Ejai 10 - BIBLE MBAÏ 1980

Wong lo Bïraþe kïdø Israelgt

¹ Beto lo ngénda mber kïgoðobat al, kï ngéndang maktub mberkïndag kïgootal,

² kïta mbetïn gangta lo de kïdangtg goðobat, kïta taan nya lo ngéndog ku degt lom, tirïn nyag lo ngéngawkoig, taan nyag lo ngan halg kï lo ngetøgt.

³ A i ðan ði ndø gangtat, lon nelndii a þai ko sãi a? A awïn ro nõt kad i ngahn ngeðasesï a? A i þon nyangah losï ðah a?

⁴ Nya mad kï a i ðan goto, na a i ðugïn ber nat kï îgïn hønd dangait, na tuson ku ngékoit be kaa wong lo Bïraþe duba al, na jia ða kïdõ þaitø.

Bïraþe a nda øj Israelag kï ji Asiriag

⁵ Þebo lo Ngar kï Asiri, i gølkøp wong lom. Kag kï jiat i wong lom kïtalsøkïr.

⁶ M'a m'laa kad ðøø kï girrdeg, kï ngéða nya kïgo lo Luwaht al. M'a m'ndaa mber kad ðøø kï deg'n wong lom i dødt, kad tïr nyag lod pur, kad bad kïber mbujmbuj tit børr kïdø ðobt be.

⁷ Na nda kamïnt titbe al, gah døt al tø. Tagaha i nuj nya, nuj girrdeg kïdangdang ngãibe kø.

⁸ Kïtø el an: Kïbog lom tube în ngarg ale?

⁹ Þebo Kalno i tit þebo Karkemis ale? Ke Hamat i tit þebo Arpad, ke Samari i tit Damasï ale?

¹⁰ Î la jia taa kõþe lo yog, kï þakumta nyag lod kïtasï tøin ngé kï Jerusalem kï ngé kï Samari,

¹¹ M'a m'ða titbe kï Jerusalem kï yog loa al e? M'a m'ða titbe kï Samari kï yog loa ale?

¹² Na lon Bïraþe a tølkon kïla lon tube dø mbalbot kï Siõ kï Jerusalem ye, a nda ngar kï Asiri kïta døngang loa, kï burokïga loa, kï taa kï þa kïðõ.

¹³ Kïtø el an: Kïtakul tøg jim la m'ðan ye, kïtakul terr lom kïta mî ngegoosï, m'tuj kï ðobnin'g lo girrdeg kïdangdang, m'tir nyamajg lod pur, Tit gõðøø, m'tøsï ngarg ngéndï dø pong kõþegt m'tïlad

¹⁴ Jim hø nyamajg lo deg tit hø kuj yel. Tit nde a øin kaw kï nya kø, m'a m'kaw ngéndï døningt kïtaagbe kïnat, na de kïða kï a yee bøgïn, ke tee tan kon goto.

¹⁵ Kïnga a gaburo dø det'n gan nya a? Si a tøi ron kïdõ dø det'n a jan nya a? Tit golkøp a yeen ngekunïn, tit kag a ød ron ji det'n ða una be a?

¹⁶ Kïtø 'nten Bïraþe, Bïraþe Ngetøg tube a la nyem ku deg kï mongt. Girr kunjat kïðangereng nya mad ndu õ tit horr õn be.

¹⁷ Kunj Israel a tel horr na Ngekunjðang loa a tel horr kï a õ nyag, a õ kon'g, kï ngarrg mugj ndø kïðabe.

¹⁸ Bïraþe a tuj maj lo kagg loa kïkam kút kï ndøø kï tee kï nya ngãi, ro kï dãro tu. A i tit ngeroto kï roa lo haw.

¹⁹ Ndeg kagg loa kïkam kút a i tëbe, ad ngon kïdu kaa, asï da kørd tube.

Ta lo ndeg Israelag kï nãin

²⁰ Ndøt'n non ndeg Israelag kï ngékïþe lo Jakob kï nãin kï død dõ ye, a ndïnan rod kad ngendadt gog al ta, na a ndïnan rod kad Bïraþet, kad ngékunjðangt kï Israel.

²¹ Ndegag kï nãin a telïn kï ro Luwaht kï Ngetøg.

²² Israel, ke deg loi in tit ngar kï bahbokat't, ndegag koon la a telïn ye. Nujkø i kïnda mbera kete woi, a da deg ða denesew lo Luwah.

²³ Kïtø nujkø kï nda mbera kete woi, Bïraþe, Luwah Ngetøg tube a tøl kõna kam døningt kïtaagbe.

²⁴ Kïtø 'nten kel Bïraþe, Luwah Ngetøg tube: A, Deg lom ngéndï Siõ, ot þoolïn Asiriag lon ndasïn kï gølkøp, na unïn kag kïdøsït tit'n Ejiptiag ðan ne maði.

²⁵ Kïtø nãi kaglo të þaitø, wong lom kïtalsøkïr døit a tïga, na wong lom a tel kïdødt, a nujd kø.

²⁶ Bïraþe Ngekoosïg a þai kï ndeh kad ndadïn tit'n nda'n Madiag mbal Orebt be, na a un gølkøp lon kïdø bahbot, tit'n ðan døning Ejipt.

²⁷ Ndøt'n non a unïn nyato loa kïkøi bøgsït kø, na jug loa kï køsït a tet kø.

Ngéðøøg kï Asiri ndï ðen

²⁸ Ngar kï Asiri tee Ajat, tøi Migron, ndah nyag lon Mikmas.

²⁹ Ngéðøøg loa gangïn mbïna mbalbog, ton Geba ndø. Deg kï Ramat ndadïn. Deg kï Gibea lo Sawl ãina.

³⁰ Kon kï ndid kïbo, þebo Galim. In ngéndï Lais, oon dø.

³¹ Bebo losï in deg kï Anatot, ngé kï Madmena ãina. Ngéndï Gebim sun lui.

³² Na ndøt'n non dïban Nob, Lan jid ndoorïn ne mbalbo, lo ngon kïdë kï Sion, doorlo kï Jerusalem.

³³ Oon Bïraþe Luwah, Luwah Ngetøg tube a ga døji kagg gang kï lo ngetøgt, kag kïngalg a gangd kø, kï tøi kïdõ a tetd kïber.

³⁴ A gang lo kïnder kïkam kut kï kïnga, na døning Libã a so girr ji ngetøgt.