Deteronom 27 - BIBLE MBAÏ 1980

Dïngïr dø mbalbot kï Ebal

¹ Moij kï kïbog lo Israel elïn deg anan: I ngomïn go mberkïndag tube'n m'ndasï þone.

² Lon i gangïn bah Jurrdë oi kad andïn kam døningt'n Bïraþe Luwah loi ndï adi ye, øi mbalg kïbobo i ndad dønat kïdõ na i ða horr rodt.

³ A i ndang tag tube lo mberkïnda 'nten dø mbalgt lon i gangïn bah Jurrdë kï andïn kam døningt'n Bïraþe Luwah loi ndï adi. I døning'n mbà kï tej nünt tit'n Bïraþe Luwah loi unïn køn ad bøwig.

⁴ Lon i gangïn bah Jurrdë woi, a i ndahn mbalg 'nten dø mbalbot kï Ebal kïgo tat'n m'ndï m'ndai mbera þone, i ða horr rodt.

⁵ Nu la a i ða dïngïr ad Bïraþe Luwah loi, dïngïr mbal kï hand øda al.

⁶ A i nda dïngïr ad Bïraþe Luwah loi kï mbalg kïkanj tøsï na a i la kadkarig kïlahorrt dø dïngïrt'n non ad Bïraþe Luwah loi.

⁷ A i lad kadkarigt kï kad kamsøllom na nu la a i sanya, a i ða ronel nõ Bïraþe Luwaht loi.

⁸ Dø mbalgt'n ðan a i ja tag tube lo mberkïnda 'nten, a i jad dodo.

⁹ Moij kï Lebiag ngéjanyamosï elïn ta kï Israel tube anan: Oo Israel, i ndï tai mbo, i nel mbii oon dø. Þone i tel girrdeg lo Bïraþe Luwah loi.

¹⁰ Kïtø 'nten a i tel roi go ndï tat lo Bïraþe Luwah loi, a i ngomgo mberkïndag loa kï tagkïgangg loa'n m'ndai mbera þone.

¹¹ Ndøat'n non la Moij ndamber deg an:

¹² Lon i gangïn bah Jurrdë oi a ne, Simeõ, Lebi, Juda, Isakar, Jojep kï Benjamin a ðà dø mbalbot kï Garijimt kïta njang dø deg

¹³ na Rubë, Gad, Aser, Jabulõ, Dan kï Neptali a ðà dø mbalbot kï Ebal kïta ndøl.

Ndølg kïkïlah gidaijoo

¹⁴ Lebiag a elïn ta kï Israelag tube kï ndid kïbo anan:

¹⁵ Ndøl i dø det kï ngetøsï þakumtanya ke ngenyë þakumtanya, i nya kïyerr ro Bïraþet i kïlaða ji de kï ngegoosï ða kïla, na ndøl i dø det'n uda kam lot kïyaro. Deg tube a elïn anan: Ã, i titbe.

¹⁶ Ndøl i dø det'n kid bøwïn kï kõn. Deg tube a elïn anan: Ã, i titbe.

¹⁷ Ndøl i dø det'n ndøt kï kag ðobnin lo madþen. Deg tube a elïn anan: Ã, i titbe.

¹⁸ Ndøl i dø det'n ørr mundo laa mut. Deg tube a elïn anan: Ã, i titbe.

¹⁹ Ndøl i dø det'n tuj takïgang lo mbah kï ngonhal kï ngengawkoi. Deg tube a elïn anan: Ã, i titbe.

²⁰ Ndøl i dø det'n to kï nëe bøwïn kïta ørr kub ro bøwïnt. Deg tube a elïn anan: Ã i titbe.

²¹ Ndol i dø det'n to kï dan kï ði. Deg tube a elïn anan: Ã i tltbe.

²² Ndøl i dø det'n to kï kõnanïn ad i ngonkooj bøwïn ke ngonkooj kõn. Deg tube a lïn anan: Ã i titbe.

²³ Ndøl i dø det'n to kï mumïn. Deg tube a elïn anan: Ã, i titbe.

²⁴ Ndøl i dø det'n tøl madþen gid tilt. Deg tube a elïn anan: Ã i titbe.

²⁵ Ndøl i dø det'n taa kadkari kï n'tølïn de kïdenesew. Deg tube a elïn anan: Ã i titbe.

²⁶ Ndøl i dø det'n ngomgo mberkïndag 'nten al, hø ðagoot al tø. Deg tube a elïn anan: Ã i titbe.