Deteronom 26 - BIBLE MBAÏ 1980

Kadkari kand kïdasa

¹ Lon and kam døningt'n Bïraþe Luwah loi ndï adi nyandubat kad i taa nyakagþet na i ndït,

² a øi kand kïdasa tube kï tee døningt'n a i teet kam døningt'n Bïraþe Luwah loi ndï adi, a ü kam jangt awïn lot'n Bïraþe Luwah a køt kad nda tøn døt.

³ A aw ro ngejanya mosït'n ndï ða kïla ndøgt'n non, a ela an: Þone m'ndï m'el Bïraþe Luwah loi kad m'and kam døningt'n Bïraþe ndã yo ad bøwjg kï n'adj.

⁴ Kamla ngejanyamosï a taa jàng jiit ndah nõ dïngïrt lo Bïraþe Luwah loi.

⁵ A un ta el nõ Bïraþe Luwaht loi an: Bøwm i Aramia ngekaw kï njan dõ. Aw Ejipt't nat kï deg tëbe na ndï mbah tit. Nu la tel girrdeg kïbo kïtag ngãi kï koosïg.

⁶ Ejiptiag ðajïn taakò, dan kumji ndo na ndan kïlaþerr kï ngang døjt.

⁷ Kamla kï ko kïdø Bïraþe Luwaht lo bøwjg. Bïraþe oo dø ndiji, oo dangt loj kï kïlaþer loj kï daiyog loj.

⁸ Na Bïraþe tee sej Ejipt't kïtïga kï ji kïtag kï ji kïla kïdõ kï þool kïbobe kï nyakøjg kï nyag kï yaya.

⁹ Ðe sej kam lot'n ðan, adj døning'n ðan, døning'n mbà kï tej nünt.

¹⁰ Oo, tajigla m'ðe kï kand kïdasa lo døning'n î Bïraþe, i adïm. A i ndaa kïnõ Bïraþe Luwaht loi na a i øsï døi ber nõ Bïraþe Luwaht loi.

¹¹ Gog got a i ða ronel nat kï nyamajg tube kï Bïraþe adi kï ngékïþe loi, î kï Lebia kï mbah îgïn ndïn roit.

Kad gaj kïða kam kï kïlaht kam þalt kïkõmïta

¹² Lon a ørr gáj kïða ku kïkïlaht lo kand nyag loi oi kam þalt kïkõmïta, ad i þal kørr gáj kïða ku kï kïlaht ye, a ad Lebia kï mbah kï ngonhal kï ngengawkoi san kam þegt loi ad ndenïn.

¹³ Kamla a el kï nõ Bïraþe Luwaht loi an: M'øi nyag kï ndah køtkokïða kam kujt lom m'ad Lebia kï mbah kï ngonhal kï ngengawkoi kïgo tagt kï i ndam mbera. M'tøi dø ke kamm oi dø kïkïða ku mberkïndagt loi al.

¹⁴ Kaglo høndo lom, m'sanya mad kïða al. Lon mî kïyerr ye, m'un nya mad kamt al, m'ad nya mad kïta ngekoi al, m'tel rom go ndï tat lo Bïraþe Luwah lom, m'ða kïgo nyagt tube'n ndam mbera:

¹⁵ I nøl lo ko londït kïkunjðang kïdõ, i njang dø deg loi Israel kï døning'n i adj tit'n i ndan yo ad bøwjg, døning'n mba kï tej nünt.

Israel i girrdeg lo Luwah

¹⁶ Þone Bïraþe Luwah loi ndai mber kad i ðago mberkïndag tagkïgang 'nten, a i ngomd kad i hø ða kï ngarkami tube kï roi tube.

¹⁷ Þone i un køi ad Bïraþe kad i Luwah loi kïtakad i ndia go ðobgt loa kï ngomgo mberkïndag loa kï komandïmãg loa kï tagkïgang loa kad i tel roi go ndï tat loa.

¹⁸ Þone Bïraþe manaj kad în deg lon kïkøsïdøn tit'n elïn. A i ngomgo mberkïndag loa tube

¹⁹ kïtakad tøi i kïdõ dø girrdegt tube'n ndahd kï køsïgon kï tøko kïmaj kïtaitøi kad in girrdeg kïjaþat kïta Bïraþe Luwah loi tit'n elïn.