Deteronom 28 - BIBLE MBAÏ 1980

Majkurrrg kïdø telrogotat

¹ Îla i tel roi go ndï tat lo Bïraþe Luwah loi ad i ngomgo mberkïndag loa tube'n m'ndai mbera þone a ne, Bïraþe Luwah loi a tøii kïdõ dø girrdegt kïdõingt tube.

² Majkurrrg 'nten tube a ðen døit na a în gáj loi îla i tel roi go ndï tat lo Bïraþe Luwah loi.

³ Maj a urri kam þet, maj a urri kam ndøøt.

⁴ Maj a urr ngan kami kï kand døning loi kï þut nyakulg loi, ngan mangg loi kï ngan batg loi.

⁵ Majkurrr a i dø jangt loi kï bi kusï nduj loi.

⁶ Maj a urri dø telit kï þe, na maj a urri dø teeit kïtïga.

⁷ Bïraþe a adi tetðøø madngétai îgïn a þain kï ðøø kïdøit. Îla ðen kï ðob kïða, þet a ãin na nõit kï ðob tanãimïta.

⁸ Bïraþe a ndamber majkurr døit dø damgt loi kï dø kïlaða jii tube, na a ad maj urri kam døning'n Bïraþe Luwah loi ndï adi.

⁹ Bïraþe a adi ngàng ngang kad i girrdeg kïjaþat kïta ðøøn tit'n ndan yo adi, îla i ngomgo mberkïndag lo Bïraþe Luwah loi na i ndia go ðobgt loa.

¹⁰ Girrdeg tube kï døningt a gerïn ta kad Bïraþe ndahsï køt ko kïða kïta ða kïlaþer kadïn, na a þoolïn.

¹¹ Bïraþe a ad majkurr to mbuj kïdøit kï dø ngan kamit, kï þut nyakulg loi kï kand døning loi kam døning'n Bïraþe ndan yo ad bøwig kï n'adi.

¹² Bïraþe a tee longom nyamajg lon kï dørãt adi kï n'ad man ndii ed døningt loi døkagat kad njangïn døi kam kïlaða jiit tube. Girrdeg kïdangdang a taan nyatïna jiit na in, a I tïnad nya al.

¹³ Bïraþe a ndai kad î dø na þong al. Kïndøgbe a aw kïdõ, na a i tel kïber al, îla i tel roi go mberkïndagt lo Bïraþe Luwah loi'n m'ndai mbera þone na i ngom god maj kad i hø ðagoot.

¹⁴ Îla i tø kokõ, ke kogel al dø tagt'n m'ndai mbera þone, kad i aw go luwahgt kïðang, kad i ða þer lod.

Kand majal lo telrogotat al

¹⁵ Na îla i tel roi go ndï tat lo Bïraþe Luwah loi al, i ngomgo mberkïndag loa kï tagkïgang loa'n m'ndai mbera þone al a ne, oo maj, ndølg'n non tube a son døit, a dan kumi ndo.

¹⁶ A î, kïndøl kam þet, a î kï ndøl kam ndøøt.

¹⁷ Ndøl a i dø jangt loi kï dø bit loi.

¹⁸ Ndøl a i dø ngan kamit kï kand døning loi kï ngan mangg loi kï ngan batg loi.

¹⁹ Ndøl a i dø telit kï þe, ndøl a i dø teeit kïtïga.

²⁰ Bïraþe a la kï ndøl kï rondad kï ndang kïdøit kï dø kïlaða jiit tube kad i tuj kï nuj kø tentenbe kïta kïlaðai kïmajal, na kïta i nya Bïraþe kø.

²¹ Bïraþe a ad yokoosï nyàgoi al mbã kad i goto kam døningt'n i ndï awt kad i taa nyakagþet.

²² Bïraþe a ndai kï mõi kesï mosï kï døga kï roti kï ro kïtïngabil kï laa kï mõi kï tøl nyako kï turo kï ho kum nyako kad ndulon goi mbã i nuj.

²³ Dørã kïdõ døit a tel tit ningakasï be na døning'n to girr njait a i tit hand be.

²⁴ Bïraþe a ad ndii kï ed døningt loi, i tit buning be, a so døit kø dõ dørãt mbã nuj kø.

²⁵ Bïraþe a ad madngétai teetin ðøø, a i tee ndød'd kï ðob kïða, na a tee ãin nõdt kï ðob tanãimïta. A î nyakøsïta kïro kõþegt tube kï døningt.

²⁶ Nini a tel nyasa lo yelg kïdõ kï dãg kïmut, na de mad kïta tuþad kø goto.

²⁷ Bïraþe a ndai kï ngawg kï Ejipt't kï dobaig kï ngok kï ngorwoi kï i a asï yoot al.

²⁸ Bïraþe a ndai kï mõi nyahan kï mundo kï dø kïtel wãri.

²⁹ A i mom lo dan kada tit de kïmundo a momïn lo kam lo kïdiwt. Maj a uri dø kïlaðait al, a dan kumi ndo, a tirïn nyag loi pur kïndøgndøg, na de mad kï ngeðasei goto.

³⁰ A i hø dø dekïdë, na de kïðang a taa. A i ða kuj, na a i andt al. A i hø ndøø nduu, na a i ja kanda al.

³¹ A jan kø mang loi takumit, na a i sa dana al, deg a høn korro loi kïlo ngetøgt takumit, na a telïn sia adin al, a adïn batg loi magngetai, na de mad kï ngeðasei goto.

³² A lan ngani kïdïngã kï kïdë ji girrdegt kïðang, ndø kïðen a i ur kumi kïgodt, kumi a meh na jii a asï ða nya mad al.

³³ Girrdeg kï i ger kete al, a sa kand døning loi kï kand kïla loi, a dan kumi ndo, a rigjin døi kï ndøgndøg.

³⁴ Mbã nya a hani kïta nyag kï kumi oo.

³⁵ Bïraþe a ndai kï ngawg kïmajal kï a asï yoot al, døgojt kï dø bingit, mba girra danjait mbã kï dandøit.

³⁶ Bïraþe a aw sei, î kï ngar loi kï i ndaa døit, kïro girrdegt'n i gerd kete al, î ke bøwig. Nu la a i ða kïlaþer ad yo kagg kï mbalg ye.

³⁷ A î nya kïya kï nyakid kï nya godøt kïro girrdegt tube'n Bïraþe a aw sei rodt.

³⁸ A i dub kumnya ngãi kam ndøøt loi, na a teet tëbe kïta kïbetg a nujïna kø.

³⁹ A i hø nduu, a i ndøø kama, na a ãi mana al, a i ja kanda al tø, kïta kurg a san.

⁴⁰ Kag olibieg a în ngãibe kam døningt loi, na a wur roi kï yiba al, kïta kand kag olibieg loi a urïn kø.

⁴¹ A i ooj ngan kïdïngã kï kïdëg, na a în kï loi al, kïta a awïn sed þert.

⁴² Kïbetg a san kand kagg kï kand nyag tube 'nten døningt loi.

⁴³ Mbah'n ndï þe loi a aw kïtag kïndøgndøg na î tøgi, a i tel kï ber kïndøgndøg.

⁴⁴ A i tïna nya jiat, na a tïna nya jiit al, a i dø, na a in þonga.

⁴⁵ Ndølg'n non tube a ðen døit, a tuþan goi mbã dan kumi ndo kad i tuj kø, kïta i tel roi go ndï tat lo Bïraþe Luwah loi al, na i ngomgo mberkïndag kï tagkïgang în ndai mbera al.

⁴⁶ Ndølg'n non a ton døit kï ngakai tit nyakøj kï nya kïyaya mbãkïnõt.

⁴⁷ I ða kïlaþer ad Bïraþe Luwah loi kï ronel kï kamnda al kïta nyag loi kï ton mbuj

⁴⁸ Kïtø 'nten a i ða þer lo madngétaig'n Bïraþe a lad døit kï þoo kï kïnda man kï ro kï kari kï nal nya kïðen. A la jug hand køit mbã kad i nuj kø.

Girrdeg mad a ðe tuj Israel

⁴⁹ Bïraþe a ad girrdeg mad þai ko sãi døngoi døningt so døit kanangbe tit kuro be, girrdeg'n i ger ta þe loa al,

⁵⁰ girrdeg'n takuma ngang in a øsïgon de kïtag al, a oo kumtondo lo ngon al tø.

⁵¹ A san ngan nyakulg loi kï kand døning loi mbã tujin, ad þoo a tølsï, a nyan nyako, ke man nduu, ke yib, ke ngan mangg loi kï ngan batg loi al mbã kad nujin kø.

⁵² A lan na gugïn dø þeg loi mbã kad ndogbørr ngomdøbe loi kïngal kï kïngang so, îgïn i þakuld. Ã a lan'na gugïn dø þeg loi tube kam døningt loi tube kï Bïraþe Luwah loi adi.

⁵³ Dø ndøt'n madngétaig a gugïn døi, a ðan sei nyakïto ye, a i sa ngan'g kï teen kamit, dan ngani kïdïngã kï kïdë'n Bïraþe Luwah loi adi.

⁵⁴ Dekïdïngã mad kusït kï i de kïsøl kï hal kïsayelel kaa, a oo kumtondo lo ngonkõn al, ke nën kï ngetar lon, ke ngonïn kïdøboit kï nãi roat.

⁵⁵ A ndig al kad n'ad kïkïða kudt dan nganïn'n ndï sa kïta nyasaa kïðang goto kam daiyot kï kamkøl lon madngétasï gugïn døsï gej kam þegt losï tube.

⁵⁶ Dekïdë mad kusït kï mand ngãi, kï hal kïsayelel kïtai'n a asï nda danjan ningt al kïta roa kïsøl kï hala kïsayelel, a oo kumtondo lo ngawïn ngetar lon al, ke ngonïn kïdïngã ke kïdë.

⁵⁷ Ke koi kï tee kamat kï ngana kï oojd kaa ne, a sad gid tilt kïta nyag kï nal kam daiyot kï kamkøl lon madngétasï gugïn døsï gej kam þegt losï tube.

⁵⁸ Îla oo go roi maj, i hø ðago tag tube lo mberkïnda 'nten in ndangïn kam maktubt 'nten kïtakad i þool tø kïko kï kïkootþool 'nten, ad i tø Bïraþe Luwah loi, al a ne,

⁵⁹ Bïraþe a ndai, î kï ngani, kï yokoosï kïyaya, yokoosï kïngang kï to kaglo ngãi kï mõig kï to ngãi kaglo ngãi tø.

⁶⁰ A ad yokoosï tube kï Ejipt't ðen kï døit, îgïn i þoold, a høin sem.

⁶¹ Kïtøi 'nten mõig kïdangdang kï yokoosïg'n ndangïn kam maktub mberkïnda 'nten, Bïraþe a la kïdøit mbã kad i goto.

⁶² Ke neni î ngãibe tit kïmëg kïdørãt kaa ne, a nãi tëbe kïta i tel roi go ndï tat lo Bïraþe Luwah loi al.

Bïraþe a tïnda Israel tî ku girrdegt kïdangdang

⁶³ Tit'n Bïraþe ðan ronel sesï kï n'øjsï kamkë kad i bïlan ngãi ye, titbe tø la Bïraþe a ðan ronel kï n'nujsï kad i goton. A netsï rup kø døningt'n i ndï awïnt kïta taa nyakagþet.

⁶⁴ Bïraþe a tïndai tîi ku girrdegt tube kø døngoi døningt kïmad mbã kï kïmadt, nu la a i ða þer lo luwahg'n în kï bøwig gerïnd al, ad i yo kagg kï mbalg.

⁶⁵ A i ngah kamkïsokïber ku girrdegt'n non al, danjai a ngah lo taakò al tø. Nu la Bïraþe a ad kami dai ta paa, a ad kumi më; a ad roi oi siw.

⁶⁶ Kami a ða bisïsï lo ndiit kïdø dõ, þool a ðai ndø ho kàda ho, kami a dai tapa dø jindiit.

⁶⁷ Kisî a i el an: Kad lo søl dømt, na lokïsøle a el an: Kad loti dømt kïta þool'n ðoosï kami kï kïta nyag kï ood kï kumi.

⁶⁸ Bïraþe a tel sei kï Ejipt't gog kï tø, ðob'n m'eli taa kete m'an: A ooa gog al. Nu la a i sahn ðob ndugo rosï kï nyambøj tit þerg kïdïngã kï kïdë, na de kï a ndugosï goto.

⁶⁹ Tag 'nten la în tag kï kam kunkøt'n Bïraþe un sed ngan Israelg kam døningt kï Moab, na nda mbera Moij, ndad mber dø kunkøt'n un sed dø mbalt kï Horeb.