngang tø. Ndøt'n non Bïraþe kïkïðanbe la a i kï tøi kïdõ ye.

¹⁸ Yog tube a goton.

¹⁹ Deg a andïn bulombalgt kï þegangg kï døningt kad kï n'ãin na ta wongt kïtootþool lo Bïraþe, kï nõ nyër majt loa kïtaitøi, lon a þai kad kï n'nda ngéndï døningt þoolt.

²⁰ Na yo l'arjãg kï yo l'ørg in deg ðand kï n'øsïn død ber nõdt, ndøt'n non a tïland kø adïn yegg kï dowg.

²¹ A andïn bulombalgt kï mbïna mbalgt kï riya, kad kï n'ãin nõ wongt kïtootþool lo Bïraþe, kï kï nõ nyër majt loa kïtaitøi, lon a þai kad kï n'nda ngéndï døningt þoolt.

²² I nyan ta þakul de'n a taakò kï kõnïn, kïta ndaa i ði a?