Deteronom 10 - BIBLE MBAÏ 1980

Luwah ad Moij bar mbalg jo þaitø

¹ Kaglot'non Bïraþe elïm an: I tøsï bar mbal joo tit kïkete nõ, na al kïromt ne dø mbalbot. I ða sund kag tø.

² M'a m'ndang tag kï dø bargt kïdasa'n i tïla tø døt na a üd kam sundt.

³ M'ða sund kag akasia, m'tøsï bar mbalg joo tit kïkete, na m'al dø mbalbot kï barg kïjoo jimt.

⁴ Bïraþe ndang tag dø bargt kïjoo tit'n jan dø bargt kïkete, mberkïndag kïkïlah'n elsï taa dø mbalbot ngawden horrt, ndø kawnat, na Bïraþe adïm.

⁵ M'tel m'ðisï dø mbal bot, m'ü barg kam sundt'n m'ða na bargtont nõ tit'n Bïraþe ndamïn mbera.

⁶ Israelag þain Beerot Bene Jaakan kïta kaw Mosera. Nu la Aarõ oit ad duwïna, na ngona Eleajar ða kïlaþer janyamosï gan goota.

⁷ Þain lot'n non, awïn Gudgoda, þain Gudgoda awïn Jotbata, døning'n bahg in kamt ngãi,

⁸ Kaglot'non Bïraþe ørr girr Lebi ndaa tadang kad to sund kunkø nõ Bïraþet, kï ðà nõ Bïraþet kad ða kïlaþer loa, kï njang dø deg kam tøat, nya'n ndï ða mbã þone.

⁹ Kïtø 'nten la Lebi ngah'n gáj lon ke nyakagþe lon nat kï ngankõng al ye. Bïraþe i nyakagþe loa tit'n Bïraþe Luwah loi elan.

¹⁰ M'ndï dø mbalbot kàd døsøø ndø døsøø tit kïkete nõ. Bïraþe oo dø ko lom kaglot'non tø. Bïraþe ndig nuji al.

¹¹ Bïraþe elïm an: I þai, aw, i ørr ta ðob deg'n ðan kad awïn, taan døning nyakagþet'n m'ndan yo m'ad bøwdg kï m'ad'd.

Mberkïnda kï dø telrogotat ho kï tar Luwah ho

¹² Tajigla, Israel, ði Bïraþe Luwah loi ndï sah roit a? Gee kad i þool Bïraþe Luwah loi, kï i ndulo go ðobg loa tube, kad i tara na i ða kïlaþer ad Bïraþe Luwah Ioi kï ngarkami tube kï roi tube,

¹³ kad i ngomgo mberkïndag lo Bïraþe, kï tagkïgang loa'n m'ndai mbera þone kïtakad maj urri.

¹⁴ Oo, dørãg kï dørã kïdõ dø dørãg lo Bïraþe Luwah loi, døning kï nyag kïkamt tube in loa.

¹⁵ Be kaa Bïraþe hø bøwig sem, tard kï ngandg ngékutgod, tit'n gerïne þone, Bïraþe mbedsï ku girrdegt tube.

¹⁶ Maj kad i jan gaj ngarkamsï, na ot ngïran kïgosï.

¹⁷ Kïtø Bïraþe Luwah losï i Luwah lo luwahg, i Bïraþe lo bïraþeg, i Luwah kïbo kï kïngang kï kïkootþool, i Ngekørr de dene al, a taa kadkari ji det al tø.

¹⁸ Bïraþe gangta lo nganhalg kï ngéngawkoig goðobat, tar mbah na ada nyasa kï kub.

¹⁹ A i tarïn mbah kïta maði în mbahg kam døning Ejipt't.

²⁰ A i þool Bïraþe Luwah loi, a i ða þer loa, a i tïnyan na sia, na a i nda yo kam tøat.

²¹ Î la i nya ndub loi, î la i Luwah loi, i Ngeða nyag kïbobo, kï kïkootþool'n ood kï kumi.

²² Lon bøwig awïn Ejipt't ye, in deg døtanãimïta, na tajigla Bïraþe Luwah loi teli koosïg tit kïmëg kï dørãt.