Deteronom 12 - BIBLE MBAÏ 1980

Dïngïr kadkari a i kïðabedo

¹ Îgïn ten la in mberkïndag kï tagkïgang'n a i ngomïn go na a i høn ðagoot kam døningt'n Bïraþe Luwah lo bøwsïg ndï adsï nyakagþet ndøg tube kï i a ndïn ne kï døsï dõ.

² A i nujïn log tube'n girrdeg'n a i taan døning lod ðan þer lo luwahg lod tit, ke dõ dø mbalbogt, ke dø doorlogt, ke girr kag kïmþool kïðen.

³ A i tøn dïngïrg lod, a i tetïn nyag lod kïtasï þakumtanya, a i lan horr yo Aserahg lod, a i tetïn nya kïtasï þakumta luwahg lod, a i tølïn tød ko kam logt'n non.

⁴ A ðan titbe kï Bïraþe Luwah losï al,

⁵ na a i sahn go Bïraþe Luwah losï kam londïat. Lon a i køt ku girrdegt losï kïtakad ndah tøn døt, lot'non la a i awïnt ye.

⁶ Lot'n non la a i ðen kï kadkarig losï kïlahorrt kï kadkarig losï kïjakø kï gáj kïða ku kïkïlahgt losï kï kadkarig losï kïkun kïdõ kï kadkarig kïgo kunkøgt losï kï kadkari kamndig losï kï nganderr dãg losït kïbo kï kïdu.

⁷ Nu la a i san nyat kïnõ Bïraþe Luwaht losï na i ðan ronel kïta nyag tube'n jisï ðen, in majkurr kokïro Bïraþe Luwaht losï'n i ngahn,

⁸ Ot ðan tit'n jî kï ndï kï ðan labe þone: Dekïðen ndï ða nya'n oo maj takumïnt,

⁹ kïta 'nten lo taakòt kï kam nyakagþet'n Bïraþe Luwah losï ndï adsï al þaitø.

¹⁰ Na lon i gangïn bah Jurrdë, i Israelag ða ton dïngïr lo ngéðayog, ndïn kam døning'n Bïraþe Luwah losï ndï adsï nyakagþet, Lon adsï taakò ji madngétasïgt tube'n gugïn døsï ad i ndïn kï kamkïsokïber,

¹¹ kamla a i ðen kï kadkarig losï kam lot'n Bïraþe Luwah losï a køt kad ndah tøn døt, lot'n non a i ðen kï nya kïðen'n m'ndasï mbera, ad i kadkarig kïlahorrt losï kï kadkarig kïjakø losï kï gáj kïða ku kïkïlahgt losï kï kadkarig kïkun kïdõ losï kï kadkarig tube kïgo kunkøgt losï, îgïn i ndan ne yo adïn Bïraþe.

¹² A ðan ronel kïnõ Bïraþe Luwaht losï, în kï ngansïg kïdïngã kï kïdë, þerg losï kï dïngã kï kïdë kï Lebia'n ndï kam þet kïta gáj loa ke nyanduba loa goto kusït.

¹³ Oo go roi maj kad i la kadkarig loi kïlahorrt kam logt tube'n a oo nõ al,

¹⁴ na a i la kadkarig loi kï lahorrt kam lot'n Bïraþe a køt kam døningt lo kïkïða ku girrdegt loi. Nu la a i ða nya kïðen'n m'ndasï mbera ye.

¹⁵ Ke i titbe kaa kïgo ndigt loi a i tøl dã, a i sa dãa kam þebogt loi tube kïgo majkurrt'n Bïraþe Luwah loi adi, de'n i kïyerr ke de'n i kïkar asï sa tit'n deg a san ne dã wal kï kal ye be.

¹⁶ Na a i san mosï al, a i mbela kø døningt tit man be.

¹⁷ Sumba kad i sa gàj kïkïða ku kï kïlaht lo nyako loi kam londït al, ke man nduu loi kï yib loi, ke ngonderr dã loi kïbo ke kïdu, ke kïða ku kadkarigt loi kïgo kunkøt, ke kadkari kamndig loi ke kadkari kand kïdasa loi,

¹⁸ Na a i ða ronel kï nõ Bïraþe Luwaht loi kïta nyag tube'n a i ngah jiit, kam lot'n Bïraþe Luwah loi a køt la a i sa tit, î kï ngoni kïdïngã kï kïdë, þer loi kïdïngã kï kïdë kï Lebia'n ndï be loi.

¹⁹ Oo go roi maj kad i nya Lebia kø al, ndøig tube'n i ndïn kï døi dõ kam døningt loi.

²⁰ Lon Bïraþe Luwah loi ad ðobnin døning loi teltat tit'n unïn køn adi, îla nyur sa dã õi ad i el an: M'ndig sa dã a ne, a i sa kïgo ndigt loi.

²¹ Îla lon Bïraþe Luwah loi a køt kïta ndah tøn døt i sãi sei a ne, a i tøl dã loi, ke kïbo ke kïdu, tit'n m'ndai mbera na a i sa kïgo ndigt loi kam þet loi.

²² A i sa tit'n a san ne wal ke kal, de'n i kïkar al ke de kïkar, tujoo a san.

²³ Ta kïðabe koon, oo maj kad i sa mosï al kïta mosï la i kumkajir na a i sa kumkajir nat kï dã al.

²⁴ A i sa al na i mbela kø døningt tit man be.

²⁵ A i sa al kïtakad maj urri, în kï ngani kïgoit kïta i ndï i ða nya kïgoðobat takum Bïraþet.

²⁶ Na nyag kï i ndad tadang kï kadkarig kïgo kunkøt loi a awïn lot'n Bïraþe køt.

²⁷ A i la kadkarig loi kïlahorrt, ad i dãa kï mosa dø dïngïrt lo Bïraþe Luwah loi, na mosï kadkarig loi kïðang a i mbel dø dïngïrt lo Bïraþe Luwah loi na a i sa dãa.

²⁸ Oo maj kad i oo dø tag tube'n m'ndai mbera kïtakad maj urri mbãkïnõt, î kï ngani kïgoit, kïta i ndï i ða nya kïmaj kï kïgoðobat takum Bïraþe Luwaht loi.

Bïraþe gangta dø yogt Kaana

²⁹ Lon Bïraþe Luwah loi nuj girrdeg'n a i tuþad nõit, lon i tuþad woi, na i ndï døningt lod a ne,

³⁰ oo go roi maj, na þeta gum høi, ad i ndulo go nyandaj lod got'n nujïnd kø nõit. Oo maj kad i sah go yog lod al ke el an: Titbãi, girrdeg'n non ðan ne kïlaþerr adïn yog lod a? Mî tø m'm'ndig ða titbe ho.

³¹ A i ða titbe kï Bïraþe Luwah loi al, kïta nya kïðen'n i kïyerr ro Bïraþet kï nya'n Bïraþe øsa ta, nyag'n non la ðan kïta yog lod mbã lan horr ngandg kïdïngã kï kïdë adïn yog lod.