Deteronom 6 - BIBLE MBAÏ 1980

Mberkïnda i kïta majkurr

¹ Igïn ten la in ndikung, kï mberkïndag kï tagkïgang'n Bïraþe Luwah losï ndam mbera kad m'ndoosï kad i ðan goot kam døningt'n i ndï awïnt kad i taan nyakagþet,

² kad i þool Bïraþe Luwah loi kï i ngomgo mberkïndag loa kï ndikung loa tube'n m'ndai mbera ndø ndit kï dø dõ tube kïtakad ndøig în ngãi, în kï ngoni kï ngon ngoni.

³ Oo dø, Israel, oo go roi maj kad i hø ða kïtakad maj urrsï kad i bïlan kïdøtdøt tit'n Bïraþe Luwah lo bøwig unïn køn ad kam døningt'n mba kï tej ndï nünt.

Ngékooj ngan'g a ndoond mberkïnda lo Bïraþe

⁴ Oo dø, Israel, Bïraþe Luwah loj i Bïraþe kïkïðabe.

⁵ A i tar Bïraþe Luwah loi kï ngarkami tube kï roi tube kï tøgi tube.

⁶ Tag 'nten, m'eli þone a in ngarkamit,

⁷ A i ndoo nganig tag 'nten kï rotîi, a eltag 'nten lon i ndï kam kujt loi, lon i ndia dø ðobt, lon i to ber, ke lon i þai dõ.

⁸ A i nyakøj jiit kï nya kï dø nat nõit mbïna kumit.

⁹ A i ndangd dø kag ta kujt loi kï kag ta ndogt loi.

Maj kad kam Israel oi dø Luwaht al

¹⁰ Lon Bïraþe Luwah loi a adi and kam døningt, kï unïn køn kï yokïnda ad Abraham kï Isaak kï Jakob, kï n'adi, a i taa þeg kïbobo kï kïmajmaj'n i ndah al bat,

¹¹ kï kujg kï ðoosïn kï nyamaj kïðen'n i ndahdt al, kï bulomang'n i kï kun kï urd al, kï dînduug kï kag olibieg'n i hød al, Lon i sa na i ndan a ne,

¹² oo go roi maj, na þeta kami oi dø Bïraþe loi'n tee sei kam døning Ejipt't kïtïga kokam þe þert.

¹³ A i þool Bïraþe Luwah loi, a i ða kïlaþer ada, a i nda yo kï tøa.

¹⁴ Ot kawïn go luwahgt kïðang ku luwahgt lo girrdeg kïdangdang'n ndïn gugïn døsï,

¹⁵ kïta Bïraþe Luwah loi in i dansït i Luwah kï Ngejàng, na þeta wong lo Bïraþe kïtïngabil so døit kad nuji kø døningt.

¹⁶ Ot nán Bïraþe Luwah losï tit'n i nána ne, lot kï Masa.

¹⁷ A i ngomïn go mberkïnda lo Bïraþe Luwah losï kï najkïmag loa kï mberkïndag loa în ndasï mbera.

¹⁸ A i ða nya'n i kïgoðobat kï kïmaj takum Bïraþet, kïtakad maj urri na kï i taa døning kïmaj'n Bïraþe ndan yo ad bøwig kï n'ad'd nyakagþet,

¹⁹ got'n tuþa madngétaig tube nõit tit'n elïn.

²⁰ Ndø mad lon ngoni a ndïjei an: Najkïmag kï mberkïndag kï tagkïgang 'nten in Bïraþe Luwah loj ndasï mbera ye girra i ði a?

²¹ A el ngoni an: Maði jî þerg lo Paraõ kam døning Ejipt't, na Bïraþe tee sej kø kam Ejipt't kïtakul tøg jin.

²² Bïraþe ða nyakøjg, kï kïlag kï yaya kïbobe, kï nyag kïkootþool kïdø Paraõt kï ngékïþe loa tube.

²³ Tee sej kø lot'n non kï n'aw sej kam døning'n ndan yo kï n'ad bøwjg.

²⁴ Bïraþe ndaj mbera kad kï ða kïgo tagt 'nten tube, kad kï þool Luwah loj kïtakad maj urrj kïndøgndøg kad ngomj kï dø dõ tit'n ðan mbã þone.

²⁵ A i denesew loj îla kï hø ðago mberkïndag tube nõ Bïraþe Luwaht loj tit'n ndajïn mbera.