Deteronom 24 - BIBLE MBAÏ 1980

Ta dø maktub tuþa dekïdë

¹ Moij el an: Îla de mad taa dekïdë nënt, na îla dekïdë'n non nela al kïta ngah nya mad kïgootal roat, a ndang maktub tuþa ada jiat, na a tuþaa kø kuj lon.

² Dekïdë'n non a tee aw, na a asï tel në dekïdïngã mad kïðang,

³ na îla ngaw'n taa gog nõ, oo nya mad kï gootal roat, na ndang maktub tuþa ada jiat, tuþan kuj lon, ke ngawa kï gog'n non oi,

⁴ kamla ngawa kïdasa a asï tel sia kïront gog al, kïta dekïdë'n non tel kïyerr kïtatøa woi, kïta i nya kïyerr takum Bïraþet. Ot ðen majal dø døning'n Bïraþe Luwah loi ndï adi nyandubat.

Kookumtondo lo deg madg

⁵ Îla de mad taa dekïdë kij a ne, a aw ta ðøøt al, a adïna kïla mad kad ða al. A ndï þe lon asï þal kïða nat kï nën.

⁶ Moij el an: A i taa mþal kusïnya nyako kïbo ke kïdu girr nya tïna nyat al, kïta i kumkajir lo de'n i taa nyatïna nyat.

⁷ Moij el tø an: Îla i ngahn de mad in þoog kïkïða ku ngankõn Israelagt, na ðaa þert ke ndugoa kø, a tølïn ngeþoog'n non. Titbe a i ørr nyaða kïmajal kø dansït.

⁸ Oo go roi maj dø mõi banjt kïtakad i ngomïn go nyag tube Lebiag ngéjanyamosï a ndoosïn. Oon maj kad i ðan go mberkïndag'n m'ad'd.

⁹ I ga kami dø nyat'n Bïraþe Luwah loi ða kï Mari dø ðobt lon i teen ko Ejipt't kïtïga.

Ða kï deg kï tõg

¹⁰ Moij el an: Nya kïðen'n i ad madþei kïlo tïnat a ne, ot kand kuj loa kun nya loa mad girr nyatïnat'n ada nõ.

¹¹ A i ða tïga ad de'n taa nya jiit un nya'n i tïna nõ ðen tïga adi.

¹² Îla de'n non i ngéndo a ne, nya loa'n tïnai nõ, ot nya kad loti døt.

¹³ A i tel ada kete nõ kudkàdt kïtakad to kam kubt lon, na a njang døi, a i nyaða kïdenesew loi nõ Bïraþe Luwaht loi.

¹⁴ Ot da kum ngeða kïla nar'n i ngendo kï dangt, ke i kïkïða ku ngankõigt, ke i mbah'n hølondït þe loi kam døningt loi.

¹⁵ A i ada nyabaji loa kete nõ kudkàdt kïta i ngendo, na nda kamïn døt. Be al a ne, a ko kïdø Bïraþet ad tel majal kïdøit.

Ta lo mbah, ngonhal kï ngengawkoi

¹⁶ A tølïn bøwg kïtø majal lo ngan'g al, a tølïn ngan'g kïtø majal lo bøwg al tø. Dekïðen, a tølïna kïtø majal loa kïkøsïdøa.

¹⁷ A i tuj takïgang lo mbah ke ngonhal al, a i ta kub lo ngengawkoi'n tïnai nya al.

¹⁸ I gah døt kïta maði î þer kam døning Ejipt't, na Bïraþe Luwah loi badøi. Kïtø 'nten la m'ndai mber kad i tel roi go mberkïndat 'nten.

¹⁹ Lon i ða nyako kam ndøøt loi, na kami oi dø singa nyako kam ndøøt a ne, a i tel kïta kun al. Singa'n non a i lo mbah ke ngonhal, ke ngengawkoi kïtakad Bïraþe Luwah loi ad maj urri kam kïlaða jiit tube.

²⁰ Lon i nda kand kag olibie loi a ne, ot tel kaw sah ndega kïnãi døjiagt. I kïta mbah kï ngonhal kï ngengawkoi.

²¹ Lon i ja kand nduu loi a ne, ot þur goota kïnãi. I kïta mbah kï ngonhal kï ngengawkoi.

²² I gah døt kïta maði î þer kam døning Ejipt't. Kïtø 'nten la m'ndai mber kad i ho ða titbe ho.