Deteronom 30 - BIBLE MBAÏ 1980

Majkurr a ðe go tørrndit

¹ Lon nyag 'nten tube a teen døit, majkurr kï ndøl'n nda nõit, îla i ga kami dø tat 'nten ku girrdegt'n m'tuþai dandt,

² îla i tel kï ro Bïraþe Luwaht loi, na i tel roi go tat loa kï ngarkami tube, î kï nganig, go nyag tube'n m'ndai mbera þone a ne,

³ Bïraþe loi a tel sei þert, a oo kumtondo loi, a tel kawi kïnat ku girrdegt tube'n Bïraþe Luwah tïnda tîd kudt.

⁴ Ke deg loi'n tïnda tînd mbã døngoi dørãt kaa, nu la Bïraþe Luwah loi a kawsï kïnat, ko nu tø a ørrsï ðe sesï.

⁵ Bïraþe Luwah loi a ðe sesï kam døningt'n bøwsïg taan kad i taan ho. A ða sei maj, na a adi i bïla kïdøtdøt mbã tøi bøwig.

⁶ Bïraþe Luwah loi a ar ngarkami kï ngarkam ngakai kad i tar Bïraþe Luwah loi kï ngarkami tube kï roi tube'n i ndïn kï døi dõ.

⁷ Bïraþe Luwah loi ad ndølg'n non tube son dø madngétaigt'n øsin ta, na dan roi ndo.

⁸ Na î, a i tel roi go ndi tat lo Bïraþe gog, a i ða kïgo mberkïndat loa tube'n m'ndasï þone.

⁹ Bïraþe Luwah loi a ad maj urri kï dumbit dø kïlaða jiit tube kï ngan kami kï ngan nyaklug loi kï kand døning loi kïta Bïraþe a ða ronel gog dø majkurr loi tit'n ðan ronel kï bøwi kï maði,

¹⁰ îla i tel roi go ndï tat lo Bïraþe Luwah loi, i ngomgo mberkïndag loa kï takï gang loa'n ndangïn taa kam maktub mberkïndat 'nten, îla i tel kï ro Bïraþe Luwaht loi kï ngarkami tube kï roi tube.

Ta i roit nderrbe

¹¹ Mberkïnda'n m'ndï ndai þone, a tøi tøgi al, i sãi sei al tø.

¹² I kam dørã al kad el an: Nõ a aw dørã kad ðe sia rojt, kad j'oo dø na kï ðagoot a?

¹³ I gid bahbot al tø kad el an: Nõ a gang bahbo kad ðe sia rojt j'oo taa, na kï ðagoot a?

¹⁴ Ta i roit nderrbe, ta i kam tait, i ngarkamit kad i hø ðagoot. I køt kumkajir.

I køt kumkajir

¹⁵ Oo, þone m'nda kumkajir kï majkurr kï koi kïndøl nõit.

¹⁶ M'ndai mber þone kad i tar Bïraþe Luwah loi, i ndia kï go ðobgt loa, i ngomgo ndikung, kï mberkïndag loa, kï tagkïgang loa kïtakad i ndïn kï døi dõ, i bïla kï døtdøt, na kï Bïraþe loi ad maj urri kam døningt'n i ndï andt kïta taa nyakagþet.

¹⁷ Na îla ngarkami nyàgoa, ad oo dø ta loa al, ad de mad gooli mbã øsï døi ber nõi yogt, i ða þer lod,

¹⁸ m'elsï m'tøsï wakïsï, rota a i nujïn, a i ða ndø ngãi døningt'n i ndï gangïn bah Jurrdë kïta kandt kad i taan.

¹⁹ Þone m'kun dørã kï døning kad manaj døsït, m'ndah kumkajir kï koi ho, m'ndah majkurr kï ndøl ho nõit. I køt kumkajir kad i ndïn kï døi dõ, în kï ngakai,

²⁰ kad i tar Bïraþe Luwah loi, i tel roi go ndï tat loa, i tïnyan na sia. Kïtø telrogotat'n non i kumkajir loi, kï ndøig kïngãi. Titbe la a asïn ndïn kam døningt'n Bïraþe un køn kï'n ad bøwig: Abraham, Isaak kï Jakob.