Deteronom 31 - BIBLE MBAÏ 1980

¹ Moij aw eltag 'nten kï Israelag tube an:

² Þone m'ða þal þu kï døjoo, nëbe kï nõt m'asï tee ho kand ho al, na Bïraþe elïm an: A i gang bah Jurrdë'n ðan al.

³ Bïraþe Luwah loi kï døn a gang bah nõit, a nuj girrdeg'n non nõit kad i taa lo lod, na Jojue a ndia nõit tit'n Bïraþe elïn.

⁴ Bïraþe a ða kï girrdeg'n non tit'n ða kï ngar kï Sihõ kï Og ngar lo Amoriag'n nujd kï døning lod.

⁵ Bïraþe a lad jisït kad i ðan sed kïgo tat'n m'ndasï mbera.

⁶ Iren kamsï, i høn tøgsï bá, ot þoolïn, ot kad kïngasa gasï kïtatød, kïta Bïraþe Luwah loi kï døn a ndia nat sei, a nyài kïnõbe al, a lai kø al tø.

⁷ Moij kun Jojue ela ta nõ Israelagt tube an: Ire kami, i høtøgibá, îla a ad'd taan døning'n non nyakagþet ye.

⁸ Bïraþe kïdøn a ndia nõit, î kïþe kïdøn a i nat sei, a nyài kïnõbe al, lai kø al tø. Ot þool, ot kad kami gang man.

Køj kïta da mberkïnda

⁹ Moij ndang mberkïnda 'nten kam maktubt, na la ji Lebiagt ngéjamosï'n ton sund kunkø lo Bïraþe, kï kïbog tube lo Israel.

¹⁰ Moij ndad mber an: Døboi þal kïtanãimïta kïðen, kaglo þal taanyadõt, kaglo ða nah kujkámt,

¹¹ lon Israelag tube a ðen kï nõ Bïraþe Luwaht loi kam lot'n køt a ne, a i da mberkïnda 'nten nõ Israelgt tube kad oon maj.

¹² A i kaw deg tube kï nat, kïdïngãg kï kïdëg, ngan'g kïmbah ngéndï kam þet loi, kad i oon dø, na i ndoon þool Bïraþe Luwah losï, kï ngomïn go, na høn ða got tagt tube lo mberkïnda 'nten.

¹³ Ngandg'n gerïn al a oon dø, a ndoon þool Bïraþe Luwah losï kaglo tube kï a i ndïn ne kï døsï dõ kam døningt kï a i taan nyakagþe got'n i gangïn ne bah Jurrdë woi.

Israel a nya Bïraþe kø

¹⁴ Bïraþe el Moij an: Oo ndø koii i nderrbe. I kun Jojue, na awïn kam kujkub ndødnat kïtakad m'ndaa mber tag lom. Moij kï Jojue awïn kam kujkub ndødnat,

¹⁵ na Bïraþe tee kam kujkubt kam pilie kilndiit, na pilie kïndiit duba tabit kujkubt.

¹⁶ Bïraþe el Moij an: Oo, a i to nat kï bøwig na deg'n ðan a þain kad ðan kaya kï luwahg kï mbahg kam døningt'n i ndï andïnt. A nyàmïn kø, na a gangïn na kï kunkø'n m'un sed.

¹⁷ Ndøt'n non wong lom kï tïngabil a þai so dødt, m'a m'ya takum kø rodt. A sand na nya kï majal kïdangdang kï kamkølg a ðen dødt mbã a elïn ndøt'n non anan: Nya kï majal 'nten a ðen døjt kïta Luwah loj goto denjt, titbe ale?

¹⁸ Ndøt'n non m'a m'þø takumm rodt kø rota, kïtø majal tube'n kï ðan kïta awïn go Luwahgt kïðang.

¹⁹ Tajigla i ndangïn pa 'nten kad ndoon Israelag, i nda pa 'nten tadt kïtakad tel nya manaj lom kïdø Israelagt.

²⁰ Kïtø lon m'and sed woi kam døningt'n m'unïn køm kï yokïnda m'ad bøwdg kï m'ad'd døning'n mba kï tej nünt, a san a ndenïn, rod a bo mbulmbul, kamla a tel awïn go luwaht kïðang, ðan þer lod. A kidmïn na a gangïn na kï kunkø lom.

²¹ Kamla lon nyag kï majal kï kamkølg son dødt ngãibe son dødt pa 'nten a i nyamnaj kï dødt (pa 'nten a to ta ngakadt kad kamd oi dø al) kïta m'ger køjtaða lod'n ndï øjïn þone, kete lon m'and sed kam døningt al þaitø, døning'n munïn køm kï yo kïnda kï m'ad'd.

²² Titbe Moij ndang pa 'nten ndøt'n non na ndoo Israelag.

²³ Bïraþe ndamber Jojue ngon Nun an: Ire kami, i høtøgibá, kïta î la a and kï Israelag kam døning'n m'unïn kø kï yokïnda kï m'ad'd na m'a mî nat sei nat.

²⁴ Lon Moij tïga tag lo mberkïnda 'nten kam maktub kïtaagbe ye,

²⁵ Moij ndah Lebiag ngéto sund kunkø lo Bïraþe an:

²⁶ Unïn maktub mberrkïnda 'nten, i lan kad sund kunkøt lo Bïraþe Luwah losï kad i nya manaj døsït nu,

²⁷ kïta m'ger taaðøø loi kï døngang loi. Îla i taaðøø Bïraþe lon mî'n kï døm dõ kusït þaitø a ne, dø koimt a to titbãi a?

²⁸ I kawïn bïrabøwg lo girrdeg losï tube kï romt kï mbaiþe losï kad m'eltag 'nten kï mbidt, na m'a m'un kumm dørãt kïdøning kad în ngémanaj dødt,

²⁹ kïtam'ger go koimt a ne, a i tujïn rosï, a i tøn ðob'n m'ndasï mbera, na majal a ngahsï kam ndøgt kï a ðen kïta ðan majal takum Bïraþet kad i søkïna kïtakul kïlaða jisï.

³⁰ Kamla Moij eltag kï kam pat 'nten kï mbi ngékawnat lo Israel.