Deteronom 25 - BIBLE MBAÏ 1980

Mberkïndah dø nda det kï ndeh

¹ Lon Deg joo gakïn na, na ðen lo gangtat, ngegangta a ørrïn ta dø det'n ta loa goto, na a gangïn ta dø det'n ta høa.

² Îla de kï ngeðamajal'n non asï nda kï ndeh a ne, ngegangta a laa ningt nõnt, ndaa asï go majal loa'n ða nõ.

³ Ngegangta a ndaa kï ndeh nja døsøø, na kï tøi døsøø al, na þeta ndaa ngãi kïtaidø, ad ngonkõi nõ tel nya kïkid takum koosïgt.

⁴ A i la kïðund ta mangt kï ngeþa nyako al.

Ta lo de'n oi kanj kooj ngon

⁵ Moij el an: Lon ngankõnag joo ndïn nat, na kïkïða kudt oi kïkanj ngon ye, nëa a taa de kïðang al, na ngonkõ ngawa la a taa gan goot ngonkõn ye.

⁶ Ngon kïdïngã kïdasa'n a ooja ye, a nda tø ngonkõn'n oi døat kïtakad tøa goto kam Israelt al.

⁷ Îla ngonkõa gee taa dekïdë'n non al a ne, dekïdë a aw ro kïbogt ta tabit, a el an: Ngonkõ ngawïm ndig ndah tø ngonkõn kam Israelt al, ndig ða sem nya kïgoðobat lo ngonkõ ngawïm al.

⁸ Kamla kïbog kï þebot loa a kunïna, a elïna ta. Îla hø bá kïdøt na an: M'a m'taa nëmt al

⁹ kamla në ngonkõa a aw roat nõ kïbogt, a ørr sanjant, na a tiw horr takumat. Dekïdë a ela an: Titbe la a ðan ne kï de'n ndig nda koh ngonkõn al.

¹⁰ Labekïnõt kam døning Israelt a kunïn tø de'n non anan: Kuj lo de'n ørrïn sanjaat.

Nyaða kïgoðobatal

¹¹ Moij el an: Lon dekïdïngãg joo ða ðøøn na a ne, na îla në kïkïða ðe kad ða kï ngawïn ørra ji det kï ngendaa na la jin høn nombaa a ne,

¹² a i gang ji dekïdë'n non kø. Kï kanj kookumtondo loa.

Ða gat kï goot

¹³ Ot kaw kï mbal mbøj nya joo, kïbo kï kïdu, kam þølt loi.

¹⁴ Ot kaw kï ngo tørr nya joo, kïbo kï kïdu, kam kujt loi.

¹⁵ A în kï nyakøj nya kïjeje kï kïgoðobat, a în kï kïlo tørr nya kïjeje kï kïgoðobat, kïtakad ndøig în ne ngãi kam døningt'n Bïraþe Luwah loi ndï adi.

¹⁶ Kïtø dekïðen'n ða nyag 'nten, ad i dekïðen'n ða nya kïlo ndokumt, i nya kïyerr kïro Bïraþe Luwaht loi.

Takïgang dø Amalek

¹⁷ Moij el an: I ga kami dø nyat'n Amalekagt ðan sei dø ðobt, lon i teen kø døning Ejipt't.

¹⁸ Lon ndødïn dø ðobt, so dø degt'n tøgd goto, îgïn ndian goit lon kør ðain ad tøgi goto, na þool Luwah al.

¹⁹ Got'n Bïraþe Luwah loi ug ørri ji madngétait'n gugïn døi tube ad i taakò kam døningt'n Bïraþe Luwah loi ndï adi nyanduba kï nyakagþet, ot kad kami oi dø nyat 'nten a i tølïn Amalekag tube kïtatøkad de ga kamïn dødt al.